Вена жолугушуусунан кийин Сирия оппозициясын бириктирүү максатында Сауд Арабиясынын борбору эр-Рияд шаарында уюштурулган жыйын аяктады. Жыйында Батыш мамлекеттери жана алардын Жакынкы Чыгыштагы союздаштары эки күндүн ичинде Сирия оппозициясынын 40 өкүлү менен жолугушуу өткөрдү.
Жолугушуунун аягында айрым бир топтордун түшүндүрмөсүнө карабастан, Асад режими менен сүйлөшүүлөрдү жүргүзүү үчүн комитет түзүү туурасында чечим кабыл алынды. Бул иш АКШ жана Батыш колдоп-кубаттап келе жаткан Сирия азат армиясы жана Сирия улуттук коалициясы жетекчилигинде жүргүзүлүшү белгиленди.
Эр-Рияд шаарында болуп өткөн Сирия оппозициясынын жыйынында бир нече курамдык проблемалар бар болсо да, төмөнкү чекиттерде өз ара келишип алышкандыгы айтылды:
1 – Сириянын аймактык бүтүндүгүн жана калк биримдигин коргоо.
2 – Демократиялык жана жарандык мамлекет куруу.
3 – Куралдан пайдалануу боюнча мамлекеттик монополияны киргизүү.
4 – Террориздин (Исламий башкаруунун) бардык формаларын четке кагуу.
5 – Чет элдик согушкерлерди четке кагуу.
6 – Демократия, адам укуктары жана мыйзам үстөмдүгүнө амал кылуу.
7 – Негизги уюмдарды жана армияны жаӊыдан түзүү.
Асад режими менен сүйлөшүү үчүн 13-15 адамдан турган бир комитет түзүү планы түзүлдү. Бул комитетке куралдуу топтордон төрт адам, Сирия улуттук коалициясынан төрт адам, көз карандысыз адамдардан үч адам жана улуттук кеӊештен эки адам катышуусуна токтом кылынды.
АКШнын мамлекеттик катчысы Жон Керри жыйындын натыйжасынан төбөсү көккө жеткендигин билдирди. Керри бул тууралуу билдирүү берип, Сирия оппозициясы көп партиялуу, демократиялык Сирия үчүн зарыл болгон принциптер туурасында пикирлеш болгондунан ушунчалык курсант экендигин айтып өттү.
О.э. Керри Сирия оппозициясынын мүчөлөрүнөн турган сүйлөшүү комитетин түзүүгө ыраазылык берген өкүлдөрдү бир жерге топтой алган Саудиянын тышкы иштер министри бин Ахмад ал-Жубайрды сыйлай тургандыгын баса белгиледи.
