Өзбекстандын тышкы иштер министри Абдулазиз Камилов иш сапар менен Бишкекке келди
Өзбекстандын тышкы иштер министри Абдулазиз Камилов 4-ноябрь күнү Бишкекке иш сапар менен келди. Бул тууралуу Кыргызстандын тышкы иштер министрлиги кабарлады.
Кабарда келишинче, Камилов Кыргызстандын тышкы иштер министри Эрлан Абдылдаев менен жолугушкан. Жолугушууда эки тараптуу кызматташтык маселелери талкууланган.
Белгилүү болгондой, август айында Өзбекстандын тышкы иштер министри, расмий Ташкент Борбор Азия мамлекеттери менен кызматташтыкты күчөтүү ниетинде экендигин билдирген эле.
Камилов ошондо президент Шавкат Мирзиёев “шайлоо программасында Борбор Азия биздин негизги максатыбыз деп жарыя кылганын” айткан эле.
Туркистон:
Борбор Азия геосаясий өзгөрүүлөрдүн алдында тургандай сезилүүдө. Мунун негизги себеби, Россиянын эл аралык саясаттагы орду төмөндөп бара жатышы болсо, андан кийин Борбор Азия лидерлигине умтулуп жаткан Казакстан жана Өзбекстан бийликтеринин регион лидерлигине умтулуусу жана ушул багыттагы атаандаштыгы себеп болушу мүмкүн.
Казак режиминин Кыргызстанга бажыкана аркылуу өткөрүп жаткан экономикалык кысымдары саясий таасирин көрсөтө баштады. Казакстан президентинин бул кежирдиги ЕАЭБди жок кылып жибериши мүмкүн болгон кооптуу абалды пайда кылып жатышына карабастан, Россия тарап бул жараянга чек коё албай жатат. Ал тургай, уюмдун атына таасир өткөрүү үчүн бирер аракет кылып койбоду.
Өзбекстан учурдан пайдаланып, Кыргызстанда пайда болуп жаткан саясий жана экономикалык боштуктарды өз кызыкчылыгына ылайык толтуруп алмакчы болууда. Т.а. кырдаалдан пайдаланып, региондогу саясий жана экономикалык таасирин, салмагын жана позицияларын бекемдеп алмакчы болууда.
