Өзбекстан менен Тажикстандын коргоо министрлери аскерий кызматташтык долбооруна кол коюшту
7-август күнү Өзбекстандын коргоо министри генерал-майор Абдусалом Азизов Өзбекстанга расмий сапар менен келген Тажикстандын коргоо министри генерал-полковник Шерали Мирзо башчылыгындагы аскерий делегацияны кабыл алды. Бул тууралуу, Өзбекстан коргоо министрлигинин маалымат кызматы кабарлаган.
Жолугушуунун алкагында Өзбекстан жана Тажикстан ортосундагы аскерий кызматташтыкка тиешелүү маселелер талкууланып, аскерий-техника багытындагы алакаларды бекемдөө боюнча пикир алмашылды.
Өзбекстан коргоо министри эки мамлекет ортосундагы достук алакаларды жогору баалады жана үстүбүздөгү жылдын март айында Өзбекстан жана Тажикстан президенттери ортосунда болуп өткөн жолугушуу өтө маанилүү жолугушуу болгондугун баса белгиледи.
“Өзбекстан президенти Шавкат Мирзиёевдин Тажикстанга болгон сапары тарыхый сапар болду жана ушул окуя эки мамлекет ортосундагы кызматташтыктын туруктуу өнүгүшүнө жакшы түрткү болду”, – деди Азизов.
О.э. Өзбекстан коргоо министри эки өлкөнүн коргоо тармагы боюнча кызматташтыкты өнүктүрүүсү өтө маанилүү экендигин айтып өттү.
Тажикстан коргоо министри жылуу кабыл алганы үчүн ыраазылык билдирип, Өзбекстан куралдуу күчтөрү региондогу эң күчтүү жана заманбап курал-жарактарга о.э. аскерий кызматкерлери согуштук машыгуулар жаатында жакшы базага ээ экендигин баса белгиледи.
Мындан тышкары, жолугушууда ушул жылы көп тараптуу алакалар өнүккөндүгү жана мамлекеттер аралык максаттуу долбоорлор ишке ашырылгандыгы айтылды.
Жолугушуу учурунда Тажикстан коргоо министри өзбекстандык аскерий кызматкерлерди татаал шарттагы машыгууларга катышууга о.э. армиялар ортосунда спорттук жана маданий иш-чараларды өткөрүүгө чакырды.
Жолугушуунун жыйынтыгында эки мамлекеттин коргоо министрлери 2018-жылдагы аскерий кызматташтык долбооруна кол коюшту.
