Америка менен Россиянын Сириядагы жырткыч чабуулдары – Америкада иштелип чыккан бир теңгенин эки тарабы!
Сирия режиминин күчтөрү 2015-жылы 10-октябрь күнү Россия аскерий аба күчтөрүнүн колдоп-кубаттоосу астында Сириянын түндүк-батышындагы региондо куралдуу оппозиция менен күжүрмөн кагылышууларга киришти… «Бул – Москва 30-сентябрда Сирияда аскерий кампания баштагандан бери абадан жана кургактыктан алып барылган биринчи чабуул. Согуш негизинен мамлекеттин түндүгүндөгү Хама жана Идлиб аймактарында болуп жатат. Ал жерде куралдуу оппозициянын бир тобу о.э. «Жабхатун Нусра» катуу согуш алып барууда». (Ватан, 2015-жыл, 10-октябрь). «Айтымдарга караганда, учурда Сирия өкмөттүк күчтөрү орус самолётторунун жардамында жана коргоосунда Хама жанындагы стратегиялык регион эсептелген Сахлул Габдагы оппозициянын позицияларына каршы кургактыктан чабуул баштаган». (Би-Би-Си арабий, 2015-жыл, 5-октябрь). «Мындан мурун орустардын Каспий деңизиндеги аскерий кемелери Сирияга 26 канаттуу ракеталарын аткан». (Би-Би-Си, 2015-жыл, 7-октябрь). Россия Федерация Кеңеши Сирияда аба чабуулдарын алып баруу жөнүндөгү токтомду бир добуштан макулдагандан кийин орустардын Сирия жерлерине карата аба чабуулдары 2015-жылы 30-сентябрда башталган. «Сирия араб маалымат агенттиги билдиргендей, Сирия республикасынын жетекчилиги Сирия мамлекетинин талабы менен орус аскерий аба күчтөрү Сирияга келгенин, президент Асад президент Путинге кат аркылуу бул талапты сунуштаганын баса белгиледи». (Би-Би-Си, 2015-жыл, 30-сентябрь).
Орус чабуулдарынан мурун 2015-жылы 23-сентябрда Америка «Америка коалициясы» атына жамынып Сирияга каршы чабуулдарды жасаган. «Америкалык жооптуулар бул чабуулдарда истребитель жана бомбалоочу самолёттор, ракеталар колдонулганын билдиришти. Активисттердин айтымында, Табака аскерий аэродромуна беш чабуул, Талл Абяз шаарына үч аба чабуулу, Айн Иса шаарындагы 93 аскерий бригадага жана анын тегерегине үч чабуул жасалган… Би-Би-Синин Вашингтондогу кабарчысы Пол Блейк билдиргендей, Америка президенти Барак Обама өзүнүн аскерий аба күчтөрүнө 2015-жылы 22-сентябрь дүйшөмбү күнү чабуул жасоо вазыйпасын тапшырган… Ошондуктан, Америка борбордук командачылыгынын командачысы шейшемби күнү Сирияга аба соккуларын берүүнү тастыктады. Ал эми, Сирия телевидениеси бийлик Вашингтон Сирия бийлигине Ракканы бутага алышын маалым кылганын билдиргени жөнүндө кабар берди» (Судан Явм, 2015-жыл, 23-сентябрь).
Америка менен Россия «терроризмге каршы күрөш» деген чүмбөт астында жырткыч чабуулдарды жасоодо. Негизи, америкалыктар жана орустар тогуттун ракеталар, бомбалар, жарылуучу бочкалар аркылуу кыргын кылган, зындандарда жаткан туткундарды өлгөнчө кыйноолорго салган кылмыштары террор экенин «унутуп» калышты же унуткандай болуп көрүнүштү. Түпкү акыйкат алар айтып жаткандай эмес. Бул баскынчылар Сирияга – өздөрү жасалма түрдө пайда кылышкан – терроризмге каршы күрөшүү үчүн кол салып бастырып киришкен жок, тескерисинче, алар Дамасктагы тогутту коргоо жана Америка кезектеги малайды даярдап чыгарганга чейин бул малайды тирүү сактап туруу үчүн бул жырткыч чабуулдарды жасашты. Т.а. бул чабуулдар басым өткөрүү каражаты болуп эсептелет. Бул басымдан оппозицияны тогут Башар режиминин ордуна жаңы малай режимди тургузууга көндүрүп, режим менен ушул оппозиция ортосундагы саясий сүйлөшүүлөргө жол ачуу көздөлгөн. Анткени, мына ошондо жаңы малай режим Америка кызыкчылыктарына кызмат кылууда эски малайдын ордун ээлейт. Бул нерселер алардын билдирүүлөрүнөн анык көрүнүп турат: «Орус тышкы иштер министрлиги Москванын Сирия багытындагы аракеттери бул мамлекеттеги саясий чечимге салым кошууну максат кылышын баса белгиледи». (Русиял Явм, 2015-жыл, 8-октябрь). Америка бул үчүн мурун сыр сактап келген нерсени ашкере кылууга өтүү менен чөйрө даярдап койгон. Америка Башардын тезинен эмес, сүйлөшүүлөрдөн кийин кетишин каалашын бүгүнкү күнгө келип ашкере кыла баштады, негизи муну сыр сактап келген болчу. Америка мына ушундай көрүнүштө малайлар мурунку абалдан кийинки абалга Америка кызыкчылыктарын кепилдей турган таризде өтүшүн камсыздоону көздөп жатат. (Керри мындай деген: «Биз Асаддын бийликтен кетүү зарылдыгын айткан элек. Бирок, мунун мөөнөтүнө жана жолуна келсек, бул Женева сүйлөшүүлөрү алкагында кабыл алынышы керек болгон чечим». Ал минтип кошумчалады: «Бул нерсе биринчи күндөн же биринчи айдан болушу зарыл эмес»… (Арабийя, хижрий 1436-жыл, 5-зул-хижжа, миладий 2015-жыл, 19-сентябрь)).
Америка Шамда кыйын абалда калганын көрдү. Америка малайларды алмаштыруу – Кинана жеринде өзгөрткөндөй – Сирияда да жеңил болот деп ойлогон. Анткени, Америка Кинана козголоңуна жылжып кирип козголоңчуларды «муътадил исламчылар» деп атаган кимселер менен тынчтандырган. Бул муътадилдер ийгиликсиздикке учураган соң, Америка аларды бийликке кандай алып келген болсо, ошондой таризде бийликтен кулатып, эски «гвардияны» дагы да жаман, жийиркенчтүү жана үрөй учурган көрүнүштө, батылды ортонууга дагы да батымдуу көрүнүштө бийликке алып келе алды. Жада калса, бул, эски жана жаңы гвардиянын жаңыланышы деген чүмбөт астында диний хитаб жаатында оюндар да алып барылды!
Америка ушинтип ой жүгүрткөн, бирок, үмүтү таш капты. Анткени, ал эски малайдын ордуна альтернатива үчүн даярдаган коалиция жүзү төмөн кулады. Бул коалиция Сирияда таасирге ээ боло албады. Натыйжада, бул коалиция Сириядан тышкарыда куулган, үй-жайсыз кимседей кала берди. Бул коалиция – Америка аны Сирияга алып кирип аким кылып орнотушу үчүн – Америкага күнү-түнү «хамду-сана» айтты. Бирок, коалиция бул ыплас максатына жетише албады. Себеби, козголоңчулар «Ал (т.а. козголоң) Аллах үчүн, Аллах үчүн» деп кыйкырып жатышканда, коалиция динди жашоодон бөлүү жөнүндө жар салды.
﴿أَلَا سَاءَ مَا يَحْكُمُونَ﴾
«Байкагыла, алар эң жаман өкүм чыгарышат» [16:59]
Ошондон кийин Америка дагы катуу баш катырып план түзүүгө өттү. Анткени, Америка бул коалиция «эмчектен чыкпай» жатып Асад режими кулашынан коркуп калды! Ошондуктан, Америка режимди Ирандын жалданма канкорлору жана Ливандагы хизби менен колдоп-кубаттоого өттү. Бул малайлар режимге тирек болушту, бирок, бул, белгилүү бир убакытка чейин гана созулду. Ошентип, режимдин буту астындагы жер силкинип, анын көзөмөлү астында Сирия жерлеринин ондон бирине жакыны гана калды. Ошондон кийин Америка режимге дем тартуу мүмкүнчүлүгүн берүү үчүн алты айга созулган «жарашуу» ыкмасына өттү. Ошого карабастан, режимге коркунуч туудуруп жаткан анык коркунуч сакталып кала берди. Бул, Америка үчүн үлкөн кырсык эле. Анткени, Америка өзүн козголоңчуларды колдоп жаткандай көрсөтүп келген, ошондуктан аларга каршы ашкере согушуу Америка үчүн кыйын болчу. Американын жаңы малайы «бышып жетилбей» жатып козголоңчулар режимге зыян жеткиришти. Ошондуктан, мына ушундай ыплас аракеттер башталды. Бул вазыйпаны Россия аткара турган болду. Анткени, Россиянын ролу режимди ашкере колдоп-кубаттоо жана козголоңчуларга ашкере каршы туруу эле. Россия назарында козголоңчуларга каршы согушууну актаган фактор бар. Ошондуктан, Сирия режими Американын буйругу менен Россияны чакырды. Россия Америкага кызмат кылуу үчүн Сирияда ушул карамүртөз, ыплас ролду ойноого макул болду! Негизи, Россия Асад, анын үй-бүлөсү, атасы да Американын малайлары экенин абдан жакшы билет. Эгер, Америка Сирияда Үммөттү алдай алса, ал жерде бир өзү жеке кожоюн болууну каалашын да Россия жакшы түшүнөт. Мында шек-күмөн жок. Анткени, Америка Үммөттү алдай алса, ошондо ал орустардын Сирияда таасирге ээ болушуна мүмкүнчүлүк бербейт. Эгер, Америка кааласа, Россия согушуп коргоп жаткан ушул Башар бийлигин бекемдеп алса, орустарды – Садат орустарды Мисирден кууп чыгаргандай – Сириядан кууп чыгарат! Путин Сирияда Америкага кызмат кылуу менен Россиянын түштүк чегараларындагы Украина жаатындагы проблемаларды чечүүнү ойлоп жатат. Бирок, бул экөөсү башка-башка маселелер! Анткени, Россиянын мусулмандарга каршы согуш баткагына кириши үлкөн кырсыктарды алып келет, бул кырсыктар алдында Украина проблемасы – мусулмандардын Россияга каршы казап-кыжыры астында – болбогур проблема болуп калат. Эртеңки күн аны күткөн адам үчүн жакын!
Эй мусулмандар!
Орус самолётторунун абадан, деңизден, жада калса, алардын базалары жана кеңешчилери жардамында кургактыктан алып барылып жаткан чабуулдары Америка менен келишилген абалда болууда. Орустар америкалыктар атынан жана алардын буйругу менен согушууда. Бул жөнүндө америкалыктар өзүлөрү күбөлүк беришүүдө: «Британиянын Гардиан гезити Америка сенатору Жон Маккейндин «Кошмо Штаттар Сирияда Россия менен бирге укуктуу согушка кирди» деген сөздөрүн басып чыты». (Ал-Жазира, 2015-жыл, 5-октябрь). Ошондуктан, Американын Түркиянын түштүк чегараларында орнотулган «Пэтриот» ракеталарын алып салуу жөнүндөгү чечими Россияга бул ракеталардын каршылыгысыз чабуулдарды жасоо мүмкүнчүлүгүн берүү үчүн болгондугу божомолдон алыс эмес: «Америка коргоо министрлиги Түркиядан Пэтриот ракеталарын алып чыгып кетүүгө токтом кылды. Бул ракеталар эки жыл мурун, 2013-жылы жайында Түркияны Сириядан ракеталар атылышы ыктымалынан коргоо үчүн жайгаштырылган. Сириядагы окуяларга карабастан, бул ракеталар токтом кылынгандай, ушул айда алынып чыгат. (АФП)». (Русиял Явм, 2015-жыл, 2-октябрь). Бул жерде башка нерсе да бар. Т.а. эки мамлекеттин самолёттору асманда кагылышып кетсе эки мамлекеттин дос катары өз ара келишип кызматташтык кылышы менен болот же эки душман катары экөөсү ортосундагы согушта болот. Натыйжада, бул эки душман – ар кандай согушта болгондой – бир-бири менен кагылышат, бир-бирине снаряддарды атышат. Муну ар кандай акыл жүргүзгөн киши жакшы билет. Эгер, экөөсү дос болсо, анда экөсү эки максатты эмес, бир максатты жүзөгө чыгаруу үчүн асманда кызматташтык кылышат. Эки тараптын берген билдирүүлөрү бул кызматташтыкты ырастап турат: «Орус тышкы иштер министрлиги 2015-жылы 8-октябрда өзүнүн электрондук сайтында басып чыккан билдирүүдө «Орус президенти Путин жана анын америкалык кесиптеши Барак Обама БУУ Башы Ассамблеясынын жыйынынан бөлөк уюштурулган жолугушууда сунушталган талаптарга ылайык, эки мамлекеттин тышкы иштер министрлери Сириядагы кырдаалга карата чечим жолдорун, Сирия аба мейкиндигинде окуялар жүз беришинин алдын алуу зарылдыгын жана Сирияда саясий чечимдин процессин 2012-жылы 30-июндагы Женева билдирүүсүнө ылайык колдоп-кубаттоо жолдорун талкуулашты» деп билдирди». О.э. билдирүүдө эки министр «Украина боюнча 12-февралда кол коюлган Минск келишимдерин аткаруу жолдорун да карап чыгышканы» айтылган. (Хаят, 2015-жыл, 7-октябрь).
Окуялар муну менен гана чектелип калган жок, Америка Түркияны орустардын бул чабуулдарына каршы чыкпай сүкүт сактоого мажбурлады. Акыйкатта болсо, бул чабуулдар Түркиянын чегараларынан өтүп, а түгүл, орус самолёттору Түркиянын аба мейкиндигин бузуп кирди. Ошого карабастан, курал-жарактар, жада калса, «ооздор» да дудук болуп алды. Түркиядагы бул «ооздор» – өз аброюн сактап калуу үчүн – дагы ушундай иш кайталанса, таптакыр сүкүт кылбашын айтышты. Андан кийин кайра… кайра бузуп өтүүлөр болду, бирок, бул «ооздор» дагы эле унчукпай турушат. Анткени, Америка Россия самолёттору эч кимдин каршылыгына учурабай беймарал чабуулдарын жүзөгө чыгарууну каалады. Орус самолётторунун аба мейкиндигин бузуп өтүшүнө каршы бул аскерий сүкүт жашыруун болбоду, тескерисинче, ашкере болду: «… Түркия орус истребитель самолёттору өткөн ишемби жана жекшемби күндөрү Сирия чегаралары жанында аба мейкиндигин бузуп өткөнүн билдирди… Түркия кече белгиси аныкталбаган «МиГ-29» самолёту «F-16» тибиндеги түрк самолётторун кысымга алганын билдирди… Түрк армиясы бир самолёт түрк самолётторуна карата ракета атууга даярданып, анык бутага алуу үчүн радарын ишке салды деп билдирди…» (Хаят, 2015-жыл, 7-октябрь). Ошого карабастан, эч кандай таасирдүү чара көрүлбөдү, болгону орус элчиси чакырылып, достук алакаларга зыян жетиши мүмкүндүгү жөнүндө гана эскертилди! «Өз кезегинде, Түркия президенти, эгер, Россия Анкара менен болгон достук алакаларын буза турган болсо, көп зыян көрүшү туурасында эскертти жана орус самолёттору түрк аба мейкиндигин бузуп өтүүнү токтотпосо Түркиянын сабыры бүтүшүн айты. Тышкы иштер министрлигиндеги бир жооптуу билдиргендей, орус самолёттору Сирия чегаралары жанында аба мейкиндигин дагы бузуп өткөндөн кийин Түркия «катуу нааразылык» билдирүү үчүн Анкарадагы орус элчисин эки күндө эки жолу чакырды…». (Дастур, 2015-жыл, 7-октябрь).
Эй мусулмандар!
Мусулман өлкөлөрү душмандардын самолёттору, бомбалары жана кемелери үчүн майданга айланып калгандыгы абдан өкүнүчтүү. Мусийбат муну менен гана чектелген жок, душмандын Үммөткө каршы баскынчылыгы Исламий Үммөт тарыхында биринчи жолу алкышталып, мактоолор айтылып, дагы баскынчылыкка чакырылууда. Акыйкатта болсо, бул, Аллахка, Расулуна жана момундарга кыянаттык кылуу болуп эсептелет. Түпкүлүгүндө, душмандын мусулмандарга кол салуусу алкышталбашы, макталбашы же самолёттор менен Ислам жерине чабуул кылууга чакырылбашы керек, тескерисинче, душманга каршы согуш алып барылып, анын үстүнөн жеңишке жетишилет! Бүгүн айрым кимселер Америка коалициясынын баскынчылыгын мактап гана калбастан, бул коалициянын самолётторунун күнүмдүк баскынчылык чабуулдары азайып калса, коалицияны айыптап жатканын угуп, көрүп жатабыз. Мунун тушунда айрым кимселер орус баскынчылыгын мактап жатканын жана орустардын аба чабуулдарын каармандык деп эсептеп жатканын угуп, көрүп турабыз! Бул, шек-күмөнсүз, эң чоң мусийбаттардын бири. Анткени, мурун малайлар колонизатор кафирлерге малай экенин ашкере кылуудан уялышчу, ашкерелебестен кафирлерге кызмат кылышчу. Андан тышкары, малайлар кафирлердин мусулман өлкөлөрүнө каршы баскынчылыгын ашкере колдоп-кубаттайт эле. Бүгүн болсо, Америка «терроризмге каршы күрөш» деген чүмбөт астында мусулмандарга каршы баскынчылык кылуу үчүн бир нече мамлекеттерден турган коалиция түзүүдө. Россия болсо, Иран менен союз түзүүдө, Багдад жана Дамаск «терроризмге каршы күрөш» деген шылтоо менен бул союзга кошулууда. Түпкүлүгүндө, террордун негиздөөчүлөрү жана булагы мына ушул колонизаторлор болуп эсептелет. Алар кайсыл жерди басып алышпасын, жырткыч амалияттар алардын ажырагыс шериги. Алар Ислам жана мусулмандарга каршы согушууга келишишкен. Себеби, бул – Ислам душмандарынын ажырагыс адаты. Алар айрым иштерде бири-бири менен келише албашы мүмкүн, бирок Исламга каршы баары биригишет.
﴿هُمُ الْعَدُوُّ فَاحْذَرْهُمْ قَاتَلَهُمُ اللَّهُ أَنَّى يُؤْفَكُونَ﴾
«Алар душман. Демек, алардан этият болгун! Аларды Аллах наалаттайт! Алар кандай адашууда!» [63:4]
Америка – мусулман өлкөлөрүндөгү баскынчылыктардын башчысы. Мисалы, Америка бизге каршы Шамда согушууда. Алар түздөн-түз гана согушуп калбастан, түркүн жүгүртөктөрү: жериликтүү, регионалдык жана эл аралык жүгүртөктөрү жардамында да согушууда. Америка Шам тогуту жана анын жүгүртөктөрү жардамында согушууда. Бул тогут кулоого жакындашып калганда Америка аны Иран жана анын Ливандагы хизби о.э. Ирактагы калдык малайларынан турган регионалдык малайлары жардамында колдоп-кубаттады. Бул да пайда бербеген соң, Америка ыплас эл аралык келишимди түздү, Россия анын этегин кармап, зыян алып келе турган келишим боюнча Америка кызыкчылыктары үчүн согуша турган болду. Бул жерде Европа да бар, ал да бизге каршы ыңгайлуу учурду күтүп турат, Америкадан бирер нерсе тийер бекен деген үмүттө Америка айланасында тегеренип жүрөт!
Эй мусулмандар!
Биздин бул абалыбызды оңдой турган дабаа белгисиз эмес, белгилүү. Бул дабаа – Аллахтын уруксаты менен – ийгиликке жетиши катъий анык, мында шек-күмөн жок. Муну Хира үңкүрү, Расул Aдын хижраты жана рошид Халифалык ырастап турат. Муну Акаба жээги, Андалус Тарики, Харун сөзү, Муътасимдин жообу, Аксаны азат кылган жана кресттүүлөрдүн ташталканын чыгарган каарман Салахиддин Хиттини, монголдорго кыйраткыч сокку берген Кутз жана Бейбарс Айн Жалуту, «Кандай гана жакшы амир» деген сыймыктуу мартабага татыктуу болгон Константинополдун Фатихи ырастап турат. Муну Франция өз королун туткундуктан куткаруу үчүн мусулмандардын халифасы Сулайман Канунийден жардам сураганы ырастап турат. Муну Америка өз кемелери Жер Ортолук деңизде аман жүрүшү үчүн Ислам мамлекетине салык төлөөгө мажбур болгондугу баса белгилеп турат. Бул дабааны колдон чыгаруу акыбетинен халифа Абдулхамиддин Палестина жана яхудийлер жөнүндө айткан сөздөрү эскертип турат. Абдулхамид рохимахуллох: «Эгер, Халифалык жок кылынса, ошондо Палестинаны эч бир акча төлөбөй аласыңар» деп айткан. Натыйжада, ошондой болуп чыкты. Анткени, Палестина басып алынды жана өлкөлөрүбүз ар кандай кылмыштуу баскынчылык үчүн майданга айланып калды. Ошондуктан, туура чечим – бекем сепилге, рошид Халифалыкка кайтуу. Анткени, Халифалыкта бул дүйнө жана Акырет азиздиги бар. Оңдолуунун жолу ушул. Бул чечим Аллахтын Китебинде өчкүс кылып жазылган жана Расулуллах Aдын Сүннөтүндө унутулгус кылып айтылган, тарых барактарында нур тамгалар менен жазылган. Андан акыйкатка кулак салган ар бир акыл жүргүзгөн адам ибрат алат.
﴿إِنَّ فِي ذَلِكَ لَذِكْرَى لِمَنْ كَانَ لَهُ قَلْبٌ أَوْ أَلْقَى السَّمْعَ وَهُوَ شَهِيدٌ﴾
«Албетте мында (билгич) жүрөк ээси болгон же өзү күбө болгон абалда (т.а. чын дилден) кулак салган киши үчүн эскертүү-ибраттар бар» [50:37]
Хизб-ут-Тахрир 27-зул-хижжа, 1436-х.
11-октябрь, 2015-м.
