Түрк ММКлары Алмазбек Атамбаевдин Стамбулдагы “оорусунун баян”ын жазып чыкты
Маалым болгондой, Кыргызстан президенти Алмазбек Атамбаев 19-сентябрь күнү БУУ Башкы ассамблеясынын 71-сессиясында катышуу үчүн Бишкектен Стамбул аркылуу Нью-Йоркко учуп жаткан учурда Стамбул аэропортунда өзүн жаман сезип калганы туурасында кабар таркалган.
Түркиянын “Siyaset cafe” сайты Атамбаевдин Стамбулдагы оорусу туурасында өз көз карашын жазып чыкты.
Сайттын жазышынча, аэропортко конгон Алмазбек Атамбаев Түркия президенти Режеп Тайип Эрдоганга Нью-Йорктогу БУУ ассамблеясына бирге баруу сунушу менен кайрылган. Бирок Атамбаев Эрдогандан “ЖОК” жообун алгандан кийин “тез арада оорулу болуп калган”. Кудум актёр сыяктуу образга кирип, тез жардам машинасы менен ооруканага бара жаткан видео тасмасын коомчулукка чыгарган. Ошондон кийин туристтик зона эсептелген Измирдин Чешме аймагына “эс алууга” кеткен.
“Siyaset cafe”дин жазышынча, Эрдогандан “ЖОК” жообун алгандан кийин Атамбаев ортомчуларды ишке салып бир апта аралыгында Москвадан кандай кабар келишин күтүп жаткан. Кабар келиши менен шашылыш түрдө эс алууну токтотуп, “Москвада даарыланам” деген шылтоо менен учуп кеткен.
Сайттын жазышынча, мындан тышкары Атамбаев Түркиядан качкан “ФЕТО”чу, “İpek Holding”дин ээси Акын Ипекти Кыргызстандагы “алтын кендерин” сатуу максатында чакырып, эң жогорку даражадагы протокол менен тосуп алган. Акын Ипек бул “алтын кен”деринен пайда түшпөстүгүн көргөндөн кийин, жеке самалету менен артка кайтып кеткени себептүү Атамбаевдин жаңы пайда табуу туурасындагы планы да ишке ашпай калган.
Макалада келишинче, бүгүн Кыргыз калкы ичинде Атамбаевге каршы абдан олуттуу оппозиция пайда боло баштады. Кыргызстан мамлекети азыр кедей, келечеги бүдөмүк. 6 миллион калкы бар Кыргызстан Кытайга 2,5 миллиард доллар карызы болсо да, Атамбаев 2,5 миллард долларлык карызды кыргыз калкы төлөй алат деген сөздөрдү айтып келет. Кыргызстан мамлекети карыздардан башы чыкпай турган бир убакта Атамбаев мамлекеттеги эң кымбат 100 тонна алтын запасына ээ, наркы 5 миллиард долларлык “Жерүй” алтын кенин Россияга 100 миллион долларга сатып жиберди. Кыргызстан мамлекети пайда катары бул алтын кенинен 100дөн бир пайызын да ала албады.
Туркистон:
Атамбаев, Грузияда сөз сүйлөп жатып, Кыргызстанда болуп өткөн эки жолку мамлекеттик төңкөрүлүштө жалгыз өзү бир нече жолу эрдик көрсөтүү менен абалды жөнгө салганын мисал кылып келтирди. Ал бул сөздөрүн, Украинаны сындап жатканда кыстара кетти. Атамбаев уялбастан Украинаны, тышкы колонизатор ири мамлекеттерден жардам алып жаткандыгын сынга алды.
Жогорудагы макала болсо, Атамбаевдин БУУ эл аралык уюмунун саммитинде катышуудан кантип качканына далалат кылат. Чындыгында да окуя кудум ушундай болду. Атамбаев, саммитте катышып, мамлекеттин кызыкчылыктарын жана ага болгон эл аралык басымдарды баян кылып, жетекчи мамлекеттер жүргүзүп жаткан саясаттарына нааразылык билдирип. Алардын ички иштерибизге аралашып жаткандыгын айтып, буларга кандайдыр бир чараларды көрүү механизмдерин иштеп чыгууга бүткүл агрардык жана үчүнчү дүйнө мамлекеттерине чакырык жасап, мына ошондон кийин Украинага кеңеш берсе жарашмак.
Атамбаев акыркы мезгилдерде, кандайдыр бир жыйындарда, ошол жыйындын темасын тунук түшүнө албай жаткандай көрүнүп жатат. Анын саясий көрөгөчтүгү абдан алсыздап бара жатат. Ал адам бүткүл Кыргыз мамлекетинин атын көтөрүп чыгып жаткан адам болгондуктан, бүткүл Кыргызстан калкы президенттин каталарынан жана анын эл аралык деңгээлдеги жыйындарда, жолугушууларда сүйлөгөн сөздөрүнөн уяла баштады. Маселе, Кыргызстандын ички саясатында. Б.а, Атамбаевдин призиденттик аппараты жана анын айланасындагы саясатчылардын өтө алсыз, саясий жана дипломатиялык жактан тажрыйбасыз, мамлекет стратегиясын белгилөөдө эч кандай билимге ээ болбогон саясий элементтер болуп жаткандыгы.
Атамбаев телевидения аркылуу “биз бири-бирибизге карата кечиримдүү болушубуз керек” деди. Бул, призиденттин айланасында андан кубат алып жаткан саясий топтун жеңилүүсүн тан алуу деп бааланат. Б.а, президенттин айланасындагы саясий топ, Кыргызстан элитасынын ишеничин алып, алардын кубаты менен оппозициячыл күчтөрдү майдандан сүрүп чыгарып жибере албады. Буга, алардын саясий тажрыйбасыздыктары жана жогоруда айтылгандай президенттин тышкы саясатта карманган дайынсыз позициясы да себеп болот. Анткени тышкы саясатты да, эл аралык саясатты да жүргүзүп жаткан дүйнөлүк таасир кубатына ээ болгон ири мамлекеттердин, Кыргызстандын ички саясатында өзгөрүүлөрдүн болушунда ролу абдан чоң. Атамбаевдин эл аралык саясаттагы орду, ролу ага боло турган мамилелерде маанилүү.
Атамбаев, “бир-бирибизди чукубай, кечиримдүү болсок жакшы болмок” деди. Бул эмне деген кеп? Б.а, коррупциялик аракеттер, кылмыштар, уурулуктар, пара алуу жана ушул сыяктуу кылмыштардын болгондугунда бири-бирибизди чукубай жүрсөк жакшы болмок эле демекчиби? Кудум ушул сыяктуу кылмыштар же булардан жүз, миң эсе кичинекей жана маани берилбей турган кылмыштар дагы жана башкалар, б.а чиновник болбогон карапайым жарандар тарабынан кылынган жана анын бети ачылып камакка алынса жакшы иш деп, аны ишке ашырган адам жоопко тартылат. А эмнеге ушул сыяктуу эле, бирок миң эсе ири кылмыштардын жүзү ачыла башталса, бири-биридибиз чукубай жүрөлү делет. Бул келишимдин өз кылмыш эмеспи!?
Бир аял призиденттин көрсөтмөсү астында, күч органдары тарабынан камакка алынды. Соттун өкүмү менен 8жыл 8айга эркинен ажыратуу жазасына тартылды. Ал аялдын 7 баласы бар эле! Ушул аял экстремист имиш! Ал коомубузга кооп-коркунуч туудуруп жаткан имиш! Зыян келтирип жаткан имиш!
Миллиондогон доллар жана акчаларды уурдап, тоноолор жана мородерлуктар аркылуу жүздөгөн жигиттердин канын төгүү жолу менен Бакиевдерди кууп, алардын гектарлаган жерлерин элден жашырып ээлеп алган саясатчыларыбыз бири-бирин чукубай жүрүшсө жакшы болот имиш. Эмнегедир бул жетекчилерибиздин кылмыштары бири-бирлери тарабынан жашырылып кетиши жакшылык имиш. Тескерисинче алар өздөштүрүп алган банк ячейкаларындагы нак акчалар жана башка пайдалар алардыкы эмес, элдики! Бул тоноочулар бири-бирине карата кечиримдүү болуп, бири-биринин уурулук жана баскынчылыктарын жашырышса жакшы болот имиш. Бул акыл-эси жайында болгон адамдын сөзү эмес!
