Россия тышкы иштер министринин орунбасары Михаил Богдановдун баса белгилешинче, Россия өзүндө Женева-2 конференциясынан мурда Сирия режими жана каршылык кыймылы ортосунда расмий эмес жолугушуу өткөрүүгө даяр.
Интерфакс маалымат агенттигинин кабар беришинче, Богданов: “Биз Москвада Женева-2 конференциясына даярдык көрүү формасында расмий эмес жолугушуу уюштурдук, максатыбыз учурдагы проблеманы талкуулоо үчүн мүмкүнчүлүк жана ыӊгайлуу чөйрө жаратуу”, – деп айтты.
Ал кошумча кылып: “Сирия каршылык кыймылынын чет өлкөдөгү кээ бир өкүлдөрү, ошону менен бирге демократиялык илманий коалиция жетекчилери менен жолугуштук”, – деди.
Женева-2 конференциясы жөнүндө эмне деп айтууну билбей калган БУУ жана Араб лигасынын Сирия боюнча атайын чабарманы Лахдар Брахими Женева-2 конференциясы ушул жылдын аягына чейин болуп өтүшүнөн үмүттөнө тургандыгын билдирди.
“Женева-2 конференциясы үчүн белгилүү бир күн белгиленген эмес, конференциянын убактысын белгилөөдөн үмүт үзүлгөн жок, а бирок, бул жерде Сирия каршылык кыймылы сабында олуттуу проблемалар бар”, – деди ал Сирия каршылык кыймылы саптарындагы жихадий топторго ишара кылып. Себеби, Сириядагы жихадий топтор Женева-2 конференциясына катышууга каршы чыгып “ага катышкан адам Сирия калкынын душманы болуп эсептелет” деп баса белгилеп жатышат.
Бирок ошондой болушуна карабастан, Лахдар Брахими Сирия каршылык кыймылы саптары 25-ноябрда тартипке келтирилишинен үмүттөнө тургандыгын билдирди. 25-ноябрь – Женева-2 конференциясы өткөрүлүшүнүн болжолдуу убагы.
Туркистон:
Россия Женева-2 сыяктуу долбоорлорду көтөрүп чыгып, Сирияда жеӊүү жараянында катышууга аракет кылууда. Бирок, ал эл аралык саясаттагы азыркы салмагы менен иш жүзүндө эч кандай ийгиликке жетише албайт. Ошону билген абалында, эл аралык коомчулукту Шамда жакындап келе жаткан Ислам Мамлекети менен коркутуп, алардын ушул долбоорду жүргүзүп жиберүүгө жардам беришинен үмүттөнгөн эле.
Бирок, ар кандай абалда да, эки түрдүү багыт болот. Жалпы кызыкчылыктар: булар Исламга каршы мабдаъий күрөш. Жеке кызыкчылыктар: ар бири ээ болууга умтулуучу саясий жана башка кызыкчылыктар.
Россия жалпы кызыкчылыктарга болгон туйгуларды күчөтүп, жеке кызыкчылыгын ишке ашырмакчы болду. Бул үчүн ал Батыштын, айрыкча АКШнын азыркы кырдаалда алсырап бара жатканынан пайдаланмакчы болду. Бирок, АКШ кырдаалдар тизгинин Россияга берүүгө караганда, эӊ жаман абалдарга да ыраазы окшойт. Саудия, Катар сыяктуу бир катар АКШга караштуу мамлекеттер, Ирандын конференцияда катышуусуна ыраазы эместиктерин, болбосо, өздөрү катышуудан баш тарта тургандыктарын билдиришти. Бул болсо, бул мамлекеттердин өздөрүнөн чыккан билдирүүлөр эмес. Демек, Россиянын эл аралык саясатта казылык кылууга болгон, балким, акыркы аракети жокко чыгуунун алдында турат.
Абу Али:
