Өткөн аптада Сирия муфтийинин жардамчысы Абдуррахман Али Тепки жүрөктөрдү титирете турган фатва чыгарды. Мамлекеттик радио аркылуу эфирге узатылган фатвада оппозицияга байланышы бар болгон ар бир аялдын намысына кол салууга чакырылат.
Сириянын сарай уламасы: “Аялдар, энелер, жубайлар куралдуу күчтөргө жардамчы болгону үчүн жаза катары алардын намыстарына кол салуу жайиз”, – деп фатва чыгарды.
Мисирдин сарай уламасы болсо, мусулмандарды Аллахтын шариятына тескери келе турган кониституциялык реформага добуш берүүгө чакырууда. Христиан руханийлери менен оозу-мурдунан өбүшүп көрүшүүчү ал-Азхар шейхи Ахмад Таййиб Мисир калкын жаңы конституциянын долбоорун кабыл алууга жана референдумга катышууга чакырып чыкты.
Мубарактын тушунда муфтий болуп иштеген жана ал президенттиктен кулашы менен жаңы өкмөт үчүн керексиз болуп калган Али Жумъа да бар болгон күчүн жумшап адамдарды референдумга алып чыгуу үмүтүндө жүрөт. Ал «бул конституция асман тарабынан колдоп-кубатталып жаткандыгын» дааба кылды.
Мисирдин мурдагы муфтийи Доктор Фарид Васил шариятка тескери болгон референдумга “катышуу важиб” деп фатва чыгарды. Жаңы конституция Аллахтын Китеби жана Расулуллах с.а.в.дын Сүннөтүнөн истинбат кылынбагандыгынан 100% кабардар болгон муфтийдин баса белгилешинче, бул Куран эмес, аны каалаган убакта өзгөртүп алууга болот.
Өзбекстандын сарай уламалары да алардан калышпады. 10-январдагы жума xутбаларнда расмий имамдар мекенди коргоо жана колуна курал алып чегаралардын бейпилдигин камсыздоо жихаддын бир түрү экендигин баса белгилеп, аскерлерди намаз окубастыкка чакырышты.
Президент Каримовдун иштерин көккө көтөрүп мактоо менен атагы чыккан Ташкент шааарынын башкы имам хатиби Анвар Турсунов өзүнө өкмөт тарабынан “түшүрүлгөн” хутбаны окуду. Хутбада Анвар кары Каримовдун кол-буту болгон милиционерлерди жана коопсуздук кызматынын кызматкерлерин Аллах жана Ислам жолунда согушуп жаткан мужахиддерге теӊештирди.
Башка расмий имамдар да “намаз окуу үчүн чегарадагы постту таштап кетүү чоӊ күнөө” экендигин баса белгилеп, аскерлерди кызмат убагында намаз окубастыкка чакырышты.
Сарай уламалары бул иштер шариятка туура келбестигин билип туруп мына ушундай фатваларды чыгарышууда. Алар Аллахтын динин бир четке сүрүп коюп, Аллахты ыраазы кылуунун ордуна бийликтегилердин артынан алдастап жүрүшөт.
А бирок, булар канчалык желип жортушпасын үммөт аларды жакшы таанып алды. Бирок, алардын кимдигин таанып коюунун өзү эмнени өзгөртмөк эле. Эгерде мусулмандар мункарды көрүп, угуп туруп аны өзгөртүүгө аракет кылышпаса, Аллах алардын абалын өзгөртпөйт. Аллах Тааала айтат.
إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ
– „Акыйкатта, коом өздөрүндөгү нерсени өзгөртмөйүнчө, Аллах алардын абалын өзгөртпөйт“. [13:11]
Набий A:
«مَنْ رَأَى سُلْطَانًا جَائِرًا، مُسْتَحِلاًّ لِحُرُمِ اللَّهِ، حَاكِمًا فِي عِبَادِ اللَّهِ بِالإِثْمِ وَالْعُدْوَانِ، وَلَمْ يَغَيِّرْ عَلَيْهِ بِقِوْلٍ أَوْ بِفِعْلٍ، كَانَ عَلَى اللَّهِ أَنْ يُدْخَلَهُ مُدْخَلَهُ»
«Кимде-ким Аллах арам кылган нерселерди адал кылып жаткан о.э. Аллахтын пенделери арасында күнөө жана душмандык менен өкүм жүргүзүп жаткан залим султанды көрүп туруп, аны сөз же амал менен өзгөртпөсө, аны кире турган жерине киргизип жиберүү Аллахтын мойнунда», – деген.
Киямуддин
