Астанада Сирия боюнча сүйлөшүүлөрдүн 6-айлампасы башталды
Казакстандын борбору Астана шаарында Сирия боюнча сүйлөшүүлөрдүн алтынчы айлампасы башталды. Бул тууралуу РИА “Новости” агенттиги кабарлады.
Кабарда келишинче, сүйлөшүүлөр кепил болгон мамлекеттердин жумушчу топторунун жолугушуусу менен башталган.
Жолугушуулар жабык эшиктер артында өтүүдө. План боюнча, алгач эки тараптуу формадагы сүйлөшүүлөр болуп өтөт, андан соң жолугушууга БУУнун өкүлдөрү келип кошулат.
Астанадагы сүйлөшүүлөр үч күнгө созулат.
Буга чейин, аталган сүйлөшүүгө Сириядагы куралдуу оппозициянын катыша тургандыгы кабарланган болчу.
