Садыр Жапаров №47-абактын ооруканасына жаткырылды

Садыр Жапаров №47-абактын ооруканасына жаткырылды

 ЖМКлардын кабарына таянсак, 25-мартта УКМК кызматкерлери тарабынан кармалган экс депутат Садыр Жапаров №1-тергөө изоляторунда моюну жана венасы кесилген абалда табылган. Бул тууралуу Жаза аткаруу кызматы кабарлаган.

Кабарларда келишинче, Садыр Жапаров өзүнүн кан тамырларын өзү кесип салган.

“Жапаровдун абалы туруктуу, маанилүү органдарына зыян жетпеген. Ал №-1-тергөө абагынын кызматкерлерине жана камерада чогуу отурган кишилерге, №47-абактын кызматкерлерине доосу жок экендигин билдирди. Ал бир гана нерсени: абакта отурган туугандарын бошотууну суранды”, – деп айтылат кабарларда.

Садыр Жапаравго Атайын прокуратуранын жана Акыйкатчынын өкүлдөрү кирип жолугуп чыгышкан.

 Туркистон:

Кыргызстан бийлиги “битке өчөшүп көйнөгүн отко салгандай” иш кылууда. Алар бийликти колдон чыгарбоо максатында ар кандай ыкмаларды колдонуу менен, Кыргызстан мамлекеттүүлүгүн жок кылып, мамлекеттик башкаруу системасын бузуп жиберишүүдө. Т.а. ар кандай мамлекеттүүлүктү, белгилүү бир башкаруу системасына негизделген принциптер кармап турат. Бул система болсо, мыйзам үстөмдүгү принциби сакталып турушу менен болот. Бул болсо, ар бир жарандын мыйзамдуу акы-укуктары мамлекет тарабынан корголушу керектигин түшүндүрөт. Антпесе, мамлекеттик аппарат өзүнүн системадагы милдетин жана бар болуп туруу табиятын жоготуп, бир топ адамдын колундагы куралга айланып калат.

Кыргызстандын мамлекеттик аппараты жарандардын акы-укуктарын тебелеп жатат. Абактагы эле эмес, тышкарыдагы жарандардан түшүп жаткан арыз-даттанууларга да көңүл бурбай жатат. Адамдар башына түшүп жаткан кыйынчылыктарда кимге кайрылууну билбей калышты. Күч түзүмдөрү бул саясий башламандыктардан пайдаланышып, жарандарга зулумду  ого бетер күчөтүп жиберишти. Абактардагы абал өтө эле оор. Бир ай бою ачкачылык акциясын уюштурган абактагы мусулмандарга бийликтин кандай мамиледе болгонун эстеңиз.

Ушундай абалда жарандар проблемалары мыйзамдуу жол менен чечилишинен үмүттөрүн үзүшүп, Жапаров сыяктуу, кескин чаралар менен өзүн жана жакындарын коргоого аракет кылышат. Анткени, мамлекет өзүнүн түздөн-түз милдети болгон иштерди аткаруудан моюн толгоп жатат. Ал мамлекеттик аппараттан өкмөттүн кызыкчылыгы үчүн гана пайдаланып, сот, прокуратура жана башка күч түзүмдөрүнүн милдет жана жоопкерчиликтерин монополия кылып алды. Бул жийиркеничтүү аракеттерин актоо үчүн, зулум көрүп жаткан тарапты маалымат каражаттары аркылуу тынымсыз каралап жатат. Эң катуу зулум мусулмандарга каратылууда. Исламий терроризм, экстремизм сыяктуу бир катар куфр терминдеринен пайдаланып, мазлум мусулмандарга жана кээ бир оппозиционерлерге каршы маалыматтык чабуулдарды уюштурууда. Кыргызстандагы жетекчи топ креслолорун сактап калуу максатында Кыргызстан мамлекеттүүлүгүн талкалап жатат. Алар өздөрүнө жакпаган күчтөргө каршы күрөшүп жатканда,  атаандаштарынын мыйзамдуу акы-укуктарын коргоп бериши керек эле.

Момундар амири азирети Умар р.а.нун көптөгөн мусулмандардын өлүмүнө себепкер болгон Перс командачысы Хурмузонго кылган мамилесин эстеңиз. Ага карата өлүм жазасына тартуу тууралуу өкүм чыгарылган эле. Хурмузон өлүмүнүн алдында бир кесе суу сурады. Колдору калтырап кесени оозуна алып бара албай турганда, Халифа Умар р.а. ага “коркпой иче бер, ушул кеседеги сууну ичип болмоюнча өлтүрбөймүн” деди. Хурмузон кеседеги сууну жерге төгүп жиберип “эми өлтүрбөйсүн” деп дабаа кыла баштады. Умар р.а. “сен мени алдадың” деген эле, айланасындагы сахабалар “жок, сен ага амандык берүүгө милдеттүүсүн, сен убада бердиң, биз күбөбүз” деп кафирдин тарабын алышкан.

Мусулман жана муслималарга зулумдар, жалаа жана адилетсиздиктер болуп жатканын көрүп туруп, ыйгарым укуктары менен алардын таламын талашууга батына албагандардын жана сүкүт сактап туруу менен залимдерге шерик болгон саясатчылардын өздөрү ошол бузук башкаруу системасынын курмандыгы болуп калышууда. Алардын айрымдары абакта болсо, дагы башкалары куугунтукталып  чет өлкөлөрдө жүрүшөт. Дагы бир тайпасы, колунда турган убактылуу бийлигинен пайдаланып, кутуруп жүрүшөт. Бул аркылуу алар да өздөрүнүн эртеңкисине ор казып жатышат…