Американын НАТО мамлекеттери үчүн ракетага каршы түзүмү бейшембиден тарта Румынияда ишке түштү.
12-майда АКШ мамкатчысынын куралдануу үстүнөн көзөмөлдөө маселелери боюнча жардамчысы Фрэнк Роуздун катышуусунда, Девеселдеги базада “Иджис” ракетага каршы коргонуу түзүмүнүн даярдыгына арналган ырасым болуп өттү.
Пентагон жетекчилигинин Европадагы өкүлү Роберт Беллдин белгилешинче, Девеселде түзүмдүн ишке даярдыгы жана анын НАТО башкаруусуна өткөрүлгөндүгү жарыя кылынды.
НАТО маалымат кызматы билдиргендей, ырасымда альянс башкатчысы Йенс Столтенберг катышты.
13-майда болсо, Польшадагы Редзиково калктуу пунктунда ушул “Иджис” коргонуу түзүмүнүн курулушуна таш коюу ырасымы болуп өтөт.
Эки база тең АКШ жана НАТОнун Европада ракетага каршы коргонуу түзүмүн кеңейтүү боюнча 2-3-баскыч долбоору алкагында ишке ашырылууда.
Эми Москва да мурун белгилегендей, АКШ жана Европанын коргонуу түзүмүн кеңейтүү планына жооп кылышы мүмкүндүгү божомолдонууда.
Түркистон:
Россия Батыш дүйнөсү менен суук согуш абалын жарата албашы анык. Анткени, анда бул үчүн идеологиялык да, саясий да, экономикалык да кубат жок. Мурун да ушундай абалдан пайдаланып, АКШ Польшага – байланыш түзүмунө сокку берүүчү – аскердик эшалон түзүлмө базасын алып кирип жайгаштырып алган эле. Россия аскерий эксперттеринин белгилешинче, ушу күндөгү абалда, АКШ Россиянын аскердик байланыш түзүмдөрүн бир саат ичинде шал абалга салып коё алат. Демек, Россия АКШга тиешелүү аскерий күчтөргө каршы жүрүш жасашы мүмкүн эмес.
АКШ Россиянын азыркы саясий түшкүндүк абалынан ар тараптуу пайдаланып, ага каршы Европадагы аскерий катышуусун дагы да күчөтүп алууда. Т.а. Россиянын Европага карата кооп-коркунучу АКШнын аскерий колонизаторлук кызыкчылыктарына ыңгайлуу учур туудурууда.
