Бахрейн королу: (Израил)ге каршы сүйлөөдөн сактангыла
Бахрейн мечиттеринде баскынчы (Израиль) режимине каршы сөз сүйлөөгө тыюу салынды. Бул тууралуу айрым араб маалымат булактары о.э. “Times of Israel” гезити кабарлады. Кабарда келишинче, Бахрейн королу мечит имамдарына “(Израил)ге каршы сүйлөөдөн сактангыла” деп буйрук берген.
Бул абал акыркы кездерде Бахрейн королу Хамад бин Иса ал-Халифа тарабынан экинчи жолу кайталанууда. Бахрейн королу буга чейин (Израил)ге карата колдонулган бойкотторго нааразы экендигин айтып чыккан эле.
АКШдагы (израилдиктер)ге караштуу мекемеде билдирүү берген король Хамаддын сөздөрү айрым араб өлкөлөрү менен (Израил)дин ортосундагы жылуу мамилелерди чагылдырган алгачкы билдирүү болду. Бахрейн королу (Израиль) менен дипломатиялык алакаларды өнүктүрүү туурасындагы ниетин АКШдагы “Simon Wiesenthal Center” уюмунун жетекчиси раввин Иброхим Копер менен жолугушуу учурунда билдирди. (Израил)де чыгуучу “Йерусалем Пост” гезитинин кабарына таянсак, Бахрейн королу раввин Коперге (Израиль) менен расмий алака орнотуу тарапкери экендигин жана (Израил)ге каршы жарыя кылынган бойкотторго нааразы болгондугун билдирген.
АКШ, Европа Союзу, Россия жана Ватикан менен бекем байланышта болгон Бахрейн королунун (Израиль) туурасындагы жылуу билдирүүлөрү мындан ары да уланышы күтүлүүдө. Араб маалымат булактарынан алынган кабарларга таянсак, Бахрейн жооптуулары бир жылдын ичинде (Израиль) менен мамилени расмий түрдө изге салуу боюнча баш оорутуп жатышат.
Башка тараптан, Булуңда Бириккен Араб Эмираттарынын (Израиль) менен жакын алакасы бар экендиги белгилүү. БАЭнин Вашингтондогу элчиси Юсуф ал-Утайбенин АКШдагы яҳудий лоббиси менен жакын мамилеси тууралуу кабарлар тараган эле.
(Израил)дин премьер-министри Бенямин Нетаняху да бир нече апта мурда (Израил)менен араб өлкөлөрү ортосунда тарыхта эч качан болбогон “жакшы алакалар ” бар экендигин жарыя кылган эле.
