Палестина бийлиги яхудийлердин жолун жолдоп, алардын иштерин кайталоодо
Палестина бийлиги 2025-жылдын 14-февралы, жума күнү түн ичинде Бетлехем аймагындагы Бейт-Фажар кыштагында бир нече кылмыш жасады. Алар Мухаммад Юсуф Токатканын үйүнө бастырып кирип, эшигин ачтыруу үчүн одоно жана мыкаачылык менен ур-токмокко алышкан. Аталган топ иврит тилинде сүйлөп, үй ээлерин яхудий аскерлери экенине ишендирүүгө аракет кылышкан. Үй ээси эшикти ачаары менен анын бетине газ чачып, мылтыктын түтүгү менен сабап салышкан.
Бул кол салуунун башкы уюштуруучусу Дауд аш-Шаир үй ээси Мухаммаддын жубайына эгерде бул мыкаачылыкты тартууга аракет кылса, анын өмүрүнө коркунуч туудурарын эскерткен. Аны коргоого аракет кылган туугандары да мыкаачылык менен сабалган жана ага жакындаганга мүмкүнчүлүк берилген эмес. Окуяга күбө болгон адамдар бул топту яхудий күчтөрү деп ойлошкон. Бирок алардын Палестина бийлигине тиешеси бар экендиги ички чалгын кызматкери Дауд аш-Шаирди тааныгандан кийин гана билинген. Алар ошондой эле Фади жана Махмуд Савватени кармап, башкаларды да камакка алууга аракет кылышкан.
Бул уят жана чыккынчылык бийлигинин мыкаачылыгына каршы “Хизб-ут-Тахрирдин” Палестинадагы маалымат бөлүмү билдирүү таратып: “Палестина бийлиги жана анын жетекчилери яхудийлердин тилин, алардын ыкмаларын жана Палестина элине болгон кастыгын толугу менен өздөштүрүштү. Яхудийлер алардын ар-намысын тебелеп, эркектик намысын басмырлаган сайын, алар Палестина элинен алыстап, яхудийлерге болгон сүйүүсүн ого бетер күчөтүүдө. Аллах Таала мындай эки жүздүүлөр тууралуу чындыкты ачык баяндаган:
﴿أَلَمْ تَرَ إِلَى الَّذِينَ تَوَلَّوْا قَوْماً غَضِبَ اللهُ عَلَيْهِمْ مَا هُمْ مِنْكُمْ وَلَا مِنْهُمْ وَيَحْلِفُونَ عَلَى الْكَذِبِ وَهُمْ يَعْلَمُونَ * أَعَدَّ اللهُ لَهُمْ عَذَاباً شَدِيداً إِنَّهُمْ سَاءَ مَا كَانُوا يَعْمَلُونَ﴾.
(О, Мухаммад!) аларга (мунафыктарга) карабайсыңбы, Аллах каарына алган коом (яхудийлер) менен дос болуп жүрүшөт. Алар силерден эмес, алардан да эмес. Жалгандан («мен — мусулманмын!» деп) ант ичишет. Бирок, (мусулман эмес экенин) билип эле турушат. Аллах (Акыретте) аларга катуу азапты даярдап койгон! Алардын иштери (жалгандан ант ичүү жана эки жүздүүлүк) кандай жаман! (Мужадала: 14-15).
Билдирүүдө дагы төмөнкүлөр айтылган:
«Эгерде Палестина бийлигинде жана анын мекемелеринде акыл-эси бар бирөө болсо, ал бул абалды бир эмес, бир нече жолу ойлонмок. Себеби яхудийлер силер аларга кандай гана төмөн кызматтарды көрсөтпөгүлө силерди өлтүрүп, өз мекениңерде кордоп, силерге «террористтер» деген ат коюшат. Палестина элине каршы алардын атынан жасаган бардык жийиркеничтүү иштериңер – адам өлтүрүү, камакка алуу, кыйноолор – силерге пайда алып келген жок. Тескерисинче, бул силерди яхудийлердин алдында дагы да төмөн жана басынтылган абалга түшүрдү.
Алар силер саткынчылык менен курмандыкка чалган Палестина мамлекетин куруу долбооруңарды да жокко чыгарышты. Силер бул долбоор үчүн Палестинаны жана анын элин сатып жибергениңерге карабай, яхудийлер силерге дагы да басынтуу жана кемсинтүү тартуулашты. Бирок силер буга карабай, дагы эле Аллахтын сүйүктүү кулдары болгон Палестина элине зулумдук кылуу менен ошол эле кулчулук жолуңарды улантып жатасыңар.
Силер чындап эле өз кожоюнуңардын ыраазылыгына жетпей жатканыңарды жана ошол эле учурда Аллах менен Анын пенделеринин алдында катуу жек көрүндү болуп жатканыңарды көрбөй жатасыңарбы? Акылга келбейсиңерби?!»
Билдирүү төмөнкү сөздөр менен жыйынтыкталды:
«Биз бийликке, анын мекемелерине жана ичиндеги кылмышкерлерге кайрылабыз: Колуңарды Палестина элинен жана «Хизб-ут-Тахрир» партиясынын жаштарынан тарткыла! Колуңарды таза, күнөөсүз адамдардан тарткыла! Эгерде силер Аллахтан жана Акырет күнүнөн коркпосоңор, анда силерден мурун мыкаачылык менен бийлик жүргүзгөн режимдердин эмне болгонун карагыла! Алар силерден да күчтүү жана зулумдугуңардан да ашкан, бирок Аллах аларды күнөөлөрү үчүн жок кылды жана алар үчүн Аллахтын азабынан кутулуу мүмкүн болгон эмес».
Роя гезити
