Кыргызстан бийлиги 11 балалуу баатыр энени эркинен ажыратты
Кыргызстан бийлиги көптөгөн жылдардан бери Ислам жана мусулмандарга каршы жийиркеничтүү күрөшүндө негизинен мусулман эркектер менен күрөшүп келе жаткан эле. Бирок, расмий бийликтин мусулман эркектерге өткөрүп жаткан зулум жана басымдары натыйжа бербей, боордошторубуз бул жолдо үлкөн сабыр жана бекемдик көрсөтүп келген соң, арсыз бийлик мусулман эркектердин намысын козгоо аркылуу бирер фитна чыгаруу жана ушул аркылуу Ислам жана мусулмандарга каршы жүргүзүп жаткан күрөшүнө мыйзамдуу түс берүү жолун издей баштады. Ошол себептен да бийлик 2013-жылдан баштап Ислам дүйнөкарашы сакталышы важиб болгон намыс деп этибар кылган энелерибиз, эже-карындаш жана кыздарыбызды да өзүнүн жийиркеничтүү күрөшүнө аралаштыра баштаган болсо, бүгүнкү күнгө келип көп балалуу энелерди да камакка ала баштады.
Ысык-Көл облусуна караштуу Түп районунун тургуну, 1975-жылы төрөлгөн, 11 баланын энеси жана 12-баласын күтүп жаткан Назира Асаналиева да күч түзүмдөрүнүн жалаасы себептүү 3 жылга эркинен ажыратылды.
2017-жыл, 5-март күнү болжол менен 07:00 чамасында Назира Асаналиеванын үйүнө УКМКнын жана Түп РИИБнин 10-бөлүмүнүн кызматкерлери келип, текшерүүгө уруксат кагазын көрсөтүп, үйдү тинтүүгө алган. Тинтүү учурунда анын үйүнөн онго жакын китеп табылган. Табылган китептердин бардыгы Кыргызстанда расмий түрдө басылып чыккан жана муфтияттын мөөрү басылган китептер болгон. Күч органдары керектүү болгон “далилзат” таба алышпаган соң, өздөрү алып келген китепти таштап коюшкан. Өткөрүлгөн экспертиза болсо, “бул китеп Хизб ут-Тахрир исламий саясий партиясына таандык” деген тыянак чыгарган. Ошондон кийин болуп өткөн соттук отурумда, судья Назира Асаналиеваны 2 айга үй камагына алуу туурасында өкүм чыгарган.
Назира Асаналиева жана анын өмүрлүк жолдошу Нурмат Асаналиевдер 2017-жыл, 26-сентябрдагы соттук отурумда, табылган китеп аларга тийиштүү эместигин айтышып, Назира Асаналиеванын 3 айлык боюнда бар экендиги туурасында (УЗИнин) тыянагын көрсөтүшкөн. Бирок, судья буларды эсепке албастан, Назира Асаналиеваны 3 жылга эркинен ажыратуу туурасында өкүм чыгарды.
Кыргызстан бийлиги муслима энелерибиз, эже-карындаш жана кыздарыбызды ушул сыяктуу ыпылас тергөөчү жана судьяларга тапшырып, алардын колу менен жийиркеничтүү максаттарын ишке ашырып келе жатат. Бул судьялар болсо убактылуу кызматынан айрылып калбастык үчүн ал тургай акыретин күйгүзүп жиберүүгө да даяр турушат. Бүгүнкү күндө бийликтин бирден-бир таянычы күч түзүмдөрү болгондуктан, алар ишке ашырган зулум жана адилетсиздиктерди көрмөксөн болууда.
Эй, Кыргызстан мусулмандары!
Биз расмий бийлик күч түзүмдөрү аркылуу ишке ашырып жаткан зулум жана адилетсиздиктерге о.э. Ислам шариятында сакталышы важиб болгон намыс деп эсептелген энелерибиз, эже-карындаш жана кыздарыбыздын тагдырына кайдыгер карап, “мага, менин үй-бүлөмө тийбей жатат го” деп тура берсек, көп убакыт өтпөстөн бул бийлик аялдарыбызга чабуул кыла баштайт. Ошондуктан, биз бийликтин адилетсиздиги жана күч түзүмдөрүнүн мыйзам бузууларынын алдын алууга азыртадан аракет кылышыбыз керек. Антпесек, эртең кеч болуп калат!
