Азербайжанга болгон сапар яхудий түзүмү менен мамилени нормалдаштырууга түрткү берүү жолундагы кадам
Ишемби күнү Дамасктан бир дипломатиялык булак Франс пресс агенттигине таянып билдиргенине караганда, Сирия президенти Ахмад аш-Шара өзүнүн Азербайжанга болгон сапары учурунда Бакуда сириялык жана яхудий расмий өкүлдөрдүн түз жолугушуусу болору күтүлүүдө.
Аты-жөнүн ачыктагысы келбеген сүйлөшүүлөргө жакын бул булак: “Шаранын Бакуга сапарынын алкагында сириялык жана яхудий расмий өкүлдөрдүн жолугушуусу болот”, — деп айткан. Бирок бул жолугушууга президент Шара өзү катышпай турганын кошумчалаган.
Анын айтымында, бул сүйлөшүүлөр “Сириядагы жаңы пайда болгон яхудий аскерий катышуусу” айланасында болору күтүлүүдө. Бул жети айдан ашуун мурда Башар Асаддын режими кулагандан кийин яхудий түзүмүнүн күчтөрү кирип кеткен Сириянын түштүк аймактарына шилтеме. Дамаск расмий түрдө түз сүйлөшүүлөр болорун билдире элек, бирок 2024-жылдын декабрында бийликке келгенден бери сирия жетекчилиги яхудий түзүмү менен кыйыр сүйлөшүүлөрдүн болуп жатканын моюндаган. Алар мындай сүйлөшүүлөрдүн максаты чыңалууну ооздуктоо экенин айтышууда. Бул яхудий түзүмү Сириядагы аскерий объектилерге жүздөгөн аба чабуулдарын жүргүзгөндөн кийин башталган.
Бул сапардын артында жашыруун максаттар жатат. Бара-бара көбөйүп жаткан бир катар белгилер мунун артында өткөөл мезгилдеги администрация менен яхудий түзүмүнүн ортосунда мамилени нормалдаштыруу ниети турганын көрсөтүүдө. Бул аракеттердин негизги максаты баскынчы яхудий түзүмүнүн мамлекет катары таанылышын мыйзамдаштыруу, ошондой эле Палестинадагы үммөткө, өзгөчө Газа элине оор сокку урулат. Бул элдер болсо, Сирияда залим Башар режими кулап, Аллахтын жардамы менен эркиндикке чыккандардан өздөрүнө жардам келет деп үмүт кылышкан.
Мунун баарына кошумча үммөткө таасир берип, аны багынтуу аракети жүрүп жатат. Ал эми бул үммөт Сирия революциясын жана анын ураандарын урмат менен карап келген. Бирок бүгүнкү күндө болуп жаткан окуялар алардын тилектери менен, ошол ураандар жана принциптер менен таптакыр шайкеш келбейт.
Яхудий түзүмү менен болгон нормалдашуу үммөттүн эркиндигин сындырып, ага жан киргизген жерден бычак саюу менен барабар. Эми баарына, көзү да, көңүлү да ачык адамдарга белгилүү болду. Яхудий түзүмү менен болгон нормалдашуу “саясий зарылчылык” да эмес, “тактикалык кадам” да эмес. Бул төмөндөөнүн эң акыркы чекити, кулоонун эң төмөнкү деңгээли, бул дүйнөдөгү кордукту, акыреттеги ачык зыянды алып келүүчү жол.
Баарынан мурда, бул Аллага, Анын Элчисине, шейиттердин канына жана акыйкат курмандыктарына карата чыккынчылык. Бул үммөттүн негизги турумдарына каршы чыккан чыккынчылык, аны “Абрахам келишимдерине” шайкеш кылып багындырууга багытталган аракет. Яхудий түзүмү менен болгон тирешүүнү “жок кылуу же жашоо” күрөшүнөн жөн гана “чек ара жана аймактар боюнча талашка” айландыруу аракети. Ошондуктан, бул кооптуу натыйжаларга жана кооптуу жарга карай бараткан адамдар билишсин. Революция жылдарында биз адамдарды да, таштарды да аябаган кандуу кылмыш машинасына каршы туруп келгенбиз. Ошол кан төгүүчү машинага яхудий түзүмү коопсуздук жана чалгындоо аркылуу түздөн-түз көмөк көрсөткөн. Өзгөчө бул мамиле мурдагы режимдин малайлары өздөрүнүн яхудий түзүмү менен болгон байланышын ачыкка чыгаргандан кийин так аныкталган.
Эми ушунун баарына жооп катары, биз ал түзүм менен элдешишибиз керекпи? Же Аллахтын буйругуна баш ийип, Газадагы бир туугандарыбызга жардам берүүгө шашылышыбыз керекпи?
Биз болуп жаткан окуялардын кооптуулугунан эскертебиз жана Шам революциясынын элине кайрылабыз. Силер шейиттерди, туткундарды, журттарынан куулган курмандыктарды берген элсиңер. Баатырдыкты, сабырды жана жанын аябастан күрөшүүнү тарыхка жазган элсиңер. Мындай элди мурдагы кылмышкер режим да ачык айтканга батынбаган нормалдашуу сазына сүйрөшүнө жол бербегиле!
Яхудий түзүмү менен болгон нормалдашуу чыккынчылык. Ал кооптуу тузак жана ага баргандар, аны даңазалагандар же ага карата унчукпай отургандар үчүн өчпөс кара так. Ошондуктан бүгүн Шам революциясынын эли, жалпы үммөт өз сөзүн айтууга милдеттүү. Алар өз дининин туруктуу принциптерине бекем карманарын жарыялап, мусулмандардын жерин тартып алган жана элин кырып жаткан душман менен кандай мамиле кылуу керектигин эске салып турушу керек.
Баарыбыздын милдетибиз мындай жок кылуу жана нормалдашуу долбоорлоруна каршы катуу жана чечкиндүү туруштук берүү. Мындай опурталдуу коркунуч алдында унчукпай отуруу өтө оор кылмыш. Биз Аллахтын уруксаты менен яхудий түзүмүнүн соңу жакын экенине толук ишенебиз. Бул алардын башына Аллахтын ыраазылыгын көздөгөн, Анын өкүмдөрүн жер жүзүндө орнотууну каалаган чынчыл жоокерлер жана бир куткаруучу руханий лидер аркылуу келет. Бул болсо экинчи рашид Халифалык мамлекети астында гана ишке ашат. Ал эми Аллах ошол убада кылынган күндү насип кылганга чейин, билип алгыла, турмуш бул күрөшүү. Бүгүн нормалдашууга каршы турбаган адам, эртең тарых барактарында жүзү кара, уятка калган чыккынчы катары жазылат жана бул шерменделик убакыттын өтүшү менен жоголбойт.
﴿وَاللهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لا يَعْلَمُونَ﴾
«Алла Өз ишинде үстөмдүк кылуучу (тактап айтканда, Аны Өзү каалаган ишти кылуудан эч ким кайтара албайт) бирок адамдардын көпчүлүгү (муну) билишпейт». (Юсуф сүрөсү, 21-аят).
Хизб-ут-Тахрирдин Сирия вилаятындагы маалымат бөлүмү
14.07.2025
