بسم الله الرحمن الرحيم
Муфтияттын кыянаты мусулмандарды теӊсинбестик болуп эсептелет
Мубарак “Рамазан айтты” бир күн мурда белгилеген бийликтин катасын оӊдоп коюу үчүн өз мойнундагы милдетти аткарбастыгы муфтий Максат ажы Токтомушевдин мусулмандар алдындагы бир кыянаты болсо, 31-июлда Бишкекте өлкөнүн бардык аймактарынан келген казылар менен жолугушуудагы кыянаты муфтий мусулмандарды теӊсинбестигин дагы бир жолу көрсөтөт. Себеби, анда казылардан “фитр садака” өз ээлерине берилишин о.э. элдин акысына кыянат кылбастыкты талап кылды…
Түпкүлүгүндө, “фитр” садакасын имам Шафеъ (рахимахуллах) фарз деген болсо, “Ханафий” мазхабында важиб. Ал өз учурунда берилиши керек эле. О.э. аны муфтият имамдардан өз убагында талап кылышы керек эле. Бирок, муну муфтий бир айдан кийин имамдардан талап кылышы, биринчиден Аллах Тааланын аманатына, экинчиден элдин акысына кыянат кылуу болот. Умар (р.а.)дан риваят кылынган хадисте:
لِحَدِيثِ ابْنِ عُمَرَ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ ۩ كَانَ يَأْمُرُهُمْ أَنْ يُؤَدُّوا صَدَقَةَ الْفِطْرِ قَبْلَ أَنْ يَخْرُجُوا إلَى الْمُصَلَّى وَقَالَ : اغْنُوهُمْ عَنْ الْمَسْأَلَةِ فِي مِثْلِ هَذَا الْيَوْمِ
“Расулуллах (с.а.в) фитр садакасын айт намазын окуганга чейин берүүгө буюрат эле жана “аларга (кембағал-мискиндерге) сурашынан мурда ушундай күндө берип койгула” деген эле”. (ал-Масудда келген)
Өзү элге кыянат кылып туруп, казыларды элдин акысына кыянат кылбастыкка буюруу – бул өзү амал кылбаган ишти талап кылуу болуп, Аллах Тааланын алдында мунун күнөөсү өтө оор:
يَاأَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ ۩ كَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ
Эй момундар, силер эмнеге өзүӊөр кылбай турган нерсени айтасыӊар?! Силердин өзүӊөр кылбай турган ишти айтышыӊар Аллахтын алдында өтө жаман көрүлгөн (иш). [61:2-3].
