Кулубаев Швеция менен кызматташтыкты талкуулады
Кыргызстандын тышкы иштер министри Жээнбек Кулубаев Швециянын Тышкы иштер министри Тобиас Билльстрём менен телефон аркылуу сүйлөштү. Сүйлөшүүнүн жүрүшүндө тараптар Кыргызстан менен Швециянын эки тараптуу жана көп тараптуу форматта кызматташуу маселелерин талкуулашты. Анын ичинде саясий байланыштарды улантуунун жана ар кандай деңгээлдеги өз ара сапарларды уюштуруунун маанилүүлүгүн белгилешти.
Сүйлөшүүнүн жүрүшүндө Кулубаев “Швециянын расмий органдары элдин диний сезимдерине таасир эткен терс көрүнүштөрдүн алдын алуу чараларын көрүшү керек” деген пикирин билдирди.
Белгилүү болгондой, 28-июнда мусулмандар Курман айт майрамын белгилеп жатканда 37 жаштагы ирактык качкын Салван Момика Швециянын борбору Стокгольм шаарындагы мечиттин алдында Куран китебин тепкилеп, өрттөгөн. Полиция акцияны кайтарып, коомдук тартипти көзөмөлдөп турган. Бул ишти жасаган кылмышкер Куранды өрттөө үчүн швед өкмөтүнөн расмий уруксат алган. Мындан кийин мусулман өлкөлөрүндө миңдеген адамдардын катышуусунда нааразылык акциялары өтүп, Ирак калкы Швециянын элчилигине кирип барып, өрт койгон. Айрым өлкөлөрдө мусулмандар жүрүштөрдү жасап, жетекчилерди татыктуу жооп кайтарууга чакырышкан. Натыйжада, бир катар өлкө жетекчилер жана башкы дипломаттар Швециянын аракеттерин катуу айыптаган билдирүүлөрдү жасаган. Алардын катарында Казакстан президенти менен Тажикстандын Тышкы иштер министри да бар. Өкүнүчтүүсү 90 пайызын мусулмандар түзгөн кыргыз бийлиги Алланын Китеби акааратталышына шарт түзүп берген Швеция менен кызматташтыкты токтотуунун ордуна күчөтүүнүн үстүндө баш катырууда. Бул айт намаздарга катышуусун пиар катары колдонгон бийликтин эки жүздүүлүгүнөн башка нерсе эмес. Албетте, бул сөздөр менен популисттик билдирүүлөрдү жасаган башка мусулман өлкөлөрүнүн жетекчилерин да мактоочу эмеспиз. Алар да Ислам жана мусулмандардын аброюн коргоонун ордуна каапырлар түзгөн уюмдардан чечим сурашууда! Маселен, Ислам өлкөлөрүнүн жетекчилери “Ислам кызматташтык уюму”нун алкагында шашылыш топтолуп, Швеция жана Даниядагы Куранга жасалган кол салууну бир ооздон айыптоо менен гана чектелишти. Бул уюм өз өлкөлөрүндөгү Швеция менен Даниянын элчиликтерин жабуунун ордуна, тынчсыздануусун жеткирүү үчүн Европа Биримдигинин Комиссиясына атайын өкүл дайындоо чечимин кабыл алышты. Айрыкча, БУУдан Исламофобия менен күрөшүү үчүн өзүнчө отчет даярдоону талап кылынды.
Демек, бүгүнкү мусулмандардын кор абалы мамлекет жетекчилеринин каафирлерге татыктуу жооп бербешинде жатат. Негизи, алардын милдети мындай ыплас аракеттерге куру айыптоолор менен эмес, кошуунду мобилизация кылуу жана башка өлкөлөрдүн бийликтерин да ушуга чакыруу болчу. Ал эми, жалпы мусулмандар каафирлердин мындай аракеттерине каршы пикир билдирип, акимдердин кыянатчылыктарын айыптап, өз өлкөсүндө жана дүйнөдө массалык пикир жаратууга аракет кылуулары важиб.
Мумтаз Маверанахрий
