Америкалык мурдагы аскерий Бен Смит “ТЕА” партиясынын чогулушунда сөз сүйлөп, Исламды акаарат кылып, колундагы Куранды жерге ыргытты.
Бир кездерде деӊиз күчтөрүндө кызмат кылган Смиттин бул аракетин залдагылар алкыштады. Смит колунда кармап турган китеп “Араб жазына”, мусулмандык жана Халифалык сыяктуу түшүнүктөргө негиз болуп жаткандыгын баса белгиледи.
Мусулмандардын ыйык китеби болгон Куранды жерге таштоодон мурда: “Жалпы Исламдын негизи болгон Халифалык, ага болгон мусулмандардын каалоосуна жана “араб жазынын” козголушуна мына ушул китеп себеп болууда”, – деди.
Электрондук сайттарда таркаган видеоматериалда Смит өзүнүн бул аракетине маашырланып каткырып күлүп жатканы көрүнүп турат.
Туркистон:
Акыркы күндөрдө Ислам жана мусулмандарга карата мындай душмандык маанай күчөп бара жатканы анык көрүнө баштады. Мындан мурда “Халифалык” сөзү Батыш саясатчылары тилинде жаӊырган болсо, бүгүнкү күнгө келип бул нерсе карапайым батыштыктардын да тынчын ала баштады. Араб жазынын акыры эмне менен аякташына акылы жеткен батыштыктар Куранга карата душмандыгын ашкере билдирүүгө өтүштү. Анткени, алар Халифалык мамлекетин тикелөөгө Курани Карим түрткү болуп жатканын түшүнүп жетишти (мейли муну кээ бир мусулмандар четке кагып жаткан болсо да). Ошондуктан, алар Куранга карата душмандыктарын билдирүүдө. Мисалы, Россияда болгондой Куран маанилеринин котормосу экстремисттик адабият деп токтом чыгарып, тыюу салып коюшууда. Алар мусулмандардын ойгонууну көздөй бара жатышканын көрө албастан бармактарын тиштеп жатышат. Аларга эмне деп жооп берүүнү Курани Карим бизге үйрөтүп койгон.
وَإِذَا خَلَوْا عَضُّوا عَلَيْكُمْ الأَنَامِلَ مِنَ الغَيْظِ قُلْ مُوتُوا بِغَيْظِكُمْ إِنَّ اللَّهَ عَلِيمٌ بِذَاتِ الصُّدُورِ
“Өздөрү жалгыз калышканда силерди жаман көргөнү себептүү бармактарын тиштешет. (Эй Мухаммад, аларга): «Ушул душмандыгыӊар менен өлүп кеткиле!” – деп айткын!”
Киямуддин
