Йылдырым: Коргонуу, тышкы иштер жана разведка тармагында АКШ менен кызматташабыз
АКШ менен Түркиянын ортосундагы алакалар эки мамлекеттин коргооо министрлиги, тышкы иштер министрлиги жана разведка жетекчилеринин өз ара кызматташкан механизми менен башкарыла турган болду. Бул тууралуу Түркия өкмөт башчысы Бинали Йылдырым Германияга болгон сапарынан кайтып келе жатып маалымдады.
“Мындан ар эки мамлекеттин коргоо министрлери, тышкы иштер министрлери жана разведка жетекчилери бири-бири менен тыгыз байланышта иш алып барат. Бул маселелерди макулдашуунун деталдарын министрлерибиз менен талкуулайбыз”,- деди премьер-министр.
Мындан бир нече күн мурун АКШ мамлекеттик катчысы Рекс Тиллерсон Түркияга барып, президент Режеб Таййиб Эрдоган жана тышкы иштер министри Мевлют Чавушоглу менен өз-өзүнчө котормочусуз бир нече саат сүйлөшкөн. Жолугушуудан кийин Чавушоглу Тиллерсондун сунушун “манилүү жана пайдалуу” деп сыпаттаган. Чавушоглунун айтымында, бул жолугушууда эки тараптуу мамилелер гана эмес, аймактагы маселелер да талкууланган.
“Биз өз ара мамилебизди турукташтыруу боюнча келишип алдык. Маселелерди чечүүнүн механизмдерин түзөбүз. Бул механизмдер топ ыргыткан оюн эмес. Иш сапардын натыйжасында келечек үчүн бирдиктүү кадамдар таштайбыз жана жемишин көрөбүз. Союздаш өлкө катары аймактагы кызматташтыкты бекемдейбиз”,- деди Чавушоглу.
