Эмделбеген балдар мектепке киргизилбейт! Окуучулардын конституциялык укугу кайда калды?
Эмделбеген балдар мектепке каттоого алынбайт. Бул тууралуу Билим берүү жана илим министринин орун басары Лира Самыкбаева билдирди.
Анын айтымында, 15-августтан кийин ата-энелер жалпы профилактикалык кароо жана эмдөө боюнча маалымкаттарды мектепке алып келиши керек. Токтомго ылайык, эмделбеген балдар мектепке кабыл алынбайт.
Комментарий:
Кыргызстан конституциясынын 46-беренесинде төмөнкү пункттар белгиленген:
- Ар бир адам билим алууга укуктуу.
- Негизги жалпы билим алуу милдеттүү.
- Ар бир адам мамлекеттик билим берүү уюмдарында мектепке чейинки, жалпы негизги, орто жалпы жана баштапкы кесиптик билимди акысыз алууга укуктуу.
- Мамлекет мектепке чейинки билим берүүдөн баштап орто жалпы билим берүү уюмдарына чейин ар бир жарандын мамлекеттик, расмий жана башка бир чет тилди окуп-үйрөнүүсү үчүн шарттарды түзөт.
А бирок, калкынын 89 пайызын мусулмандар түзгөн өлкөдө миңдеген, балким он миңдеген окуучу билим алуу укугунан ажыраганы турат. Буга кошумча, өлкөдөгү вакциналардын зыянсыз экенин аныктоо өзүнчө маселе. Анткени, өлкөдө ар кандай эмдөө кампаниясы учурунда жарандардын каза болуп калган же ооруканага оор абалда түшкөн учурлар арбын кездешет. Маселен, буга чейин Ала-Букада вакцина алган жоокерлердин жарымынан көбү ооруканага түшүп калган. Ал эми, Баткен шаарындагы №3-орто мектептин 5-классынын окуучуларын эмдөөдөдөн өткөргөндөн кийин 10 бала оор абалда ооруканага түшкөн.
Негизи мусулмандар эмдөөнүн арам болгону үчүн эмес, балким дал ушул вакциналардын курамы күмөндүү жана зыяндуу болгону үчүн андан баш тартууда. Бийлик жарандардагы шек-күмөндөрдү жоюуга аракет кылуунун ордуна ар түрдүү чектөө жана тыюу салуулар аркылуу адамдарды вакцина алууга мажбурлап жатат. Туурасы, расмий өкмөт адамдардагы шек-күмөндөрдү жоготуу үчүн вакцинанын курамын иликтеп, анын курамында адамдын саламаттыгы же өмүрү үчүн кооптуу болгон кошумчалар жоктугун аныктап бериши керек эле. А бирок, бизде капиталисттик компаниялар чыгарган вакциналарды текшере турган лабораториялар жок. Лабораториялар курулган күндө да аларды текшерүү укугу бизге окшогон майда өлкөлөргө берилген эмес. Буга кошумча, капиталист фармацевтикалык компаниялар вакциналарды эчак эле өздөрүнүн пайдалуу ишкерлигине айлантып алганы жашыруун эмес. Муну акыркы жылдары миллиардерлердин катарына кошулган ишкерлердин көпчүлүгү фармацевтикалык компаниялардын айрыкча, вакцина өндүргөн компаниялардын ээлери экени да тастыктап турат. Демек, Билим берүү министрлигинин окуучуларды милдеттүү эмдөөдөн өткөрүү аракети дал ушул капиталисттик компаниялардын кызыкчылыгы жана эл аралык уюмдардын талабы экени талашсыз!
Нурдин Асаналиев
