Араб лидерлери үммөттү сатып кетүү жана анын маселелерин жокко чыгаруу үчүн гана чогулушат
2025-жылдын февраль айынын башында Каирде жыйын өтүп, ага Иордания, БАЭ, Сауд Арабия, Катар жана Египеттин Тышкы иштер министрлери, ошондой эле Палестинадагы “Азаттык” уюмунун аткаруу комитетинин катчысы жана Араб лигасынын башкы катчысы катышты. Алар Газадагы акыркы окуяларды жана Палестина маселесин талкуулашты. Бул жыйын Египет менен Катар ортомчулук кылган, АКШ колдогон ок атышууну токтотуу жана туткундарды алмашуу келишиминен кийин өткөрүлдү.
Бирок мындай жолугушуулар Палестина маселесинде чыныгы өзгөрүүгө алып келбейт. Тескерисинче, яхудий мамлекетин легалдаштыруу, ага каршы турушу мүмкүн болгон ар кандай аракеттерди токтотуу жана аймакта анын ордун бекемдөө үчүн уюштурулат. Ок атышууну токтотуу келишимине кубануу жана эл аралык аракеттерди мактоо – баскынчылыкты кыйыр түрдө кабыл алуу дегенди билдирет. Алар бул маселени чечүүнүн бирден-бир туура жолу – Палестинанын толук бошотулушу экенин билмексен болууда. Ал эми, бул чечимге жетүү үчүн жоопкерчилик аймактагы мусулман армияларына жүктөлүп, алар бул баскынчы мамлекетти түп-тамыры менен жулуп салышы керек. Бирок буга тоскоол болуп жаткан нерсе – бизди башкарып турган саткын режимдер.
Газада Палестина администрациясынын бийлигин күчөтүү чакырыгы жана кайра куруу аракеттерине каражат издөө – бул палестиналыктарды жана бүткүл үммөттү алдоо. Бул кадамдар яхудий баскынчылыгын отурукташтыруу, аларга дагы көп кыргын жана кыйроо жасоого шарт түзүү жана статус-квону сактап калуу болуп эсептелет. Ошондой эле, эл аралык коомчулук эки мамлекет чечимин сунуштоо менен палестиналыктардын укуктарын кайтарбайт. Бул чечим тескерисинче, яхудий мамлекетине мыйзамдуулук берет жана саткын режимдердин кепилдиги менен ислам жерлерин иш жүзүндө басып алууга мүмкүнчүлүк түзөт.
Араб жана эл аралык жыйындар, канчалык көп өткөрүлбөсүн, Палестинаны бошотпойт, мусулмандардын укуктарын кайтарбайт. Алар – нормалдашуу процессин илгерилетүү жана мусулмандардын укуктарынан баш тартуу үчүн жасалган жамынма аракеттер. Бул жыйындардан эч качан жакшылык күтүүгө болбойт! Ошондуктан, үммөт мындай коркунучтуу пландарды түшүнүшү керек жана аларды жокко чыгаруу үчүн күрөшүүгө милдеттүү. Бул үчүн:
- Исламдын негиздерин бекем кармануу
- Яхудий мамлекети менен болгон бардык нормалдашуу жана ымала түзүү аракеттеринен баш тартуу
- Үммөттү улуу максаттарына жеткире турган Халифалыкты калыбына келтирүү үчүн күрөшүү шарт.
Ушул гана кадамдар мусулмандарга кайрадан улуулук жана кадыр-барк алып келет. Батыштык баскынчылар менен алардын кол балдарынын булганычтарынан ыйык жерлерди тазалайт.
Бул жыйындар элдерди тынчтандырып, аларды алдоо үчүн гана өткөрүлгөн саясий спектаклдер. Алардын жалган ниети – палестиналыктардын маселеси чечилип жаткандай элес калтыруу. Бирок чынында, бул жыйындар статус-квону бекемдөөгө, чоң державалардын кызыкчылыктарын коргоого жана яхудий мамлекетин аймакка интеграциялоого багытталган.
Газаны кайра курууга чакыруу – Палестинаны бошотууга болгон аракеттердин ордуна өтпөшү керек!
Газаны кайра куруу тууралуу чакырыктар Палестинаны бошотуу үчүн күрөштүн ордун алмаштырбашы керек. Анткени эркиндиксиз курулуш – бул жараатты убактылуу басаңдаткан дары сыяктуу, бирок жараат өзү кала берет. Бул – баскынчыга дагы бир жолу күч топтоп, өзүнүн баскынчылык саясатын улантууга мүмкүндүк берүү дегенди билдирет.
Биз үммөттү мындай жолугушууларды жана алардан чыккан чечимдерди четке кагууга чакырабыз! Алардын ордуна Палестинаны толугу менен бошотууну жана яхудий мамлекетин жер жүзүнөн жок кылууну көздөгөн чыныгы исламий долбоорду кабыл алуу керек. Бул максатка жетүүнүн бирден-бир жолу – ислам халифалыгын калыбына келтирип, мусулмандардын армиясын Аллах жолунда жихадга багыттоо.
Палестина маселеси – бул исламий маселе! Анын бошотулушу ар бир мусулмандын шаръий милдети. Аны улуттук көз карашта же Сайкс-Пико чек араларына ылайык кароо – баскынчылар койгон капканга түшүү. Яхудий мамлекети – батыштын чалгын базасы, анын максаты үстөмдүгүн сактап калуу, мусулман өлкөлөрүн бөлүп-жаруу жана өзүнө карата негизги душмандыктан буруу. Ошондуктан, биз исламдын көз карашынан карашыбыз керек: Ислам жерлери – бир бүтүн. Эгерде душман анын бир бөлүгүн басып алса, анда аны сүрүп чыгуу ыйман келтиргенден кийинки эң чоң парз.
Бул милдет адегенде ошол аймактын элине жүктөлөт, эгерде алар душманды сүрүп чыга албаса, анда кийинки жакын турган мусулмандарга өтөт. Египет жана анын армиясы – Палестинага эң жакын жана эң күчтүү мамлекет. Демек, бул милдет аларга биринчи кезекте жүктөлөт. Имам Касани өзүнүн “Бадаи ас-Санаи” китебинде мындай деп жазган:
«Эгерде чек арадагы мусулмандар душманга каршы тура албаса жана аларга коркунуч туулса, анда жакын турган мусулмандар аларга жардам берүүгө милдеттүү. Алар аскер, курал-жарак жана каражат менен колдоо көрсөтүшү керек. Анткени бул жихадга жөндөмдүү бардык мусулмандарга жүктөлгөн парз. Бирок бул парз кээ бирөөлөр аткарган учурда башкалардан алынып салынышы мүмкүн. Эгерде жетиштүү деңгээлде аткарылбаса, анда ал бардык мусулмандар үчүн сакталат».
Эй, Мисир армиясынын ыкластуу аскерлери! Силердин башкаруучуларыңар яхудий мамлекетинин сакталышына салым кошуп жатышат! Бул алар үчүн таң калычтуу эмес, себеби алар бул жасалма мамлекетти түзүүгө жардам беришкен. Бирок таң калычтуусу – бул силердин унчукпай отурушуңар.
Эмнеге силер унчукпай жатасыңар, ал эми силердин боордошторуңар кой сыяктуу союлуп жатат? Эмнеге силер дагы эле мусулман үммөтүн бөлүп-жарган Сайкс-Пико чек араларын кармануудасыңар? Исламдын негизги принциптери кайда? Анын эрежелери боюнча бир мусулманга жасалган кол салуу – бардык мусулмандарга жасалган кол салуу эмеспи?!
Силер саткын башкаруучулардын кишенин ыргытып, Исламды кайрадан мамлекеттик бийликке алып келүү үчүн аракеттенген чынчыл адамдар менен бирге болууга тийишсиңер. Ислам силерди башкарууга жеткирсин жана силер ал аркылуу Палестинаны жана бардык басып алынган мусулман жерлерин бошоткула! Ошондо силер Ансарлардай улуу урматка жана шек келтирилгис даңкка ээ болосуңар. Аллах Таала айтат:
﴿انْفِرُوا خِفَافاً وَّثِقَالاً وَّجَاهِدُوا بِأَمْوَالِكُمْ وَأَنفُسِكُمْ فِي سَبِيلِ اللهِ ذَلِكُمْ خَيْرٌ لَّكُمْ إِن كُنْتُمْ تَعْلَمُونَ﴾
«Жеңил, же оор болгонуна карабастан согушка чыккыла да, Аллах жолунда мал-мүлкүңөр жана жаныңар менен согушкула! Эгер билсеңер, силер үчүн жакшысы ушул» (Тооба сүрөсү, 41-аят)
Аллах үммөттү, анын алдыңкы партиясын жана анын улуу мамлекет долбоорун мыкты жардамчылар менен камсыз кылсын!
Махмуд Лейси
Хизб-ут-Тахрирдин Мисирдеги маалымат бөлүмүнүн мүчөсү
