Суроо:
Ассаламу алайкум ва рохматуллохи ва барокатух
Сизден бир нерсе жөнүндө сурамакчымын. Мага жумуш сунуш кылынды. Бирок, атам бул коом бузгунчу, ошондуктан, атанын важиб вазыйпасы – кызын коргоо, аны коомдун мүчөлөрү кылып жаткан ыплас иштерден сактоо деген көз карашынан келип чыгып иштешимди четке кагууда. Иш жөнүндө айта турган болсом, тогуз жаштагы балдарга тарбиячы болуп иштөө. Мен аларды Куддуска, анын мечитине алып чыгышым керек жана ага тиешелүү бардык нерселерди аткарышым шарт болот. Мен курбум менен иштешим божомол кылынууда. Бирок, атам проблема курбума да, ишиме да тиешелүү эмес экенин айтты. Атам бул иш биз үчүн зарыл болбогон башка жоопкерчиликтерди жүктөйт деген пикирде. Мен бул жумушта иштеп көрүүнү каалап жатам, атам болсо аны четке кагып жатат. Ал мага: бул сыяктуу ар кандай жумуш Халифалык мамлекети тикеленишинен жана жарандарын коргогон камкор бир жетекчи жүзөгө келишинен мурун алгылыктуу, жакшы эсептелбейт деди. Бул туурасында сиздин ойуңуз кандай?
Жооп:
Ва алайкум ассалам ва рохматуллохи ва барокатух
Оболу, атаңызга итаат кылыңыз. Себеби, ал сизге пакизалыкты каалайт…
Сиз балдарга тарбиячы болууңуз – ушул иш менен гана чектелсе – албетте мубах. Бирок, сиз иштей турган уюмдагы иш жалаң балдар менен гана чектелип калбашы мүмкүн. Балким, кийинчерээк эркектер менен аралашып иштей турган жумуштар же ушуга окшогон нерселер талап кылышынын ыктымалы да бар. Атаңыз ушундан коркуп жаткан болсо керек. Кандай болбосун, шек-күмөнсүз сахабалар – алардан Аллах ыраазы болсун – эркектери да, аялдары да, арамга түшүп калбоо үчүн арамга жакын болгон кээ бир мубахтардан өздөрүн алыс кармашканын сиз билесиз.
Корутундулап айтканда атаңыз менен түшүнүшүүгө аракет кылыңыз. Эгер, атаңыз бул ишке арам аралашпашына анык ишеним пайда кылса жана сиз иштемекчи болуп жаткан ушул уюм аялдар менен эркектердин аралаш болуп иштебешине, жаш балдарга гана тарбиячы болууга чектелишине кадыржам болсо, анда жакшы. Бирок, эгер ыраазы болбосо, анда – ал тургай, ошол иш мубах болгон тагдырда да – атаңызга итаат кылыңыз. Атаңыз ошол ишке чыгышыңызды каалабаса, ага итаат кылыңыз, сиз үчүн ажр-сооп болот. Аллах Субханаху Өзүнө ибадат кылууну ата-энеге жакшылык кылууга байлады. Ата-энеге жакшылык кылуунун бири – жакшылык иштеринде аларга итаат кылуу. Аллах Субханаху айтат:
«Роббиң, Жалгыз Анын Өзүнө ибадат кылууңарды о.э. ата-энеге жакшылык кылууңарды буйруду. Эгер алардын(ата-эненин) бирөөсү же болбосо экөөсү тең сенин кол астыңда карылык жашына жетишсе, аларга карап «уф» дебе жана алардын (сөздөрүн) кайтарба! Аларга (ар дайым)жакшы сөз айткын!» [17:23]
Ахмад өзүнүн Муснадында Абдуллах ибн Амрдан мындай дегенин риваят кылды: Атам менин үстүмдөн Расулуллах Aга арызданды, Расулуллах A:
«أَطِعْ أَبَاكَ مَا دَامَ حَيًّا، وَلاَ تَعْصِهِ»
«Атаңа тирүү кезинде итаат кылгын, ага баш ийбестик кылба» деди.
Боордошуңуз Ато ибн Халил Абу Рушта
20–сафар, 1435–х.
23–декабрь,2013–м.
