БУУ, АКШ жана Россиянын ортосунда Женевада өткөрүлүшү пландаштырылган Сирия маселеси боюнча жолугушуу кийинкиге калды. Бул тууралуу БУУнун өкүлү Стеффан де Мистура БУУнун Женевадагы офисинде уюштурулган маалымат жыйынында жарыя кылды. Мистуранын билдиришинче, айрым шарттар туура келбегендиктен, үч тараптуу жолугушуу кийинкиге калтырылган.
“Анын ордуна Россия тышкы иштер министринин орун басары Геннадий Гатилов менен кызуу сүйлөшүүлөр өткөрүлдү. Астана жана Женева жараянын талкуулашабыз”, – деди БУУнун өкүлү.
“АКШ эмне үчүн бул жолугушууга катышпай калды?” – деген суроого, БУУнун өкүлү: “Эмне үчүн катышпагандыгын алардын өзүнөн сурагыла”, – деп жооп берди.
Мистура Женева-6 жолугушуусу майдандагы өзгөрүүлөрдү эсепке алган абалда, ыңгайы келген бир күнү өткөрүлө тургандыгын билдирди.
Женева-5 сүйлөшүүлөрү 22-март жана 1-апрель күндөрү болуп өткөн эле.
Туркистон:Сирияда илманий режим орнотуу үчүн Женевада, Астанада же башка жерлерде бир топ жыйындар өткөрүлдү. Сирияда убактылуу өкмөттү түзүү, жаңы конституция иштеп чыгуу жана шайлоолорду өткөрүү боюнча чечимдерди кабыл алуу үчүн болгон мүмкүнчүлүктөр жумшалды.
АКШ башчылыгындагы коалицияга мүчө өлкөлөрдүн бирден-бир максаты, Сирияда илманий т.а. Исламды турмуштан алыстатуучу демократиялык мамлекетти куруу. Бул жаатта Россия, Түркия жана Саудия сыяктуу мамлекеттер АКШга иттей кызмат кылышууда. “Биз Сирияда илманий демократиялык мамлекет куруунун тарапкерибиз”, – деген билдирүүлөрдү Түркия жана башкалардан тынымсыз угуп келе жатабыз.
“Сириянын келечегин Сирия калкы белгилейт” деген сөздөр болсо, болгону айтылган жерде калып кетүүчү куру сөздөр болуп эсептелет. Себеби, Сирия калкы Шарияттан башкасын тан албай жатат. Бирок, алар “Сирия калкы” дегенде Асаддын илманий режимине каршы баш көтөргөн калкты эмес, тескерисинче мейманканаларда оонап жаткан жана чөнтөктөрү акчага толтурулган бир нече адамдарды гана назарда тутуп жатышат.
Ошондой болсо да, куфр дүйнөсү Сирияда көздөгөн натыйжага жетише албай жатышат. Себеби, Сирия калкы Исламий башкаруу тарапкери экендигин ачык жарыя кылып, илманий мамлекетти катъий четке кагууда. Ошондуктан, бүгүнкү күнгө чейинки аракеттердин баары жокко чыкты. Женева 6-7-8-9 жана башка жолугушуулар уланышы мүмкүн. А бирок, алардан да натыйжа чыкпастыгы көрүнүп турат.
