Көйгөй шаръий өкүмгө канчалык кайрылгандыкта
22-апрелде ЖАМУнун жыйындар залында облустук казыят тарабынан “Салттуу Ислам дининин баалуулуктары” аттуу конференция уюштурулду. Иш-чаранын башталышында гимн ырдалган учурда, “Айша-Садык” медресесинин кыздары өйдө турбаганы үчүн, айрым адамдар агрессивдүү пикирлерин жаадырып чыгышты. Албетте, дин душмандары мындай учурду колдон чыгарбай, аны Исламга каршы күрөштө пайдалануу аракетин алып барууда. Эмесе, бул окуяга тиешелүү айрым бир шаръий жана саясий маселелерге токтолуп өтөбүз.
Бисмиллахир рохманир рохийм
Аллах Таала мусулмандарды күмөндүү амалдардан этият болууга жана алардан тыйылууга буйруду.
Аллах Таала айтат:
«Эй момундар, көп күмөндөрдөн четтегиле! Себеби, айрым күмөндөр – күнөө!» [49:12]
Расулулла A: «Күмөнгө салган нерсени күмөнгө салбаган нерсеге коюп бергин», — деген.
Мусулман адам алдынан чыккан ар кандай иштин шаръий өкүмүн билүүcү зарыл. Ушундан келип чыгып, жогорудагы муслима карындаштарыбыздын иштерине оң баа беребиз. Анткени, алар шаръий өкүмүн билбеген ишке кезигишкен кезинде, мусулман адам кылышы зарыл болгон амалды кылышты. Т.а. күмөндүү ишти ээрчип туруп кетпестен, орундарында олтурган бойдон калышты.
Алардын ушул ишке карата кылган амалдарында проблема жок. Проблема – ушул абалга баа берип жаткан мусулмандардын түшүнүгүндө жана уламаларыбыздын бул ишке карата туткан позициясында. Алардын бул ишти “шаръий чечимге муктаж маселе” деп карабай атканында. Ал тургай уламалар, “мекенди сүйүү”, “мыйзамды сыйлоо” сыяктуу иштерди шариаттан алдыга коюп алышты. Мусулмандар үчүн проблема – мына ушул.
Ал эми кыздарыбыздын кылган иштеринде эч кандай шариатка тескери амал жок. Ким ушул гимн боюнча шаръий өкүмдү билип амал кылган болсо, аларда да шаръий кылмыш жок. Уламалар аларды чалгытып, башка чечим менен жетелеген абалда да, кыздарда айып жок, инша Алла. Амалдарга жандашуунун асл-түпкү мааниси: амалдар шаръий өкүмгө муктаж, — деп этикад кылуу.
Уламалардын вазыйпасы болсо, ар бир иштин шаръий чечимин үммөткө баян кылып берүү. Анткени, Набий Aмындай деген:
«الْعُلَماءُ وَرَثَةُ الأنْبِيَاءِ»
«Уламалар – пайгамбарлардын мураскорлору»(Абу Давуд жана Термизий риваяты).
Эң башкысы, мында уламалар жаманатты кылуучунун жаманаттысынан коркпостон, чечимди Алланын өкүмүнө байлап баяндап берүүсү керек. Болбосо т.а. ар кандай максат жана себептер шылтоосу менен кыянаттык кылышса, анда аларга ээрчиген аамий адамдардын күнөөлөрү кошулуп, алардын мойнуна жазылат. Расулуллох jдан эң жаман адам ким экендиги тууралуу суралганда: «Уламалар, эгер бузулушса», — деп жооп берди. Мындан Аллах сактасын.
Иштин саясий тарабына келсек, негизи, бул сыяктуу иштер мынчалык элдин этибарын тартуу үчүн таркатылбашы керек эле. Бирок, айрым бузуку күчтөр абалдан пайдаланып, исламий чөйрөнү бузууга жана бийликтин Исламга каршы күрөшүн күчөтүүгө ашыгышты. “Мээлүүн” (умеренный) Исламга болгон чакырыктары канчалык туура экенин коомчулукка жана бийликке дагы бир жолу көрсөтүп коймокчу болушту. А бирок, Аллах алардан айлакер экенин унутуп коюшту.
Негизи, бул конференция “салттуу Ислам” аты менен мусулман коомчулугун чыныгы Исламдан чалгытууну көздөгөн. Исламий иш-чаралар Куран менен башталып, Куран менен бүткөндүктөн, гимн ырдалганда, бул конференцияга катышкан кыздардын айрымдары орундарынан турушкан жок. “Ыйман фонду” сыяктуу “Мээлүүн Ислам” өкүлдөрү болсо бул “чымындан пил жасап”, ушундай окуялар шылтоосу менен жаңы бузук мыйзамдар чыгартып алышмакчы болууда!
Биз, мусулмандар, бул сыяктуу бузуку ниеттеги күчтөргө каршы мамиле билдирбесек, алар мечит-медреселерди жабууну, алардын үстүнөн көзөмөл орнотууну күчөтүп жиберишет. Күч органдары болсо, перзенттерибиздин үстүнөн басым өткөрүүнү дагы да күчөтүп, аларды маңкурт кылып тарбиялоочу куфр долбоорлоруна кызмат кылып беришет.
Эй мусулмандар, биз мойнубуздагы шаръий милдеттерибизди сезген абалда, шариатка тескери келген ар бир ишке карата ылайыктуу мамиле билдиришибиз керек. Уламаларыбызга куфр системасы басым өткөрүп, аларды шариатты бурмалоого мажбур кылышууда. Биз, мусулмандар, аларды мындай зулумдар чеңгелинде жардамсыз таштап койбошубуз керек. О.э. орган кызматкерлери да биздин бир туугандарыбыз, аларды да куфрдун басымдары астына өз алдынча таштап коюуга болбойт. Биз уламаларга да, орган кызматкерлерине да туура мамиле жасап, аларды мухасаба кылып, насаат айтуу менен куфрга кетип калууларынын алдын алмагыбыз зарыл.
Аллах Таала айтты: “… пендемдин ибадатынын мен үчүн эң сүйүктүүсү – насаат”. (Хадиси Кудсийден)
