Басма сөз баянаты
Палестин бийлиги палестин элине кол салды
Бул ыйык айдын онунчу күнүндө Палестин бийлигинин коопсуздук кызматтары абдан чоң кылмыш жасап, ачык күнөө ишке барышты. Алар көп жылдан бери яхудийлерден качып жүргөн Женин лагеринин тургуну Абдуррахман Абу Аль-Минаны өз колдору менен өлтүрүп, анын канын өз кожоюндарына (Америка менен яхудийлерге) курмандык катары сунушташты. Андан соң бул кызматтардын өкүлү эч кандай уятсыз, муздак кандуулук менен өз кылмыштарын актаган билдирүү жасады.
Рамазан айынын онунчу күнүндө бийлик палестин элинин каны алар үчүн адаттагыдай эле агып жатканын дагы бир жолу тастыктады. Мурда алар мужахиддерди, аялдарды жана балдарды өлтүрүшкөн, үйлөрдү өрттөп, суу менен электр жарыгын өчүрүшкөн, ооруканага басып киришкен. Эми болсо мусулмандардын канын төгүү да, Рамазан айын тепсөө да алар үчүн маанилүү эмес. Алар баскынчы аскерлер менен биргеликте кылмыштарын улантууда, ал тургай, тез жардам унааларын да токтотуп, тинтүү жүргүзүшүүдө!
Рамазан айынын онунчу күнүндө Палестин бийлиги палестин элинин бир бөлүгү эмес экенин, тескерисинче, яхудийлер менен бир экенин дагы бир жолу далилдеди. Алар ыйык жердин элине карата жүрөктөрүндө болгон жек көрүү сезимин кылмыштары аркылуу ачып берип жатышат. Алардын ичиндеги эмне бар экенин Аллах жакшы билет. Яхудийлер жасаган бардык кылмыштарды бийлик жана анын коопсуздук кызматтары толук кайталап жатат.
Рамазан айынын онунчу күнүндө палестин эли бул бийликтин акыйкат жолдон таптакыр адашып, жүрөктөрү мөөр басылгандай болуп калганына дагы бир жолу ынанды. Алардын жетекчилеринен акыйкатты издөө пайдасыз, аларга насаат да, Аллахтын аяттары да таасир этпейт. Алар өз жолдорун так аныктап алышкан. Алар палестин элинин душмандары болуп, яхудийлер менен кресттүүлөргө кызмат кылышат. Рамазан айынын онунчу күнүндө биз Палестин бийлигинин жана анын коопсуздук кызматтарынын арасында дагы эле жүрөгүндө ыйман, ар-намыс же намыс сезими калган адамдарга кайрылабыз. Эгер жүрөгүңөрдө ушулардан бир үзүм калган болсо, анда бийликтин кылмыштарынан жана зулумунан баш тарткыла, болбосо Аллахтын алдында өкүнүүгө аргасыз болосуңар.
Рамазан айынын онунчу күнүндө биз Мухаммад ﷺ үммөтүнө жана анын аскерлерине кайрылабыз: Палестин элин яхудийлердин тырмагына таштап коюу, Палестин бийлигинин зулумдугунда калтыруу – Кыямат күнү силерге чоң жүк болот. Палестин эли эки топтун ортосунда калды. Экөө тең зулум, бири экинчисинен жаман. Аллахтын алдында биз үчүн эмне кылганыңар тууралуу суракка алынасыңар. Эгер кыймылга келбесеңер, бул жерди яхудийлерден жана алардын шериктеринен тазалабасаңар, анда чоң жоопкерчилик силердин моюнуңарда болот.
Рамазан айынын онунчу күнүндө биз Аллахтын ырайымынан үмүт үзбөйбүз. Ал мурун яхудийлерден да күчтүүлөрдү жана аларга кызмат кылгандарды жок кылган. Ага яхудийлерди да, Палестин бийлигин да жок кылуу кыйын эмес. Биз Аллахтын улуу жеңишине толук ишенебиз жана Анын заалимдерден өч алуусу жакындап калганына шек санабайбыз. Ал бизди душмандарыбыздан жана аларга шерик болгон чыккынчы саткындардан кек алып, канааттандырат. Аллах Таала айтты:
﴿فَلَا تَحْسَبَنَّ اللهَ مُخْلِفَ وَعْدِهِ رُسُلَهُ إِنَّ اللهَ عَزِيزٌ ذُو انْتِقَامٍ﴾
“(Эй Мухаммад) сен эч качан Алла Өз пайгамбарларына берген («Биз албетте Өз пайгамбарларыбызды үстөм кылабыз», деген) убадасынан таюучу, деп ойлобогун. Албетте Алла үстөмдук кылуучу, өч алууга кудуреттүү”. (Ибрахим, 47-аят).
Хизб ут-Тахрирдин Ыйык Палестина жериндеги маалымат бөлүмү
