АКШ Европага 1,3 млрд долларлык аскердик техника жиберет
АКШ Европага 2019-жылда жалпы баасы 1,3 млрд долларга жеткен аскер техникаларын жиберет. Бул тууралуу АКШнын куралдуу күчтөрүнүн кургактыктагы кошуундар бюджетин пландаштыруу башкармалыгынын жетекчисинин орун басары Дэвис Уэлш кабар берди.
Башкармалык тарабынан 2019-жылдын планында Европага “455 млн. долларлык 40 даана Abrams танкы, 250 млн. долларлык 62 даана MSE ракетасы, 230 млн. долларлык 66 даана AMPV көп тармактуу брондолгон техника, 61 даана Bradley брондолгон унаа жана 171 млн. долларлык HIMARS ракеталары жеткирилет”, – деп айтты Уэлш брифингде.
Ал аталган техникалар кайсыл жерге жиберилишине аныктык киргизбеди. О.э Уэлш, булар болжолдуу сандар экенин кошумчалады.
