АКШ “Россия фитнасына” каршы 3,4 млрд доллар каражат бөлдү
АКШ түндүк Европа жана борбордук Европадагы союздаштарына 3,4 млрд доллар өлчөмүндө жардам берген. АКШнын Мамлекеттик катчысы Жон Керринин билдиришинче, бул жардам “Россия фитнасы”на каршы сунушталган. Керри бул тууралуу Вашингтондогу маалымат жыйынында билдирди.
Керри: “Биз демократиялык Украинаны колдоп-кубаттап жатабыз жана Россия фитнасына жооп иретинде түндүк жана борбордук Европадагы союздаштарыбызга жардам бердик”, – деди.
Анын айтымында, бул каражаттар мамлекеттердин коопсуздугун кепилдөө үчүн жана коргонуу тармагы үчүн зарыл болгон.
Мындан бир аз мурда, Керри президент Обамага жолдогон акыркы кайрылуусунда 2009-2013-жылдарда Москва менен Вашингтон ортосундагы мамилелерди “күчөтүү” ядролук куралдарды көзөмөлдөө жолунда о.э. Афганистандагы америкалык аскерлерге зарыл болгон буюмдарды жеткирип берүүдө “пайдалуу” болгонун баса белгилеген болчу.
Анын билдиришинче, АКШ жана Россия “айрым тармактардагы” жалпы кызыкчылык жолунда “кызматташуу жөндөмүн сактап калган”. Керри Арктикадагы ишмердүүлүктү ылайыкташтырууну жана Ирандын атомдук программасы боюнча сүйлөшүүлөрдү бул пикирине далил кылып келтирген.
Керри кошумчалап: “Россиянын Украинадагы агрессиясына жооп иретинде болсо, биз эл аралык коомчулукка жетекчилик кылган абалда украин элин колдоп-кубаттоо максатында Россияга каршы санкцияларды киргизишибиз керек”, – деген.
