Эрдоган: Россия менен аскердик тармакта кызматташтык кылуудабыз
Туркия президенти Режеп Таййип Эрдоган Москвада Россия президенти Владимир Путин менен жолугушту. Кремлде болуп өткөн талкуулар жабык эшик артында болуп өттү. Кабарларда келишинче, күн тартибине киргизилген эң маанилүү тема Сирия маселеси болгон. Жолугушуудан кийин эки башчы пресс-конфреренция беришти.
Журналисттерге жооп берген Россия президенти Жакынкы Чыгыш регионундагы абал абдан олуттуу экендигин айтты. Путиндин айтышынча, бул абал Россия үчүн да коопту болуп эсептелет. Ошон үчүн Россия жана Түркия террорго (Исламга) каршы өз ара разведка маалыматтарын бири-бири менен алмашууда.
“Кандай максатта болушуна карабастан терроризмдин бардык түрүнө каршыбыз. Бул боюнча Түркия менен маалымат алмашууну алып баруудабыз. Аймактагы абалдын канчалык олутуу экенин сезип турабыз. Бул болсо, глобалдык деңгээлде болуп биз үчүн да коопту. Биргеликте террорду жок кылабыз”. “Акыркы убактарда дүйнөдө болуп жаткан кризистер, өгөчө Сирия кризисин жоюуу үчүн аракеттерибизди дагы да улантып жатабыз. Аскердик жана атайын кызматтар ортосунда конструктивдүү учурашуулар да болуп жатат. Эки мамлекеттин коргоо жана разведкалары ортосунда жакшы алакалар орнотулду. Ортобуздагы алакалар тездик менен күчөп барууда. Москва мындай алакалаларга ыраазы. Россия жана Түркия аскерлери ортосунда мынчылык деңгээлде жакын мамилелердин орношун эч ким күтпөгөн эле”, деди Путин.
Эрдоган да Туркия-Россия ортосундагы алакаларды жогору баалап, террорчу уюмдарга каршы күрөш алып баруу зарылдыгына басым жасап жаткандыктан, “Аскерий жактан да кызматташтык кылып жатабыз. Бардык террорчу топторго каршы анык чечим менен күрөш алып барууга мажбурбуз. Сириядагы адамдар үстүнүөн биз жоопкербиз” деп айтты.
