Жогорку Кеңеште парламентте көпчүлүктү түзүүчү жаңы-эски коалиция кайрадан түзүлдү.
31-март күнү “КСДП”, “Ата Мекен”, “Ар-Намыс” фракцияларынын жетекчилери Чыныбай Турсунбеков, Өмүрбек Текебаев жана Феликс Куловдор коалиция келишимине кол коюшту.
“Республика” фракциясы жогорудагы коалицияга кирбестикке токтом кылды, себеби анын мүчөлөрүнүн айтымында, фракция тарабынан коюлган жаңы өкмөттүн курамын түзүүдө кайсы партияга таандык экендигине карабастан сунушталып жаткан талапкерлерди профессионалдык жөндөмү жана тажрыйбасы негизинде жумшак рейтинг жолу менен шайлоо шарты кабыл алынбаган.
