Басма сөз баянаты
“Жаңы контейнер терминалын” АКШнын таасиринде турган Дубай порттору тобуна өткөрүү өлкөнүн эгемендүүлүгүнө коркунуч жаратат
Өлкөнүн эгемендүүлүгүнө эч кандай көңүл бурбастан, убактылуу өкмөт чет элдик түз инвестициянын желеси менен, порттун мүмкүнчүлүктөрүн кеңейтүү деген шылтоо астында, өлкөнүн стратегиялык жана экономикалык мааниси чоң болгон Читтагонг портундагы ар түрдүү объектилерди жана терминалдарды чет өлкөлүктөргө өткөрүүнү улантууда. Бул багыттагы өзүн-өзү камсыздаган жана эң кирешелүү болгон “жаңы контейнер терминалын” Бириккен Араб Эмираттарындагы Дубай шаарында жайгашкан “Дубай порттору тобуна (DP World)” өткөрүп берүү иши соңку баскычына жетти.
Читтагонг порту — Бенгал булуңуна жана Инд океанына түз чыккан, Бангладештеги эң маанилүү стратегиялык аймак болуп эсептелет. Бул порт — өлкө экономикасынын дем алуучу тамыры гана эмес, геосаясий жана аскерий жактан мааниси чоң стратегиялык объект. Анткени Бангладештин эл аралык соодасынын 90% дал ушул порт аркылуу өтөт, ал эми анын негизги кирешесинин 60% ушул жаңы контейнер терминалынан түшөт. Ушундай шартта бул терминалды чет элдик компанияга өткөрүп берүү чечими — бул өлкө үчүн өз эгемендүүлүгүнө каршы жасалган “саясий-экономикалык суицид” болуп саналат. Бул чечим өлкөнүн экономикалык көзкарандысыздыгын алсыратуу менен гана чектелбестен, аны геосаясий, аскерий жана стратегиялык коркунучтарга да кептейт.
Белгилүү болгондой, Дубай порттору тобу (DP World) — Дубайда жайгашкан эл аралык логистикалык компания болуп, порт куруу, деңиз кызматтары, заманбап логистикалык системалар жана технологияга негизделген соода процессин камсыз кылуу сыяктуу кызматтар менен дүйнөгө таанымал. Бирок, бул компанияны колонизатор кафир күчтөр, өзгөчө АКШ менен Британия, өзүнүн геосаясий кызыкчылыктары үчүн аскерий максаттарда колдонуп келишет.
Белгилей кетүүчү нерсе, Дубай Жакынкы Чыгыштагы дүйнөлүк колонизаторлук кресттүү күчтөрдүн жана яхудий түзүмүнүн стратегиялык өнөктөшү болуп эсептелет. Мисалга алсак, Дубай 2025-жылдын 31-мартынан 11-апрелине чейин Грециянын Андравида аба базасында өткөрүлгөн эл аралык «Инохиос 2025» аскердик учкучтар машыгуусуна катышты. Бул машыгууга Америка, баскынчы яхудий түзүмү жана Индия менен бирге катышкан.
Бул факт Дубай порттору тобуна Читтагонг портундагы жаңы контейнер терминалын өткөрүп берүү аракеттери бул аймактагы Батыштын колонизатордук долбоору экенин дагы бир жолу тастыктап турат. Өзгөчө бул ишке “кызмат кылып жаткан” «Нью Мир Жаъфар» тобунун саткын аракети айкын көрүнүп турат. Аллах Таала бизге каапырлардын үстөмдүк кылуусунан сактанууну эскертет:
﴿إِن يَثْقَفُوكُمْ يَكُونُوا لَكُمْ أَعْدَاء وَيَبْسُطُوا إِلَيْكُمْ أَيْدِيَهُمْ وَأَلْسِنَتَهُم بِالسُّوءِ وَوَدُّوا لَوْ تَكْفُرُونَ﴾
«Эй момундар), эгер алар (мушриктер) силерди жеңсе душманыңар болушат жана силерге колдорун жана тилдерин жамандык менен созушат (тактап айтканда, силерди өлтүрүшөт, кемсинтишет). Алар силердин дагы каапыр болууларыңарды каалашат». (Мумтахана сүрөсү, 2-аят).
Эй эл-журт! Силер жакшы билесиңер, бийлигин сактап калуу үчүн кулап бара жаткан зулумкор Хасина өлкөнүн түштүгүндө жайгашкан терең деңиз порту — Матарбари портун Америка менен стратегиялык жактан Индия-Тынч океан аймагында өнөктөш болгон Японияга өткөрүп берди. Бул келишим Япония менен өнөктөштүк деген ат менен көрсөтүлүп жатса да, анын чыныгы максаты — Бангладештеги терең деңиз порттору аркылуу АКШнын геосаясий кызыкчылыктарына кызмат кылуу.
Мындан тышкары, ал Бангладештин деңиздеги 15 гидрокарбон блокторунун бардыгын АКШ Конгресси жана Ак Үй менен тыгыз иштешкен ири “ЭксонМобайл” компаниясына өткөрүп берүүгө да макул болду. Хасина өкмөтүнүн жолун улантып, азыркы убактылуу өкмөт да Читтагонг портуна байланыштуу стратегиялык мааниси чоң түрдүү долбоорлордун алкагында, чет элдик инвестиция деген шылтоо менен, бул портту “Дубай порттору тобуна” өткөрүп берүү жараянын баштады. Бул компания дүйнөнүн ар кайсы өлкөлөрүндөгү порттордо маанилүү өнөктөш катары АКШнын аскер-деңиз флоту менен кызматташып келет. Ошондуктан, Америкага баш ийген мындай күчтүү компаниялардын Бангладештин аймактык сууларында жана стратегиялык объектилеринде болушу — бул өлкөнүн ичинде колонизатордук үстөмдүктү ого бетер күчөтүү болуп саналат. Бул болсо өлкөнүн эгемендүүлүгүн күрөөгө коюу дегенге барабар.
Эй мусулмандар! Ар бир айда биздин эмгек мигранттарыбыз чет өлкөлөрдөн кеминде 2 миллиард доллар өлчөмүндө каражат жөнөтүп турушса, анда “Дубай порттору тобу” сыяктуу компаниялардын зыяндуу келишимдер менен келген 1 миллиард долларлык инвестициясына сүйүнүү элди алдоо болуп эсептелет!
Биздин милдет — стратегиялык мааниси бар портторду жана жаратылыш ресурстарын чет элдик баскынчылардан коргоо үчүн өз мүмкүнчүлүктөрүбүздү бекемдөө жана портторду өз алдынча башкаруу. Бул өлкөнүн эгемендүүлүгүн сактоого жана улуттук экономиканы чыңдоого алып келет. Бирок Батышка жан тарткан саясатчыларда эл үчүн эч кандай чыныгы саясий максаттар жок. Алар өз эгемендүүлүгүн бекемдөөнүн ордуна, чет элдик компаниялардын жана колонизатор кожоюндарынын кызыкчылыктарын коргоого гана умтулушат. Дал ушул себептен алардын бардык чечимдери жана аракеттери өз бийлигин сактап калуу үчүн кожоюндарынын кызыкчылыгын камсыздоого гана багытталган. Ошондуктан, өлкөнүн стратегиялык ресурстары бул секулярдык өкмөткө ишенип берилгенде эч качан коопсуз болбойт жана бул өкмөткө таянып, ошол байлыктардан адилеттүү пайдалана албайсыңар.
Биз, Хизб ут-Тахрир, силерге эскертебиз. Пайгамбарлык жолундагы Халифалык мусулмандар үчүн жалгыз система болуп саналат, ал гана Ислам шариаты боюнча башкарууга, мунай, газ жана порт сыяктуу маанилүү ресурстарды чет элдик душман күчтөрдүн колунан бошотууга кудуреттүү. Аллахтын уруксаты менен жакында кайра орнотула турган Халифалык мамлекети — ислам үммөтүн бириктирүү жана анын стратегиялык ресурстарын пайдаланып, дүйнөдөгү алдыңкы мамлекетке айлануу аркылуу өзүн көрсөтөт.
﴿هُوَ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَكَفَى بِاللهِ شَهِيداً﴾
«Ал (Алла) өз пайгамбары (Мухаммад алайхис-саламды) Туура Жол жана Чындык дин (Ислам) менен, ал (дин)ди бардык (дин)дерге женүүчү-үстөм кылуу үчүн жиберген Зат. Алланын Өзү (ушул убадасынын жүзөгө ашуусуна) жетээрлик күбөө». (Фатх сүрөсү, 28-аят).
Хизб ут Тахрирдин Бангладештеги маалымат бөлүмү
10.05.2025
