Путин АКШ менен мамиле кандай абалда экендигин билдирди
РИА Новости кабарлагандай, Россия менен АКШнын алакасы деңгээли жана мүнөзү жактан канааттандырарлык эмес. Бул тууралуу РФ президенти Владимир Путин билдирген.
Путин АКШ президенти Дональд Трамп менен мамиле мындан кийин кандай абалда болушу туурасындагы суроого: “Биз Россия-Америка алакасынын деңгээли жана мүнөзүнө канааттанбайбыз”, – деп жооп берген.
Ал ошондой эле Россия АКШ менен диалогго даяр экендигин, бирок бул нерсе ишке ашпай жаткандыгын баса белгилеген.
Путин Петербург эл аралык экономикалык форумундун жыйынында: “Биз бул диалогго даярбыз. Трамп мырза өзүнчө жолугушууну сунуштаган, бирок көптөгөн проблемалар пайда болуп, жолугушуу болбой калууда. А бирок, биз диалогго даярбыз”, – деди.
