Миңдеген адамдар Газаны колдогон жүрүштөргө агылууда
Баскынчы жөөт аскерлери Рафахка жасаган чабуулдардын айынан аймакта баш калкалап турган 360 миңдей тургун жер которууга мажбур болууда. Кылмышкерлер муну менен эле чектелбей, аймакка гуманидардык жардам үчүн келген жүктөрдү талап-тоношууда. 7-октябрдан бери курман болгон жай тургундардын саны 40 миңге жетти. Алардын дээрлик баары жаш балдар жана аялдар. Буга карабай эки жүздүү Америка админстрациясы жана ал баштаган эл аралык уюмдар Газадагы кылмыштарды геноцид деп атоодон баш тартууда.
Бул кыргындарды токтотууга дүйнөлүк коомчулуктун көңүлүн буруу үчүн Түркия, Палестина, Пакистан баштаган бир катар өлкөлөрдө калк Газаны колдогон жүрүштөргө чыкты.
Түркиянын ондогон шаарында өткөн жөө жүрүштөрдө катышуучулар “Жетишет! Сөздөн ишке өтүү учуру келди” ураандарын көтөрүп чыгышты. Калың эл катышкан жүрүштөрдүн артынан басма сөз баянаттары жасалды. Билдирүүдө мусулман өлкөлөрдүн жетекчилерине жоопкерчиликтери эскертилип, жөөт вужуду менен дипломатиялык, саясий, экономикалык жана аскерий алакаларды токтотууга чакырылды. О.э “израил” өкмөтүнө сөз жетишсиз экени, кошуундарды кыймылга келтирүү шарт экени айтылды.
Мындан тышкары, мужахиддердин 7-октябрдан берки эрдиктери баяндалып, каапырлардын сүйлөшүү столундагы алдоолооруна түшүп калуудан этият болууга, Аллага гана таянууга чакырылды.
Жөө жүрүштөр Батыш Жээктеги ал-Халил аймагында да уланды. Баскынчы жөөт вужуду жана Махмуд Аббас режиминин тоскоолдуктарына карабай миңдеген адамдар, аймактын аксакалдары бул жүрүшкө катышты.
Булардын баары Палестина маселеси палестиналыктардын эле эмес, бүткүл үммөттүн маселесине айланганын ачык көрсөтүүдө. Бул – ыйык Куддус жери мусулман жетекчилердин кыянаттыгына кабылса да, үммөт тарабынан ташталбаганынын күбөсү!
Ал эми, мужахиддердин бекем позициясы баскынчы жөөттөрдү курал-жарак жана каражат менен камсыздап жаткан Батышты шерменде кылууда. А түгүл, Батыш коому бийликтин жөөт өкмөтүн колдоп-кубаттоолоруна каршы майдандарда акцияларды уюштурууда. Айрыкча, студенттердин акциялары бийликтерди оор абалга кептеп жатат. Газа калкынын көпчүлүктүн каршысындагы мындай позициясы Аллах Тааланын мусулмандарга берген убадасын дагы бир жолу эстетти.
اِنَّهُمْ يَرَوْنَهُ بَعٖيداً وَنَرٰيهُ قَرٖيباًؕ
“Чындыгында, алар аны узак деп билишет. Биз болсо анын жакындыгын билебиз” (Маариж: 6).
Ибн Хиббан Сахихинде Убайй бин Каабдан риваят кылат. Расулулла (с.а.в) айтты:
بشِّرْ هذه الأمَّةَ بالنَّصرِ والسَّناءِ والتَّمكينِ
“Бул үммөт жеңиш, улуулук жана жер жүзүнө өкүмдарлык кылуу менен сыйланган”.
Туркистон
