Сирияда согуш уланып жаткандыктан, Россиянын Асадды тынымсыз колдоп-кубаттап келе жаткандыгы жашыруун сыр эмес. Асадды курал-жарак менен жана техникалык жактан колдоп-кубаттап келе жаткан Россия “Асад өкмөтү менен ортолорунда өз ара келишимдер бар экендигин” айтып келет.
Бирок, бүгүнкү күндө Россиянын Асадга дагы бир тараптан жардам берип келе жатканы белгилүү болду. Сирияга келип согушуп жаткан Иран аскерлери жана Хизбулла согушкерлеринин катарында Россия аскерийлери да Асад режими тарабында туруп согушуп жатканы туурасындагы кабарлар ачыкка чыкты.
Россия Асад режимине курал-жарак жана техникалык жактан жардам берип келе жатканы белгилүү болчу. А бирок, акчага жалданып Асад аскерлери менен бир сапта согушуп жаткан орус аскерлери бар экендиги алгачкы жолу кабарларда жайылууда.
Асад аскерлери менен бирге түшкөн орус аскерлеринин сүрөттөрү социалдык тармактарда пайда болду. Ошолордон arrahmah.com сайты Россия аскерлери Сирияда согушуп жатканы тууралуу кабар таркатты.
Кабарда айтылышынча, Сирияда Россиянын “Слав Корпс” аттуу аскерий бөлүгү бар. Бул аскердик бөлүктөгү аскерлердин бардыгы акчага жалданган орус аскерлеринен турат жана Асад режими тарапта туруп оппозициялык күчтөргө каршы согушат. О.э. arrahmah.com сайты “Слав Корпс” аттуу Россиянын аскердик бөлүгүндөгү аскерлердин саны 276 адам экендигин маалымдады. Алар Лазкия жана Тартус аймактары ортосунда кызмат кылуда.
Россияда чыгуучу “Фонтанка” гезитинин ФСБга таянып жазышынча, “Слав Корпс” деген аталыш менен Сирияда иш-аракет алып барып жаткан аскердик бөлүк жөнүндө териштирүү иштери башталган.
Туркистон:
Таймс гезитине берген интервюсунда, “хизбулланын” командачысы: “Хизбулла болбогондо Асад алда качан эле жеӊилген болот эле”, – деген болчу. Демек “хизбулланын” да күчү жетпей калганда, Иран баш кесерлери, андан кийин орус жалданма аскерлери биригип бүгүнкү абалды кармап турушат. Мындан белгилүү болгондой, Асад жана Сирия армиясы алда качан эле жеӊилген. Абалды куфр системасы башкарып, Сириянын ички иштери алардын түздөн-түз аралашуусу менен ушундай абалда турат. Бул аралашуулар мыйзамсыз болгону менен дүйнөлүк системанын кызыкчылыктарына ылайык болгон соӊ, алар билген абалдарында бул иштерге эӊ эле жок дегенде сүкүт сактап туруу менен жардам берип келишет. Себеби, Асад режиминин кулашы куфрдун дүйнөлүк системасынын кулашына алып баруучу негизги кадам болуп калды.
