2014-жылдын 3-апрель күнү таӊкы саат 5:30дар чамасында Ош шаарынын Ак-Алтын көчөсү 25-үйдө жашаган Мамасадикова Х. үйүнө автоматтар менен куралданган, баштарына кара чүмбөт кийген УКМКнын 20 чакты кызматкери бастырып кирген. Бул кызматкерлер бастырып киргенден кийин эч кандай документ же уруксат кагазын көрсөтпөстөн үй ээси Мамасадикова Х.нын келини Мамасадикова Феруза 14, 11 жана 2 жаштагы балагатка жетпеген перзенттери менен жаткан бөлмөгө бастырып киришкен о.э. эмне үчүн келишкендигин жана эмне керектигин айтпастан, автомат менен коркуткан абалда оройлук менен: “Эркектер кана? Кайда жашырып койдуӊ?” – деп сурашкан. Феруза кайненесин чакырмакчы болгондо, “үнүӊдү чыгарба, кыйкырба” деп, бүт үйдү тинтип чыгышкан. Мамасадикова Феруза бир аз өзүнө келип алып “силерге эмне керек” деп сурагандан кийин, “эркек керек” деп жооп беришкен. Үйдөн эч нерсе жана эч кандай эркекти таба албагандан кийин, Мамасадикова Х.нын алдына чыгышкан. Үй ээсинен бардык бөлмөлөрдү ачууну жана светти жагып берүүнү талап кылышкан. Үй ээси алардын талабын аткарып, бардык бөлмөлөрдү ачып, светтерин жагып берген. УКМК кызматкерлери бөлмөлөрдү астын-үстүн кылып тытышкан жана андан да эркектер кайда экендигин сурашкан. Үй ээси Мамасадикова Х. “балдарым азыр бул жерде эмес, күйөөмдүн болсо көзү өтүп кеткен” деп жооп берип, андан кийин алардын эмне максатта келгендигин сураган. Ошондо УКМК кызматкерлеринин бири ал аялдан фамилиясын жана үй номерин сураган. Өздөрүнүн адашкандыгын билген маскачандардын бардыгы шашылыш түрдө үйдөн чыгып кетишкен жана ал аялдын кошунасы Ак-Алтын көчөсү 27-үйдө жашаган Абиджанов Мухаммаджандын үйүн көздөй кетишкен.
Афган согушунун ардагери, экинчи топтогу майып, 62 жаштагы Абиджанов Мухаммаджандын үйүнө келген УКМК кызматкерлери дарбазасын катуу такылдатышкан. Абиджанов Мухаммаджан дарбазасын ачууга жетишпей УКМК кызматкерлери дарбазаны тээп сындырып кирип барышкан жана эшиктин алдында турган Мухаммаджанды автоматтын кундагы менен уруп жыгытышкан. Ошондон кийин алардын үчөө Мухаммаджанды эси ооп калганга чейин уруп-согушкан.
Болуп өткөн окуя боюнча үй ээси Мухаммаджандын жубайы Абиджанова Юлдузхандын Кыргызстан республикасы Кыйноо жана башка ырайымсыз, адамгерчиликсиз жана кемсинтүүчү мамиле же жазага каршы улуттук борборунунОш шаары жана областы боюнча өкүлү Х. Нарматовго жазган арызында жалпысынан: “ 3-апрель күнү саат 5тер чамасында эшик такылдады. Жолдошум эшикти ачууга жетишпей, алар эшикти тээп сындырып кирип, жолдошумду автомат менен уруп жыгытышты. Ошондон кийин алардын үчөө тизесине басып алып урду. Жеген таяктын таасиринен жолдошумдун эси ооп калды. Ал киши 62 жашта, 1976-жылдан бери 2-топтогу майып. Алар (УКМК кызматкерлери) моюнга албастан эшик тийди деп, тез жардам чакырууга да уруксат беришпеди. Кошуналардын да тез жардам чакырышына жол беришпеди”, – деп жазылган.
Арадан бир нече саат өткөндөн кийин Абиджанов Мухаммаджанды шаардык ооруканага алып барышты. Бирок, болгон окуядан кабар тапкан дарыгерлер аны ооруканага жаткыруудан баш тартышты. Мухаммаджандын кан басымы көтөрүлүп кеткенине жана баш сөөгү жараланган болушуна карабастан медициналык жардам көрсөтүшпөгөн.
УКМК кызматкерлеринин учурдагы мыйзамдарды одоно көрүнүштө бузуп, адамдын аброюн жана кадыр-баркын тебелеп кошуна үйгө жана Мухаммаджандын үйүнө келишинен максаты, Мухаммаджандын перзенти, Хизбут-Тахрирдин мүчөсү Абиджанов Хакимжан Мухаммаджановичти жасалма айыптоолор менен камакка алуу болгон.
УКМК кызматкерлери Мухаммаджанды уруп-согуп эсинен тандыргандан кийин, анын уулу Хакимжан жаткан бөлмөгө бастырып киришкен жана эч кандай документ көрсөтпөгөн абалда бөлмөнү тинтип башташкан. Алардын артынан кирген Хакимжандын энесин коркутуп-үркүтүү менен бөлмөдөн чыгарып жиберишкен. Ошондон кийи Юлдузхон апа кошуналарын чакырган. Кошуналары келгенден кийин алардын үчөөсүнүн күбөлүгүндө бөлмөнү кайрадан тинтүү кылышкан. Тинтүү саат 10:00гө чейин уланган. Тинтип бүтүшкөндөн кийин Хакимжандын колуна кишен салып УКМКнын Ош шаарындагы башкармалыгына алып кетишкен.
УКМК имаратында Хакимжанды тергөөчү Шадыбеков Артур тергөөгө алган жана Хакимжандын колуна кишен салып коюп түштөнүүгө чыгып кеткен. Саат 12лер чамасында Хакимжандын алдына УКМКнын жарандык кийимдеги эки кызматкери келип, эч кандай себепсиз эле уруп-сого башташкан. Ырайымсыз кыйноолор жарым сааттан ашык убакытка уланган. Бул кыйноолордун натыйжасында Хакимжандын денесинде соо жери калбаган жана оор жараат алып ден соолугу начарлаган. Ага эч кандай медициналык жардам көрсөтүлбөгөн.
Болуп өткөн окуя боюнча адилеттүүлүк издеген Абиджановдордун үй-бүлө мүчөлөрү Мухаммаджан ага, Юлдузхан апа, Хакимжан жана бул окуяга күбө болгон кошуналар, Ак-Алтын көчөсүндөгү 22-үйдө жашаган Мамадалиева Дилафруз, ушул эле көчөнүн 29-үйүндө жашаган Назирова Хилола жана 9-үйдө жашаган Хакимова Махфузалар Кыргызстан республикасынын президенти Алмазбек Атамбаев Ошто жүз берип жаткан мындай мыйзам бузуулардан кабарсыз деген үмүттө, Аскердик прокурор, Кыргызстан республикасынын Кыйноо жана башка ырайымсыз, адамгерчиликсиз жана кемсинтүүчү мамиле же жазага каршы улуттук борборунун Ош шаары жана областы боюнча өкүлу Х. Нарматов жана башка мекемелерге жардам сурап кайрылышууда.
Кыргызстандын күч органдары акыркы убактарда Ислам жана мусулмандарга о.э. айрыкча Хизбут-Тахрир Исламий саясий партиясына карата күрөшүн күчөтүп барууда. Бул күрөштөн, ал тургай аялдар да аман калбай жатат. Өзбекстан режиминин камактарында ырайымсыздык менен кыйнап өлтүрүлгөн Аманов Хамидулланы өлтүргөндөр табылышы жана жазаланышы үчүн күрөшүп жаткан боордошубуздун кызы 1994-жылы төрөлгөн муслима карындашыбыз Аманова Зулфия да ушундай зулум көргөн аялдардан болуп, Ош областтык Ички иштер башкармалыгынын 10-бөлүмүнүн кызматкерлери тарабынан 31-март күнү камакка алынган жана сот аны бир ай камакта кармоо туурасында токтом чыгарган.
Мусулмандар ИИМ жана УКМК кызматкерлери үчүн байлык табуунун булагына айланып калышты. Жогорудагы күч түзүмдөрүнүн кызматкерлери сакал койгондукта, ар түрдүү диний агымдарга мүчө болгондукта жана дагы башка айыпоолор менен мусулмандардан ири өлчөмдө акча өндүрүп жатышат. Акча берүүдөн баш тарткандарды же буга мүмкүнчүлүгү болбогондорду эч бир негизсиз кармап туруу, таяктоо жана башка мыйзам бузуулар Кыргызстан жана айрыкча мамлекеттин түштүк областтарындагы күч органдары үчүн адаттагы эле көрүнүшкө айланып калган. Мына ушундай арам жол аркылуу тапкан акчалары менен бала-чакаларын багуу алар үчүн арзыбаган иштей туюлат. Арам тамак жеген перзент болсо бир күнү келип, ал тургай өз атасы же энесине каршы кол көтөрүшү, карыган убакта кароосуз, кор-зар кылып таштап коюшу мүмкүн. Ата-бабаларыбыз перзенттерин адал тамак менен багууга бекеринен аракет кылышпаган жана перзенттеринин тамагынан бир тиштем болсо да арам тамак өтүп кетишинен ушунчалык катуу коркушкан. Ал эми бүгүнкү күнүн гана ойлой турган, адалбы жа арамбы айырмасыз, жеӊил акча табууга үйрөнүп калган күч органдарынын кызматкерлери болсо эртеӊки күнүн ойлонууну да каалашпайт.
Кыргызстан калкынын 90 пайызы мусулмандар болушуна карабастан, Ислам динине каршы күрөштү күчөтүп жаткан, эркектердин намысы болгон аялдарды да камакка алып жаткан же камакка таштап жаткан, бул аркылуу мусулмандардын кыжырын козгоп Исламий Үммөт жана өкмөт ортосундагы ажырымды чоӊойтууга аракет кылып жаткан күчтөр Кыргызстан республикасынын аймактык бүтүндүгүн талкалоого жана мусулмандарды мамлекетке каршы тукуруу аркылуу Украина же Сирияда жүз берип жаткан күрөштөрдү Кыргызстанга көчүрүүгө аракет кылышууда. Бул күчтөр чоӊ мамлекеттер, айрыкча, Россия берип жаткан арзыбаган акчанын акысына өз калкы жана мамлекетин сатууга да даяр болгон бир ууч саткындар жана Кыргызстан мамлекетине каршы болгон чыккынчылар тобунан турат.
Бүгүнкү күндө Кыргызстанда жүз берип жаткан мусулмандарга каршы күрөштүн өкмөттүн өзүнө да пайдасы жок. Себеби, Атамбаев баштаган коррупцияга каршы күрөш жана элдин жашоо деӊгээлин көтөрүүгө болгон аракеттерин аягына чыгарууда президент үчүн тынчтык жана кадыржамдык өтө маанилүү. Ошол себептен улам Атамбаев мусулмандарга каршы күрөшкө кошулбаган деп үмүттөнөбүз.
Эми, бүгүнкү күндө дүйнөнүн элүүдөн ашык мамлекеттеринде ишмердүүлүгүн жүргүзүп жаткан Хизбут-Тахрир Исламий партиясына келе турган болсок, Хизбут-Тахрир Кыргызстанда Халифалык мамлекетин тикелөө үчүн аракет кылып жаткан жок. Тескерисинче, калкынын көпчүлүгүн түзүүчү мусулмандарды жакшылыкка буюруу жана жамандыктан кайтаруу аркылуу Кыргызстандагы Исламий Үммөттү Халифалык мамлекетин көздөй пикирий жетектеп жатат. Мындан тышкары, Кыргызстандын бүгүнкү күндөгү абалы Халифалык мамлекети тикелене турган шарттарга таптакыр туура келбейт.
Халифалык мамлекети тикелене турган мамлекет ички жана тышкы саясатта бир да чоӊ мамлекетке көз каранды болбостугу, мусулмандардын жана мамлекеттин коргоосу жалаӊ гана мусулман армиянын колунда болушу шарт. Кыргызстандын учурдагы абалы болсо, ал тургай эгемендүү мамлекет болуу сыпатына да туура келбейт.
Ошол себептен улам, Кыргызстан Халифалык мамлекети тикелене турган таяныч чекити эмес, тескерисинче, Халифалык мамлекети тикеленгенден кийин анын курамына кошуп алына турган мамлекеттердин катарына кирет. Бул иш болсо Аллахка жеӊил.
Хизбут-Тахрир Кыргызстан
