Кыргызстандын премьер-министри 2014-жылдын жай мезгили үчүн Тажикстандан 500 млн. кВт электр энергиясы импорт кылынышын каалап жаткандыгын билдирген.
Кыргызстан Энергетика министрлигинин жооптуусу Кожобек Рысбаев, Кыргызстан премьер-министри Жоомарт Оторбаев Тажикстан жооптууларынан электр энергиясын сатып алуу туурасында расмий түрдө кат жибергендиги жөнүндө кабарланууда.
Кыргызстан жооптуулары мамлекетте электр энергиясын иштеп чыгаруу абалы суу деӊгээли төмөндөгөнү себептүү ылайыксыз экендигин жана Токтогул ГЭСинде электр энергиясын иштеп чыгаруу үчүн суу жетишсиз экендигин о.э. өлкөнүн түштүгүндө элди газ менен камсыздоо токтотулгандыгын кошумча кылышкан.
Бул жөнүндө Тажикстан массалык маалымат каражаттары, “Барки тажик” компаниясынын маалымат катчысы Назиржан Ядгорийдин сөздөрүнө таянып, Тажикстан Кыргызстандын электр энергиясына байланыштуу проблемаларын чечүү үчүн жардам бере тургандыгын жарыя кылган.
Кыш мезгилинде энергия таӊкыстыгына учурай турган Тажикстан Афганистанга да ар жылы 1 млрд. кВт.тан көбүрөөк электр энергиясын сатат. А бирок, көптөгөн жылдардан бери өз калкын кыштын кычыраган күндөрүндө жарыксыз жана жылуулуксуз калтырып келе жатат.
Туркистон:
Белгилүү болгондой, 14-апрелден Россиянын “ГазПром” компаниясы тарабынан кыргыз калкы үчүн үзгүлтүксүз берүү кепилдиги астында кол коюлган газ Кыргызстандын түштүк бөлүгүнө Өзбекстан тарабынан тосуп коюлган.
Бирок, Кыргызстан тарабынан агып өтүүчү Нарын дарыясынын кыргыз өкмөтү тарабынан ушул бир нече айга тосуп алынышы Өзбекстан айыл чарбасынын кыйрашына алып барышы мүмкүн.
Жогоруда кыргыз өкмөтүнүн Тажикстандан убактылуу электр энергия сурап турушу, суу сактагычтардагы бир нече ГЭСтерин тосуп туруу мөөнөтү ичинде өз элин камсыздап туруу үчүн. Бул Россиянын долбоору болуп, анын Өзбекстанга каршы олуттуу стратегиясы. Себеби, өзбек бийлигинин иш-аракети Россиянын кадыр-баркын кетирүүгө каратылган. Бирок, бул иштер кыргыз өкмөтү жардамында жүргүзүлүп жаткандыгы себептүү, өзбек тараптын каршы соккусу да кыргыз элинин башына түшөт. Түпкүлүгүндө болсо, бул Газпромдун проблемасы болчу. Кыргыз тарабы келишимде көрсөтүлгөн шарттар боюнча андан талап кылуудан нары өтпөшү керек болчу.
Жогорудагы билдирүүлөргө келсек, анын баары жалган. Жай мезгилинде Кыргызстанда электр энергиясынан эч кандай проблема болушу мүмкүн эмес.
