Каралоо жана сүкүт сактоо
Британиянын борбору Лондондо жүз берген жана 4 адам өлүп, 20 адам жарадар болгон чабуул дүйнөдөгү бардык маалымат каражаттарынын көңүл борборунда болду. Окуянын өнүгүшү саат сайын көрсөтүлүп турду. БУУ жана НАТО сыяктуу таасирдүү уюмдардын башкы катчылары о.э. бүтүндөй Европа өлкөлөрү, АКШ, Түркия, Кувейт, Судан сыяктуу бир нече өлкөлөрдөн бир эле мезгилде каралоолор жаңырды. Президенттер, премьер-министрлер, тышкы иштер министрлери жана башка жооптуулар бул чабуулду каралап чыгышты.
Мусулман өлкөлөрдүн көрүнүктүү бир мамлекети болгон Түркиянын президенти – Ислам уламалары кеңешинин жетекчиси доктор Юсуф Карзовийдин тили менен айтканда, бүт дүйнөдөгү мусулмандар көз тигип турган мусулман жетекчи – Режеп Таййип Эрдоган да Британия парламентинин жанында жүз берген чабуулду катуу каралады, Бириккен королдук башынан өткөрүп жаткан абалды жүрөгү менен сезип жаткандыгын билдирди.
Бирок өкүнүчтүү жери, акыркы бир нече күндө жүздөгөн карапайым мусулмандар кыргын кылынды. Бирок, буга эч ким унчукпады. АКШ учактары 16-мартта Халабдын (Алеппо) чыгышында жайгашкан мечитке уюштурган чабуулда намаз окуп жаткан 75 карапайым мусулман өлтүрүлүп, жүздөн ашуун адам жараат алды. Андан кийин дагы ошол эле АКШнын учактары Сириянын Ракка шаарында мектепти бомбалоосунун натыйжасында 42 адам өлдү. АКШнын ИШИМ (ИГИШ) шылтоосунда уюштурган соңку чабуулунда болсо, 200дөн ашуун карапайым жаран өлтүрүлдү. Алардын арасында аялдар менен жаш балдар да бар. Мусулмандардын жанын жана малын коргоо үчүн армияны аттандырышы керек болгон Ислам өлкөлөрүнүн жетекчилери, ал тургай оозеки каралап коюуга да батынышпады. Ал эми Лондондо 4 адам өлтүрүлсө…
Балким, Ислам өлкөлөрүндөгү акимдердин тили кыска болушуна, АКШ бул кыргындарды Түркиядагы Инжирлик авиа базасынан көтөрүлгөн аскерий учактары аркылуу ишке ашыргандыгы себеп болуп жаткандыр?!
