Хизб-ут-Тахрир–Тунис вилаятынын басма сөз бөлүмүнүн аялдар жааты жарыялаган билдирүүдө Тунистеги Карфаген кинофестивалы жөнүндө айтылган. Билдирүүгө ылайык, Тунис бийлиги миллиарддарын бузукулук жаюу жана адаштыруу, жогорку баалуулуктарды, итикадды ойрон кылууга сарптоодо. Түпкүлүгүндө, бул каражаттарды Ислам Үммөтүнүн маданиятын тикелөөгө, жарандарын, инженерлерин, дарыгер жана аалымдарын тааныштырууга сарпташы керек эле. Билдирүүдө Хизб-ут-Тахрир–Тунис вилаяты басма сөз бөлүмүнүн аялдар жаатынын расмий сүйлөөчүсү устаз Ханнан Хумайра мындай дейт: «Тунистин Муса ибн Насир, Укба ибн Нафиъ, Тарик ибн Зияд сыяктуу эр кишилерин иштерин эскерүүнүн ордуна, батышпарас илманийлер душмандын колдоп-кубаттоосу менен Үммөттү абийир жана тазалыктан ажыратууга, ыплас илманийликти орнотууга урунуп жатышат. Хизб-ут-Тахрир–Тунис вилаятынын басма сөз бөлүмүнүн аялдары өлкөбүздө болуп жаткан кылмыштардан, исламий баалуулуктарга сокку берилип жатканынан жана эң негизгиси мамлекетте уят тизгини бүтүндөй бош коюлганына режимдин сүкүт кылып жатканынан Аллахтан коргоо сурайбыз жана Ага таянабыз». Ханнан Хумайра билдирүүнү минтип аяктаган: «Карфаген кинофестивалы наамы астында өткөрүлүп жаткан мындай кылмыштар исламий маданиятыбыздын ордуна бузукулук маданиятын орнотууга, өз маданиятын жаман көргөн урпак муунду даярдап чыгарууга багытталган. Биз калкыбызга бардык шерменделиги ачыкка чыккан режимдин жалган жүзүн таанытууга, калкыбыз арасындагы калыс инсандарды бул режимди таанып гана калбастан, аны кулатып, урандылары үстүнө Расулуллах с.а.в дын минхажы негизиндеги рошид Халифалык мамлекетин тикелөөгө аракет кылууга чакырабыз».
Роя гезити, 2018-жыл, 19-декабрь, №213.
