Жаш кыздардын оронуна каршы чыккан мугалимдерди ата-энелер адам укугун бузууда деп күнөөлөсө, мугалимдер мектептин жобосуна жоолук дал келбей турганын айтышууда. Ара жолдо калган секелек окуучулардын жоопкерчилиги кимдин мойнунда?: Ысык-Көлдүн Ак-Суу районунун тургуну Таалайбек Акматовдун эки кызы ушул тапта жоолук салынганы үчүн мектепке бара албай жүрөт. Эки кыз аталган райондогу Бегалы Мамытов атындагы мектепте 8-класста жана 6-класста окушчу.
Таалайбек Акматов: 8-класска көчкөн кызым эки жылдан бери жоолук салынат, экинчи кызым балакатка быйыл толду. Ошондон тарта жоолук салына баштады. Мектепке барса “силерге жоолук салынганга ким уруксат берди, келбегиле” дептир мектеп директору- “Келбегиле, тизмеге да кирбейсиңер, китеп да берилбейт, жоолугуңарды алсаңар келесиңер” дептир.
Эгер жогору жактан чечилбесе, кызым да окубай эле коёюнчу деп атат. Экинчи кызым мектепке барса, директору 1-сентябрда жоолукчан келбегиле, эгер жоолукчан келсеңер ширеңке менен жоолугуңарды орттойм дептир.
Азыркы учурда бизде жоолуктун айынан мектепке бара албай жаткан 58 кыздын арызы бар. Андан башка да күнүгө телефон чалышууда. Эң негизгиси Ош, Жалал-Абад, Баткенде кыздар арыз жазгандан да коркот, мектепте кодулашат.
Туркистон:
Чындыгында окуу жылынын башталышы менен бирге дайыма окуучулардын жоолук маселеси которулуп келет, бирок жыл сайын бул маселе так чечилбей жатат. Мындай маселени «мутаккаллим» сыяктуу мекемелер же кайсы бир депутат чече албайт. Себеби бугунку система дин эркиндигин берген менен маска артында туруп алып,болгон куч аракетин ислам динине каршы жумшоодо. Баягы эле экстремизм-терроризм шылтоосу менен жоолукчан эже-карындаштарыбызга кысым корсотушуудо.
