Араб мамлекеттери лигасы 22 мамлекеттен тургандыгына карабастан, Израилдин каршысында алсыз экендигин көрсөттү. Бул Лига Израиль кылмыштарын тилге алып, аны каралоо менен чектелип, эл аралык коомчулукту Израилге көбүрөөк басым өткөрүүгө чакырды.
Некбенин (Улуу кырсык) 68 жылдыгына байланыштуу Лига тарабынан чыгарылган жазма билдирүүдө, Израилдин Палестина калкына карата кылмыштары, расачылык жана региондо согушту күчөтүүчү аракеттери караланды. Эл аралык коомчулуктан Палестинада кылмыштарды кылып жаткан Израилге дагы да көбүрөөк басым өткөрүү талап кылынды.
Араб мамлекеттери лигасы Израилге каршы натыйжалуу күрөш алып бара албастыгы о.э. палестиналык мусулмандардын тагдырын Израилдин колуна тапшырып, эл аралык күчтөрдөн жардам сурап отурушу бул Лиганын алсыздыгы катары кабылданууда. Лига тарабынан Израиль кылмыштары караланып жаткан бир учурда ушул лиганын негиздөөчүсү жана эӊ негизги мүчөсү болгон Саудиянын королу Салман бин Абдулазиздин Израиль башчысы Бенямин Нетаняхуга шайлоонун чыгымдары үчүн 80 миллион доллар бергендиги ашкере болду.
О.э. Лига өзүнүн билдирүүсүндө мусулмандардын кыргын кылынышына ар дайым сүкүт сактап келген БУУга кайрылып, аны да Израилге басым өткөрүүгө чакырды.
“1948-жылдын декабрында БУУнун Башкы Ассамблеясында тастыкталган качкындар боюнча эл аралык токтомдор, айрыкча №194-токтом аткарылышы үчүн Израилге көбүрөөк басым өткөрүү керек”, – деп айтылат Араб мамлекеттеринин лигасы тарабынан чыгарылган жазма билдирүүдө.
1948-жылы 14-майда басып алынган аймактарда яхудий мамлекетинин жарыя кылынышы жана палестиналыктардын мажбурлап көчүрүлүшү себептүү палестиналыктар бул күндү Некба (Улуу кырсык) катары эскеришет. Палестиналык булактарга таянсак, бул күндө 750 000 адам Палестинаны таштап кетүүгө мажбур болгон. Израилдиктер болсо бул күндү майрам катары белгилешет.
