Европа Биримдиги Россияга каршы санкцияларды дагы алты айга узартат
Евробиримдикке мүчө өлкөлөрдүн башчылары Россияга каршы экономикалык санкцияларды дагы алты айга узартууга макулдашып алышты. Бул тууралуу “Reuters” кабарлаган.
Агенттиктин кабарына таянсак, расмий билдирүү жакынкы убакытта жарыя кылынат.
Буга чейин, Польшанын премьер-министри Матеуш Моравецкий Европа Бримдиги Россияга карата санкцияларын узартуусу керектигин айткан. Брюсселдеги Евробиримдиктин саммитинде Польшанын премьер-министри аталган маселе боюнча позицияны “өтө олуттуу” деп атады жана Россияга карата экономикалык чектөөлөр узартылышы керектигин билдирди.
Туркистон:
АКШ Россиянын агрессивдүү саясатынан Евробиримдикке каршы пайдаланмакчы. Алгач, АКШ БУУнун адам укутары боюнча кеңешине мүчөлүктөн чыгып кетти. Андан соң, НАТОдон да чыгып кетиши мүмкүн экендигин жарыя кылып, ушул аркылуу Евробиримдикке басым өткөрмөкчү болду. Ушул күндөрдө Россия президенти менен жолугушуу АКШнын сунушу менен болуп жатканы да жогорудагы басымдарга кошумча болду.
АКШ Евробиримдиктин өзүнө көзкарандылыгын күчөтүп, аны Россиядан сактап турушу мүмкүн болгон жападан-жалгыз күч АКШ экендигине ынандырмакчы болууда. Себеби, НАТО негизи АКШнын аскерий блогу экендиги баарыбызга белгилүү. “Россияны Украинаны басып алуудан НАТО гана тосуп турат” деген жетекчи пикир бар. Ошондуктан, АКШ Евробиримдикти НАТОнун материалдык чыгымдарын көтөрүүдө көбүрөөк салым кошууга мажбурламакчы болууда.
Бирок, акыркы кезде Россия Азиядагы мамлекеттерге карай бурула баштаганы АКШны тынчсыздандырууда. Путин Кытай жана Япония сыяктуу өнөржайы өнүккөн мамлекеттердин инвестицияларына эшиктерин ачууга убада берди. Т.а. Россия экономикалык колония болушу мүмкүн болгон эшигин ачты. Ошондон кийин, АКШ “Россияны “G7” уюмуна кайрадан кошуу керек” деген демилгени көтөрдү. Эми Путин менен расмий жолугушуу белгилеп, мурда Сирия маселесинде шерик кылганы сыяктуу эле, дагы кайрадан алдоого аракет кылып көрмөкчү. Жогорудагы билдирүү болсо Евробиримдиктин жаңы позициясы. Алар Путин-Трамп сүйлөшүүлөрүнүн натыйжасына жана андан кийинки АКШнын стратегиясына карай өзгөрүп кетиши да мүмкүн.
