Тиллерсон: Сирияда жаңы “коопсуз аймак” түзүү боюнча изденип жатабыз
Казакстандын борбору Астана шаарында болуп өткөн Сирия боюнча сүйлөшүүлөрдө Россия, Түркия жана Иран мамлекеттеринин кепилдиги астында Сириянын Идлиб провинциясында “коопсуз аймак” түзүү боюнча келишим түзүлгөн эле. Аталган долбоор АКШ тарабынан түзүлгөндүгүнө карабастан, Москва жетекчилигинде Түркия жана Ирандын колдоосу менен ишке ашырылып жаткандыгы жана АКШ муну колдоп-кубатташы айтылып келген эле. А бирок, АКШ мамлекеттик катчысы Рекс Тиллерсон АКШ Сирияда кошумча “коопсуз аймак” түзүү боюнча иштеп жаткандыгын билдирип, бул долбоор АКШнын долбоору экендигиy жана Россия муну ишке ашырып жаткандыгын билдирди. Тиллерсон бул тууралуу Сенаттын тышкы алакалар комитетинин алдында сүйлөгөн сөзүндө айтып өттү.
“АКШ Сирияда жаңы “коопсуз аймак” түзүү үчүн дипломатиялык иш-аракеттерди кылууда”, “Биз Россия менен биргеликте Сирия батышында “коопсуз аймак” түзүүдө ийгиликке жетиштик. Учурда дагы кошумча “коопсуз аймак” түзүү үчүн иштеп жатабыз”, – деди Тиллерсон.
О.э. АКШ Ирандын Сириядагы аралашуусун азайтууга жетишкендигин билдирди. Бирок, адистердин күбөлүгү мунун тескерисин көрсөтүүдө.
Кечээ күнү жарыя кылынган бир отчётто келишинче, Асад режиминин катарында жок эле дегенде 90.000 ирандык согушкер бар экендиги расмий түрдө тастыкталган. Ошол отчёт ашкере болгондон кийин “Сириядагы согуш” боюнча изилдөөлөр алып баруучу көз карандысыз уюмдар, Асад режими аскерий жактан түгөнүп бүткөндүгүн, эгерде Россиянын авиа соккулары менен Иран жөнөткөн согушкерлер болбогондо, Асад режими оппозиция каршысында тура албастыгын баса белгилешти.
Туркистон:
АКШ акыры Россия менен Иран өзүнүн дөбөттөрү экендигин ачыктады!!!
