Бул тууралуу Россиянын Interfax маалымат агенттиги Өзбекстан укук коргоо органдарындагы аты жашыруун калышын каалаган өзүнүн булагына таянып кабарлаган.
Interfax кабарында айтылышынча, тергөөгө тартылган адамдардын арасында Гүлнара Каримованын Guli брендин сунуштоо менен алектенген Ташкенттеги Модалар үйүнүн дизайнер студиясы о.э. бир нече компаниялардын кызматкерлери бар.
Россия маалымат агенттигинин өзүнүн булагынан цитата келтиришинче, алар алдамчылык, ошону менен бир катарда кайрымдуулук уюму чүмбөтү астында ишкерлерди демөөрчүлүк кылууга мажбурлоо, чет өлкөдө офшордук эсептерди ачуу жана мыйзамсыз каражаттардын эсебинен Европада ири кыймылсыз мүлктөргө ээ болуу айыптары менен шектелүүдө.
Өзбек укук коргоо органдарындагы булактын айтымында, бул адамдар “президенттин кызынын атынан пайдаланган абалда өздөрүнүн кызыкчылыктарын көздөп иш кылышкан”.
Туркистон:
Россиянын interfax маалымат агенттигинин кабар беришинче, Гүлнарага тийиштүү бардык компанияларда текшерүүлөр алып барылып, камакка алынган адамдарга, Гүлнаранын атынан пайдаланып, өздөрүнүн кызыкчылыктары жолунда мыйзамсыз иш жүргүзгөн деген айыптар коюлууда.
Эгерде бул кабар чындык болсо, анда Гүлнараны тазалоо компаниясы жүрүп жаткан, эл аралык коомчулукту о.э. ички коомдук пикирлерди тартипке салуу максат кылынган болот. Акыркы убактарда Каримов жана анын үй-бүлөсүнө болгон пикирлер өзгөргөн. Аларга болгон көӊүлкоштук режим үчүн өтө кооптуу т.а. экөө бири- бирине байланып калган. Режимдин ичинде кимдин канчалык кубаты болбосун – Каримов ал тургай күч-кубаттан кеткенде да – режим үчүн элдин арасында коркунуч пайда кылуунун символу катары кала берет. Ошондуктан алар Гүлнаранын каталарын жаап-жашырышы керек. Бул иш боюнча анын айланасында жүргөн жугундукорлорунун катарында бир нече бейкүнөө адамдардын да азап тартышы анык. Түпкүлүгүндө, ушул иштерде дээрлик бардыгынын теӊ айыбы жок.
