Ислам үммөтү – башкаруучулардын чыккынчылыгы жана армиялардын аракетсиздиги ортосунда
Хизб ут-Тахрирдин амири, улуу аалым Ата ибн Халил Абу Рушта
Аллахка шүгүр, Халифалыктын кайра келиши тууралуу жагымдуу кабарлар анын жакындап калганын көрсөтүүдө. Ислам үммөтү – тирүү жана активдүү үммөт. Ал Халифалыкты кайра тикелөө үчүн аракет кылып, бул иштерге толугу менен колдоо көрсөтүүдө. Аллахтын убадасы аткарылып, андан кийин үммөт Халифалыкты коргоп, бекем кармап кала турган учурга жетип калды. Үммөт Аллах аны жараткан алгачкы абалына кайра кайтып барат. Аллах Таала мындай дейт:
كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِاللَّهِ
“(О, мусулмандар!) Силер (ааламдагы бардык) адамдар үчүн чыгарылган жакшы үммөт болдуңар. (Адамдарды) жакшы адаттарга буюруп, жаман жоруктардан кайтарасыңар жана Аллахка ыйман келтиресиңер”. (Аали Имран: 110).
Ошондой эле, үммөт ичинде Аллахка ак дилден кызмат кылган, Пайгамбарга ﷺ чын жүрөктөн берилген бир жамаат бар. Алар Аллахтын убадасы жана Пайгамбардын кушкабары өздөрүнүн колдору менен ишке ашканга чейин, күн менен түндү бир кылып, тынымсыз аракет кылышат. Алар Аллах жолунда эч кимдин жемесинен коркпойт, кыйынчылыктарга моюн сунбайт жана бекем ишеним менен максатына умтулушат. Пайгамбар ﷺ мындай деген:
“لا تَزَالُ طَائِفَةٌ مِنْ أُمَّتِي ظَاهِرِينَ عَلَى الْحَقِّ لَا يَضُرُّهُمْ مَنْ خَذَلَهُمْ
حَتَّى يَأْتِي أَمْرُ اللَّهِ وَهُمْ كَذَلِكَ ….”
«Үммөтүмдүн бир тобу дайыма акыйкат жолунда болот. Ким аларды таштап кетсе да, аларга зыяны тийбейт. Алар ушул абалда Аллахтын буйругу келгенге чейин турушат» (Муслим, Саубандан риваят кылган).
Ошентип, Халифалык Аллахтын уруксаты менен, анын уул-кыздарынын күчү менен, азыркы зулум кылуучу режимдер кулатылгандан кийин кайра орнойт. Ошондо яхудийлердин мамлекети жок кылынып, Палестина кайра Ислам жерине айланат.
Пайгамбарﷺ мындай деген:
“لَا تَقُومُ السَّاعَةُ حَتَّى يُقَاتِلُ الْمُسْلِمُونَ الْيَهُودَ فَيَقْتُلُهُمُ الْمُسْلِمُونَ …”
«Кыямат сааты яхудийлер менен мусулмандар согушмайынча келбейт. Анда мусулмандар яхудийлерди өлтүрүшөт…» (Муслим, Абу Хурайрадан риваят кылган хадис).
Мындан тышкары, Рим дагы мусулмандардын колу менен Константинопол сыяктуу фатх кылынат.
Пайгамбардан ﷺ сурашты:
أَيُّ الْمَدِينَتَيْنِ تُفْتَحُ أَوَّلَا قُسْطَنْطِينِيَّةُ أَوْ رُومِيَّةُ ؟ فَقَالَ رَسُولُ اللهِ ﷺ: «مَدِينَةُ هِرَقْلَ تُفْتَحُ أَوَّلاً يَعْنِي قُسْطَنْطِينِيَّةَ»
«Кайсы шаар биринчи багынат: Константинополбу же Римби?» Ал Зат мындай деп жооп берди: «Гераклийдин шаары биринчи багынат (Константинопол)» (Ахмад, Абдуллах ибн Амрдан риваят кылган хадис).
Эй мусулмандар!
Мусулман мамлекеттеринин яхудий мамлекетин курчап турганына карабастан, аны жок кылуу үчүн армияларын кыймылдатпай жатышы – чоң күнөө.
Трамп Газа элин көчүрүп кетүү планын ачык жарыялап, айланадагы мусулман башкаруучуларын такыр эске албай жатса да, алар унчукпай отурганы – чоң күнөө. Трамптан: «Араб жана башка мусулман лидерлери Газа элинин көчүрүлүшүнө каршы» деп сурашканда: «Жок, алар акыры кабыл алат» – деп жооп берди. Ушундай жол менен аларды уят кылса да, бирок аларда намыс жок.
Мусулман өлкөлөрүнүн армиялары яхудийлердин зулумун, кан төгүүсүн, талкалоолорун көрүп туруп, кыймылдабай жаткандыгы – бул чоң күнөө.
Алар башкаруучуларынын буйругуна моюн сунуп, яхудийлерге каршы согушпоону туура көрүшөт. Бирок Аллах алардын иш-аракеттерин өкүнүчтүү кылат, алар кеч болуп калганда гана өкүнүшөт.
“Албетте, бул нерседе (сoo) жүрөктүү же сергек абалда кулак салган адамдар үчүн ибрат бар”. (Каф: 37).
