Кыргызстанда никаб жана узун сакал үчүн жаза
Жогорку Кеңештин депутаты Шарапаткан Мажитова Кыргызстанда паранжы жамынып жүрүүгө жана узун сакал коюуга тыюу салуу тууралуу мыйзам долбоорун даярдап, коомдук талкууга чыгарды. Депутат Мажитова мындай чара мамлекеттин коопсуздугу үчүн маанилүү деп эсептейт. Эгер мыйзам кабыл алынса, аны аткарбагандарга 2000 сом айып пул салынат же 30 күн коомдук жумушка тартылат. Эгер бул абал кайталанса, айып пулдун өлчөмү жана жумушка тартуунун мөөнөтү көбөйөт.
Эске сала кетсек, Шарапаткан Мажитова Жогорку Кеңештин 8-сентябрдагы жыйынында: “Акыркы күндөрү паранжы жамынгандар көбөйүп жатат. Аларды жоолук салынбасын дебейм. Бирок өзүнүн жүзүн жаап, идентификациясын аныктоого мүмкүн болбогондой чүмкөнүп алганы өтө кооптуу. Ушул боюнча мамлекеттик чара көрбөсөк болбой калды”, – деген эле.
Комментарий: Шарапаткан Мажитованын жоолук оронууга жана узун сакал коюуга тыюу салуу жөнүндөгү мыйзам долбоорун “мамлекеттин коопсуздугу үчүн” дегени болгону бир шылтоо гана. Негизи бул аракет Исламга, исламий идеологияга, исламий баалуулуктарга жана мусулмандарга каршы күрөштүн бир көрүнүшү!
Бул күрөштө куфрга жагынмакчы болгон бийликтегилер кожоюндарын ыраазы кылуу үчүн Өзбекстандан үлгү алып, муслималардын жоолугу менен мусулмандардын сакалына асылууну күчөтө башташты. Ал эми коомчулукта бузукулук жана туруксуздук жаратууга салым кошуп жаткан ЛГБТ сыяктуу бузуку топтордун күчөшүн көрмөксөн болуп келет. Ал тургай алар күчөшүнө шарт түзүп берип жатышат. Негизи, калкынын көпчүлүгү мусулман болгон коомдо чыныгы коркунуч мына ошол бузукулар. А бирок, малай өкмөт аларга көңүл буруп да койбойт, алардан кооптонбойт. Себеби, малайлар “мамлекет коопсуздугу” дегенде кожоюндарынын мамлекеттеги кызыкчылыктарына жана өздөрүнүн бийлигине боло турган коркунучту гана түшүнүшөт.
Мына ушундан көрүнүп тургандай, Шарапаткан сыяктуу куфрга малай депутаттардын кожоюндарын ыраазы кылуудан башка кайгысы жок. Эгер булар аз болсо да элдин камын ойлогондо, күн сууктап баштаган кезде калкка электр энергиясын жана жаратылыш газын жетиштүү өлчөмдө жеткирип берүү сыяктуу бүгүнкү күндүн маанилүү көйгөйлөрүн коомдук талкууга алып чыгышмак. А бирок, бийлик бул көйгөйлөрдү көрмөксөн болуп жатат. Бул жерде бийликтегилердин бирден-бир кайгысы Ислам жана исламий көрүнүштөр коомдо кеңири жайылышына каршы күрөшүү аркылуу кожоюндарын ыраазы кылуу. Акыркы кездерде Исламий баалуулуктарга умтулуу күчөгөнү Кыргызстандын үстүндөгү колонизаторлордун тынчын ала баштады.
Мусулмандар жана муслималар өз өлкөсүндө динин эркин кармануу мүмкүнчүлүгүнөн куру калышы аябай өкүнүчтүү абал. Мусулмандар биригип, Ислам баалуулуктарын коргоочу Халифалык мамлекетин тикелемейинче мындай абалдан эч качан кутула алышпайт. Бийликти ээлеп алган паскеч жана төмөн кимселер болсо, Исламга, анын баалуулуктарына жана мусулмандарга каршы күрөшүн уланта беришет.
Туркистон
