Бисмиллаахи рахмаанир рахиим
Асыл хадис менен
Адамдын улуу сыйлыктан кур калуусу
Урматтуу бир туугандар “Асыл хадис менен” берүүбүздүн жаңы чыгарылышын жакшы салам менен баштайбыз. Аллахтын тынчтыгы, ырайымы жана берекеси сиздер менен болсун.
عن أبي هريرة رضي الله عنه قال: قال رسول الله صلى الله عليه وسلم: “رغم أنف رجل ذكرت عنده فلم يصل علي، ورغم أنف رجل دخل عليه رمضان ثم انسلخ قبل أن يُغفر له، ورغم أنف رجل أدرك عنده أبواه الكبر فلم يدخلاه الجنة” رواه الترمذي وصححه الألباني
Абу Хурайра (Аллах андан ыраазы болсун) риваят кылган хадисте, Аллахтын Элчиси (саллаллаху алейхи уа саллам) айтты: “Менин атым айтылганда мага салават айтпаган адам мурду менен жер сүзсүн. Рамазан айы кирип кийин чыгып кетип жатканда күнөөлөрү кечирилбеген адам мурду менен жер сүзсүн. Карыган ата-энеси колунда болуп туруп бейишке кирбей калган адам мурду менен жер сүзсүн”. (Тирмизи риваяты, Албаний аны сахих деген).
Урматтуу угармандар:
Сөздөрдүн эң жакшысы – Аллах Тааланын сөзү, ал эми туура жолдун эң жакшысы – Анын Пайгамбары Мухаммад (с.а.в)дын жолу.
Бул асыл хадис бизди аны кылган адам бейишке татыктуу болгон үч чоң ишке багыттайт: Булардын биринчиси, Аллах Таала Пайгамбарыбызды (ага Аллахтын тынчтыгы, салаваты жана мактоо дубасы болсун) айырмалап анын ысымы айтылганда Аллахтын Элчисине үммөттүнүн дуба кылуусуна болгон өзгөчөлүгү. Бул амалды аткарган ар бир мусулманды Кыямат күнү анын шапаатына татыктуу кылат (ага Аллахтын салам-салаваты болсун). Демек кимде-ким аны аткарып, аны чындап карманса жана анын мазмунуна ылайык амал кылса (ага Аллахтын салам-салаваты болсун) Кыямат күнүндө анын шапаатына жана ааламдардын Раббисинин сыйлыгына ээ болот. Аллага, Анын Пайгамбарына (с.а.в) Кыяматка, Бейишке жана Тозокко ыйман келтирсек, сүйүктүү Пайгамбарыбыз Мухаммад (саллаллаху алейхи васаллам)дын шапаатына татыктуу болобуз.
Анан бул асыл хадисте Рамазан жөнүндө сөз кылынган. Бул хадис бизге бул айдын Аллахтын алдында улуулугун жана артыкчылыгын эскертет. Ким бул айда жакшылык кылса жана Улуу Пайгамбарыбыз (саллаллаху алейхи уа саллам) бизге буйругандай ибадат кылса жана Аллах сүйгөн жана ыраазы болгон нерселерди кылса, анда Аллах аны эң жакшы сыйлык менен сыйлайт. Бирок бул айдагы чоң сооптуу амалдары, улуу сооптору жана улуу пазилеттерди түшүнүп туруп, Аллах Таала бул ай үчүн даярдаган сооп жана сыйлыкка жетпеген адам чоң утулууга кабылат.
Кийин бул асыл хадисте Аллахка татыктуу ибадат кылууда бизге чоң жакшылык кылгандарга, тактап айтканда, ата-энебизге байланыштуу айтылууда. Эгер алар биз камкордук кыла турган куракка жетсе, ошол учурда биз алардын муктаждыктарын аткарып, алардын ыңгайлуулугун камсыз кылуу үчүн бул мүмкүнчүлүктү колдон чыгарбоого милдеттүүбүз. Бул маселеде аларга жакшы мамиле кылуу менен бейишке кирүү даражасына жеткен чоң сооп бар.
Бул асыл хадис биз кайдыгер калтырбообуз жана акы укуктарын беришибиз керек болгон үч чоң нерсени байланыштырган: Амалсыз сөз менен бейишке жетүүгө болбойт. Пайгамбарыбызга (Ага Аллахтын салам-салаваты болсун) биздин салаваттарыбыз. Аны баалоо жана урматтоо, Ааламдардын Раббиси жана Анын Пайгамбары (саллаллаху алейхи уа саллам) биз үчүн каалаган туура жолдо жүрүү дегенди билдирет. Рамазан айынын орозосун кармоо жана биздин камкордугубузга муктаж болгон ата энелерибизге кам көрүү. Бул амалдарды чын ыклас менен кылсак, бейиштин сообун алууга татыктуубуз. Бул жерде бул үч нерсени бириктирип турган нерсе Аллах Таалага моюн сунуу жана Аны ыраазы кылган иштерди кылуу экендигине көңүл буруу зарыл. Мусулман Аллахка ишенсе, Анын Элчисине (саллаллаху алейхи уа саллам) чындап ыйман келтириши керек. Ошондой эле Аллах каалаган жана ыраазы болгондой ибадат кылуусу керек. Бул ибадаттардын эң чоңу – орозо. Аллах Таала буйругандай башкалардын акысын аткаруу.
Аллахтан бизди пайгамбарына сөз менен да, иш менен да дуба кылгандардан кылуусун тилейбиз. Бул айда Аллах Таала сүйгөн жана ыраазы болгондой ибадат кылуубузга жана ата-энелерибизди урматтоого жардам беришин Аллахтан тилейбиз. Бул Аллах үчүн оор эмес.
Аллах буйруса, келерки “Асыл хадис менен” берүүбүздөн жолугушканга чейин сиздерди Аллахтын камкордугуна, коргоосуна жана коопсуздугуна калтырабыз. Сиздерге Аллахтын тынчтыгы, ырайымы жана берекеси болсун.
1446-х, 18-рамазан.
2025-ж, 18-март.
