بِسْمِ اللهِ الرَّحْمٰنِ الرَّحِيمِ
Өлкөлөрдү фатх кылган Уммат каралоо менен гана чектелген Умматка айланды?!
Устез Мухаммад Абдуллах
Ирак вилаяты
Бүткүл дүйнөнүн көз алдында маал-маалы менен Куръани Карим өрттөлүп, бул окуя Европанын бир нече мамлекеттеринде кайталанууда. Бул кылмыш аны жасагандар эч кандай жоопкерчиликке тартылбастан уланууда жана эч нерсе болбогондой иш аягына чыгууда… Буга мусулмандар каралоо жана нааразылык билдирүү менен чектелүүдө. Бул окуя болуп өткөн мамлекеттердеги мусулман мамлекеттеринин элчилик өкүлдөрүнүн курулай каралоолорун гана угуп жатабыз! Ал эми, Швецияда Курбан айттын биринчи күнү адамдар алдында Куръани Карим өрттөлгөн окуянын көңүлдү бурчу тарабы ушул болду – бул ишти жасаган кылмышкер Куръани Каримди өрттөө үчүн швед өкмөтүнөн расмий уруксат алды. Мусулмандар ар дайымкыдай каралоо жана нааразылык билдирүү менен чектелишти! Россия президенти Путин мусулмандарга көңүл айткандай болуп, телевидение аркылуу билдирүү берди. Ал бул окуяга каршы экендигин билдирди жана «мындай окуя анын өлкөсүндө болборун, себеби, Россия өкмөтү диндерди урматтоо жөнүндө мыйзам кабыл алганын» айтып окуяны каралады… Путин орустар Афганистан жана анын айланасындагы мамлекеттерде жасаган кыргындарын, жылдар аралыгында мусулмандарды кыргын кылып, кордошконун унутканга салды… Бирок, анын бул билдирүүсү Чеченстан президенти Рамзан Кадыров сыяктуу Россия менен бирге экендиги менен сыймыктанган жана аны менен бирге сап тарткан малай мусулман өкүмдарларынын туйгуларын козгоодон башка нерсе эмес. Америкага келсек, ал да расмий билдирүү менен окуяны караларын билдирип, ал да Иракта мечиттерди өрттөгөн жана бүткүл өлкөнү кыйраткан иштерин унутканга салды. Ушул каралоолордун артынан Ислам жана мусулмандарды колдогон билдирүүлөрү менен адамдарды алдап, алардын туйгуларын козгогон жана башкалар сыяктуу алардын сезимдери менен ойношкон Түркия президенти Эрдагандын кезектеги каралоосу пайда болду. Бирок, турмуш чындыгы Эрдаганды жалганчыга чыгарып, анын сөзү менен аракети башка экенин көрсөтүүдө. Эрдаган илманий мамлекеттин президенти болуп, өлкөнүн ички жана тышкы саясаты Батыш кызыкчылыктарына каршы келбейт. Тескерисинче, Түркия Американын Сирия жана Ливиядагы долбооруна кызмат кылып берди. Эрдаган – Америка эмнени буюрса, ошону аткарууга ар дайым даяр адам.
Бул жердеги маанилүү суроо – мусулмандар кайда? Абал ушуну көрсөтүп жатат: бүгүнкү күндө мусулмандар алсыз абалда. Мунун себеби мусулмандар бир тараптан залим өкүмдарлардын зулуму астында болсо, башка тараптан, Сайкс-Пико келишиминен кийин исламий өлкөлөрдү бөлүп алышкан мамлекеттердин саясаты мусулман өлкөлөрүндөгү коомдордо жахилиятты жаюуга жана дини жөнүндөгү китептердеги мурастан башка эч нерсени билбеген муунду даярдап чыгарууга багытталган. Туурасы, эң жаман жана ыплас ыкмаларды пайдаланып, мусулмандарды күнү-түнү кордоого жана кыргын кылууга жан үрүшүүдө.
Бирок, турмуш чындыгы дагы ушуну көрсөтүүдө: туура, мусулмандар бир аз алсыз абалда, бирок, алар күчтүү бекем ишенимге ээ. Эгер, аларга бир аз мүмкүнчүлүк бериле, анда, алар ата-бабалары сыяктуу арстандарга айланышына, Батыш аларга каршы тура албашына күбө болосуң. Батыш муну өтө жакшы билет.
Мусулмандарга айтарыбыз: силер ушуну жакшы билип алгыла, акы-укукту кескин сөздөр менен алып болбойт. Ал калималарыбызды жана саптарыбызды бириктирүүгө аракет кылган улуулардын жолун жандантып, мабдасы Ислам болгон саясий вужудду пайда кылуу үчүн олуттуу аракет кылуу аркылуу бир сапта тизилүү жана бириктирүү менен болот. Биз качан өз вужудубузду кайра тикелесек, күч-кубатка каршы турган өзгөчө кубат болобуз. Ошондо гана акы-укуктарыбызды да алып, Куръани Каримдин жана Расулубуз ﷺдын урматын тебелеп-тепсегендерди каралоо жана нааразылык билдирүү менен гана чектелбестен, аларды жоопго тартабыз. Халифалык 1300 жыл ушул нерсени кылып, мусулмандардын урматын жана алардын ыйык нерселерин бир сөз менен болсо да акаарат кылган ар кандай адамдын эсин таанытып койгон.
Ошондуктан, өлкөңөрдөгү өкүмдарлардын жана элчилик өкүлдөрүнүн каралоолоруна же Батыш мамлекеттеринин билдирүүлөрүнө мусулмандар алданып калышпасын. Алар мусулман өлкөлөрүн ойрон кылуу, басып алуу, мал-мүлктөрүн талап-тоноого алып келген жарааттарды кудум биз унуткандай сүйлөп жатышат.
Аллах Таала айтат:
﴿يَا أَيُّهَا الَّذِينَ آمَنُوا لَا تَتَّخِذُوا بِطَانَةً مِنْ دُونِكُمْ لَا يَأْلُونَكُمْ خَبَالاً وَدُّوا مَا عَنِتُّمْ قَدْ بَدَتِ الْبَغْضَاءُ مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ قَدْ بَيَّنَّا لَكُمُ الْآيَاتِ إِنْ كُنتُمْ تَعْقِلُونَ﴾
«Эй момундар, өзүңөрдү коюп, (мунафыктарды) сырдаш дос тутпагыла! Алар силерге зыян жеткирүүдө күчтөрүн аяшпайт жана жаман абалга түшүүңөрдү арзуу кылышат. Алардын силерди жаман көрүүсү ооздорунан ашкере болду. Жүрөктөрүндөгү душмандыктары болсо андан да чоңураак. Эгер, акыл жүргүзсөңөр силер үчүн аят-аламаттарды ачык-айкын кылып бердик» [3:118]
Роя гезити, №453, 2023-жыл, 26-июль.
