Пригожин Украинага орус аскерлери жөнүндө маалымат берүүнү сунуштады
Россияга караштуу “Вагнер” жалданма тобунун башчысы Евгений Пригожин согуш майданында өздөрүнө жол ачылышынын акысына Украина өкмөтүнө орус аскерлери жайгашкан жерлер тууралуу маалымат берүүнү сунуштаган. Бул тууралуу “The Washington Post” гезити кабарлады. Гезиттин жазышынча, АКШнын Массачусетс штатындагы Улуттук гвардияда авиатор болуп иштеген 21 жаштагы Жек Тейшейра тарабынан жарыяланган документтерде, Пригожин менен аты аталбаган украиналык расмийлер ортосунда болуп өткөн жана Пригожин сунушун билдирген жолугушуу жөнүндөгү маалыматтар ачыкталган. Аталган документте келишинче, “Вагнер” оор жоготууга учураган Бахмуттагы согуштун алдыңкы фронтунан чегинишинин акысына Пригожин Украинага орус аскерлери жайгашкан жерлерди маалымдайт жана Украина аскерлери чабуул кылганда аралашпай турат.
Ошол эле убакта атын ачыктоону каалабаган эки украиналык чиновник “The Washington Post” гезитине берген интервьюсунда, Пригожин Украина разведкасынын өкүлдөрү менен бир нече жолу сүйлөшкөнүн тастыкташты. Алардын бири Пригожин Бахмут үчүн бир нече жолу сунуш киргизгенин, а бирок, Киев өкмөтү ал сунушту четке какканын билдирди. Себеби, АКШ расмийлери, кудум Украина расмийлери сыяктуу эле, “Вагнердин” башчысынын ниеттеринен шектенип турушат.
Комментарий: Орус саясатчылары алысты көрө албаганы себептүү Россия Украинада АКШнын капканына түшүп калды. Украинаны бир нече күндүн ичинде ээлеп аларын айткан Россия – согуш башталганына бир жылдан ашык убакыт өтсө да – дагы деле дээрлик эч кандай натыйжага жетише элек. Басып алган аймактарда да туруктуулук орното албады. Кээ бир аймактарды Украина кайтарып алды.
Атайын даярдыктан өткөн “Вагнер” тобунун дээрлик 8 айдан бери Бахмут шаарын ала албай оор абалга түшүп калганы да, Россия күндөн-күнгө алдан тайып бара жатканын тастыктап турат. Россиянын өзү да муну сезип жатат. Россиянын аскерий-аба күчтөрү согуш майданында көрүнбөй калды. Ал тургай, Россияда чабуулду үзгүлтүксүз улантуу үчүн жетиштүү өлчөмдөгү ракета жана самолёттор калбаганы айтылууда.
Бул абал Россия мамлекети жөнүндө айтылып келген “улуу мамлекет”, “күчтүү мамлекет”, “кубаттуу мамлекет” деген сөздөр куру сөз экендигин көрсөтүп турат. Россия ушунчалык алсыздык кылды дейсиң, керек болсо согуш майданындагы аскерлерине курал-жарак жана ок-дары жеткирип бере албай калууда. Натыйжада душманга каршы тура албай өлүмгө дуушар болуп жаткан орус аскерлери дүйнөнүн көз алдында Россия бийлигин наалаттай башташты.
Ядролук куралдары, алыскы аралыкка болжолдонгон баллестикалык ракеталары жана С-400 сыяктуу абадан коргонуу системалары менен дүйнөдө күчтүү, супер мамлекет катары сүрөттөлүп келген Россиянын чыныгы согуш майданында дарамети канчалык экендиги көрүнүп калды. Өткөн кылымдын 90-жылдарында Россия Чеченстанга чабуул кылганда мындан да начар абалга түшкөн эле. Ушул орунда: “Россия бул жерде Украина менен эмес, Украинанын аймагында АКШ жана Европа менен согушууда. АКШ жана Европа мамлекеттери болсо, аскерий жактан Россиядан күчтүү”, – деген пикирлер болору табигый көрүнүш. Себеби, Америка башында турган Батыш мамлекеттери Украинаны заманбап куралдар менен камсыздап жатат. Бирок, ошол “дүйнөдөгү эң кубаттуу армияга ээ” деп аталган Америка жана анын коалициясы, эч кандай мамлекетке ээ болбогон “Талибан” Мужахиддери менен 20 жыл согушуп, андан соң шерменде болуп жеңилип чыгып кеткенине дүйнө жүзү күбө болду.
Демек, колонизатор мамлекеттер өздөрүн канчалык кыйын деп сүрөттөшпөсүн, бирок вакиъ мунун тескерисин көрсөтүп турат. Алардын материалдык жактан өнүгүшү булар жеңилбес күч экендигин түшүндүрбөйт. Себеби, жеңилгис күчкө ээ болуу материалдык кубатта эмес, тескерисинче курмандык берүүгө даяр турууда. Бул болсо ыйык Шахадат түшүнүгүнө ээ болгон Исламдан башкасында жок. Жеңилгис күч кандай болорун Ислам аскерлери иш жүзүндө көрсөтүп бергени тарыхтан белгилүү. Инша Аллах жакынкы күндөрдө Халифалык мамлекети тикеленери менен ошол жеңилгис күч – Аллахтын изни менен – кайрадан кайтып келет.
Зохид Заргар
