Мисир туризм министри Хишам Заазу («Ихван-муслимин» жамаатынын мүчөсү) анын өлкөсү саякатчылардын арак ичүүсүнө, а түгүл, аялдар бикини кийип жүрүшүнө да ыраазы экенин билдирди. Негизи, мындан мурун бийликтеги «Ихван» өкүлдөрү мындай арам көрүнүштөргө каршы күрөшүп келген.
Хишам Заазунун айтымында, «Ихвандын» мээлүүн канаты, жада калса шарият үстүндө бекем турган салафийлерди да көндүрө алган. Мына ушинтип салафтар да, Ихван да арак ичүүгө, ахлаксыз купальниктерге ыраазы болуп олтурат.
Стратегиялык талдоо институтунун эксперт-чыгыштаануучусу Сергей Демиденко мындай дейт: «Бүгүн президент Мухаммад Мурсийдин башкы маселеси – батыштык шериктештерин Мисирдин туруктуулугуна ишендирүү жана мына ушинтип алардан миллиарддаган кредиттерди алуу».
Ушинтип «Ихван-муслимин» Дүйнөлүк валюта фондунан 4,8 миллиард кредит о.э. европалык жана америкалык банктарда тоңдуруп коюлган Мубарактын акчаларын алууга үмүттөнүүдө.
