Борбор Азия диктаторлорунун балдары Москвада кабыл алынды
Акыркы күндөрдө Россиянын борбору Москвада коомчулукта кеңири талкуу жараткан маанилүү дипломатиялык иш-чаралар болуп өттү. Тагыраагы, Россиянын президенти Владимир Путин Тажикстандын президенти Эмомали Рахмондун уулу Рустам Эмомалини кабыл алды. Мындан тышкары, дипломатиялык жолугушуулардын алкагында Россиянын премьер-министри Михаил Мишустин жана бир катар чиновниктер Өзбекстандын президенти Шавкат Мирзиёевдин кызы Саида Мирзиёеваны делегация башчысы катары кабыл алышты. Өзбекстан президентинин кызынын визитин Өзбекстан менен Россиянын ортосундагы кошумча “байланыш каналынын” ачылышы катары карасак болот. Ал эми Рустам Эмомалинин сапары Тажикстандын кийинки президентин “кароо сынагы” болду деп атаса туура болот. Буга окшогон «кабыл алууларды» ишеним жана колдоо көрсөтүүнүн белгиси катары чечмелөө мүмкүн. Мындай аракеттер мусулман өлкөлөрүнүн картайган диктаторлору үчүн адатка айланган. Алар өз урпактарын тактыда калтыруу үчүн колониялык державаларга, мисалы, Россияга “бата” алуу үчүн жиберишет.
Мусулмандарда бир гана башкаруучу болушу керек жана ал Халиф. Халиф мусулмандар тарабынан шайланат жана өз башкаруусунда бир гана мусулмандарга таянат, ал эми калган жетекчилер жардамчылар болуп саналат. Борбор Азия мусулмандары Ислам үммөтүнүн бир бөлүгү катары жер жүзүнө Ислам башкаруу түзүмүн кайрадан тикелөө үчүн болгон күчүн сарпташы зарыл.
Бектурсун Азык
