Атамбаев парламентти таркатып жиберүү демилгесин колдоорун билдирди
Алмазбек Атамбаев мамлекетттик сыйлыктарды тапшыруу салтанатында “Өнүгүү-Прогресс” фракциясы лидери Бакыт Төрөбаевдин парламентти таркатып жиберүү туурасындагы сунушун колдоп-кубаттады.
Мындан алдын, 1-март күнү Жогорку Кенеш жыйынында Өмүрбек Текебаевдин камакка алынышы талкуу кылынган. Төрөбаев парламенттин бул көйгөйлөрдү чече алышынан күмөн санаган.
“Эгер биз эч нерсе кыла албасак, парламентти таркатуу жана жаңы шайлоолор туурасында жарыя кылуу керек”,- деган Төрөбаев.
“Ал бул сөзүн өз тарапташтары үчүн айтты, бирок мен анын бул сунушун колдоп-кубаттайм”,- деди Алмазбек Атамбаев.
“Урматту депутаттар, “Карга карганын көзүн чукубайт” деген сөз бар. Эл бузарларды, мародёрлорду тайраӊдатып, балыктай болуп карап отурганча, чын эле депутат Төрөбаевди колдоп тарап эле кетпейсиңерби? Же болбосо мыйзамды сыйлап, өлкөнүн тагдырын ойлоп, эл үчүн иштебейсиӊерби? Эгер силерге чындык керек болбосо, элге керек. Эгер силерге тынчтык жана туруктуулук керек болбосо, бул адамдар үчүн керек!” – деди Алмазбек Атамбаев.
ТУРКИСТОН:
Атамбаевдин башка аргасы жок. Т.а. Текебаевдин артынан дагы башка лидерлерди да саясий куугунтукка алат. Президенттик шайлоого чеин чөйрөнү өз максатына ылайык кылып даярдап албаса, т.а. ордуна мураскерди дайындап алууга каршы болуп жаткан бардык тосуктарды алып таштабаса, анын өзүн жана командасын абдан жаман акыбеттер күтөт.
Убактылуу өкмөт бийликке келишинде Россиянын ролу абдан чоң болгон. Путин Бакиевди, АКШ авиабазасын чыгарып жибере албаганын кечире албады. Аны оппозиция күчтөрү менен биргеликте куугунга дуушар кылды. Бакиев мамлекетте азыркы Атамбаевге караганда бир нече эсе күчтүрөөк бийликке жана таасир кубатына ээ эле. Ошон үчүн мамлекеттин түштүгүндө Бакиевдин тарапташтары күчтүү каршылык алып барышты. Ошондо убактылуу өкмөт Россиянын жардамы менен өзбек улутуна каршы Ош окуясын атайын келтирип чыгарды. Ошолордун бардыгы Россиянын башчылыгы, демилгеси жана материалдык жардамы астында өткөрүлгөндүгүнө, Атамбаев убактылуу өкмөт мүчөсү болуп турганда өз көзү менен күбө болгон.
Азыр Кыргызстанда калыптанып бара жаткан саясий абал кайрадан 2010-жылды эстетүүдө. Атамбаев да муну сезип турууда. Ошон үчүн ал Россиянын анын үстүнөн чыгара турган чечимди күтүүдө. Путиндин ыраазылыгын алгандан кийин, Текебаевди мыйзамсыз жол менен камоого батынды. Эми оппозиция элита өкүлдөрүн коркунучка салып, аларга саясий басым өткөрүүгө аракет баштоону ойлоодо.
Бирок Атамбаев тобокелчиликке салууда. Анткени Россиядан тышкары Батыш дүйнөкарашы негизиндеги жетекчи мамлекеттердин да таасирлери бар. Алар да Кыргызстандын бир нече тармактарында таасир кубатына ээ. Маселен таалим программалары ичинде, мамлекеттик эмес уюмдар, массалык маалымат каражаттары, грант жана башка көрүнүштөгү материалдык жардам көрсөтүү программалары ыкмасы менен өз сакофаттарын алып кирип келишүүдө. Алар Кыргызстанда Орус сакофатынан бошоп бара жаткан боштукту мүмкүн болушунча толтурууга аракет кылып келишүүдө.
Ошон үчүн Атамбаевдин Путинге ишенип баштап жиберген бул репрессивдик аракеттерин, Батыш ааламы өзүнө каршы сакофий жана саясий репрессивдик күрөш деп кабыл кылышы мүмкүн. Ошондо алар абалды түстүү революция деп атап алган мамлекетти оодаруу ишине карай буруп жиберүүгө аракет кылышат. Кыргызстанда абал кескиндешип барып, ал тургай финансылык жардам берүү менен абалды изден чыгарып жибериши мүмкүн болгон чөйрө пайда болуп барууда
