Атамбаев Чубак ажыны сындады
Бүгүн президент Атамбаев Чолпон-Ата шаарында журналисттер үчүн маалымат жыйын курду. Жыйындын жүрүшүндө айрым диний кызматкерлердин кадамдарын сынга алды. Президенттин айтымында диний кызматкерлер бирди айтып, башканы жасабашы керек.
“Бизде айрым диний кызматкерлер бар алар ачык эле “Кыргызстан” саясий партиясын колдошот. Алар колдогон партия алкоголдук продукция менен демөөрчүлүк кылат. Мен аталган партиянын лидери Канатбек Исаевди сыйлайм, бирок ал чындыгында ошондой. Алкоголдук компаниясы бар партияны ажы кантип колдоосу мүмкүн? Бул диний жагынан каршы келет” – деди Атамбаев.
Эске салсак, өткөн жылы парламенттик шайлоодо экс-Муфтий Чубак ажы Жалилов “Кыргызстан” партиясынын принциптерин колдой тургандыгын ачык айтып чыккан болчу.
Туркистон: Президенттин сөзүндө чындык бар. Ал эми, анын ниети болсо Аллахка белгилүү. Чубак ажы жана дагы бир катар аалымдарыбыз парламенттик шайлоо учурунда Атамбаев айткан каталарды кетиришкен эле. Алар бир топ талапкерлердин намаз окуп жатканын далил келтиришип, аларды колдоп жиберишкен эле. Кийинчерээк, ошол депутаттар жана партиялар Ислам баалуулуктарын жана мусулмандарды акаараттоочу мыйзам долбоорлорун сунуштай башташты. Чубак ажыны экстремист деп, ал тургай камап жиберүүнү сунушташты.
Адам болгон соӊ, албетте адашабыз. Бирок, Пайгамбарыбыз (с.а.в.) “Мусулман бир тешиктен эки жолу чактырбайт” деген. Жакында президенттик шайлоо жана референдум болору күтүлүп жатат. Аалымдарыбыз бул жолу саясатчылардын намазына эмес, саясаттагы программа жана мыйзамдарына көӊүл бурушат деп үмүттөнөбүз. Себеби, биз врачка баа берип жатып, же анын колунан дарыланып жатып “намаз окуйт экен, демек адал жана туура дарылайт” деп баа бербейбиз. Тескерисинче, кайрыдин болсо да, врачтык адистигине көӊүл бурабыз жана ошого карай ишеним билдиребиз. Саясатчыга да, экономист, мугалим, аскерий адистер… баарына, өз адистигиндеги тажрыйбасы, адистик жөндөмү жана ушул системаны исламий шарттарга ылайык аткарып жатканына көӊүл бурушубуз керек.
Президент туура сындап жатат. Миңдеген адамдардын ичкич болуп кетишине, үй-бүлөлөр бузулуп, тирүү жетимдер көчөлөрдө калып кетишине негизги себепкерлерден болгон адамдарды колдомок тургай, алардын эхсанын да кабыл алууга болбойт. Алар коомубуздун эң төмөн жана жийиркеничтүү тайпасы болуп эсептелиши керек.
Бирок, президент мамлекет башчысы болуп туруп, ушул сыяктуу арак заводдорунун ишмердүүлүгүнө тыюу салган жок. Президентибизди мусулман деп билебиз. Анан эмне үчүн өзү жийиркенип, аларды колдоп жибергени үчүн аалымдарды каралап туруп да, арак соодасына тыюу салып койбойт. Бул нерсе саясаттагы жетекчи топтун башкарууда арам иштерге жол берип жатканын түшүндүрөт.
Ошондуктан, Хизб ут-Тахрир уюму Кыргызстан аалымдарын жана мусулмандардын бардыгын шайлоодо этият болууга чакырып келет. Саясат тез өзгөрүүчү нерсе. Кечээ күнү Атамбаев УКМК аркылуу аалымдарды ошол партияларга жардам берүүгө мажбурлаган эле. Бүгүн аларды ошол иши үчүн шылдыӊдап жатат. Мусулмандар кордукту кабыл алуудан баш тартышы керек. Антпесе, бул кордуктардын чеги көрүнбөстөн улана берет. Акыры келип, динден чыгууну талап кылышат.
